വാളയാർ സംഭവം: പൊലീസിന്​ വീഴ്​ചപറ്റിയെന്ന്​ വി.എസ്​

പാലക്കാട്​: വാളയാറിൽ ദ​ുര​ൂഹമായ സാഹചര്യത്തിൽ പെൺകുട്ടികൾ മരിക്കാനിടയായ സംഭവത്തിൽ പൊലീസിന്​ വീഴ്​ച പറ്റിയതായി ​ഭരണപരിഷ്​കാര കമീഷൻ ചെയർമാൻ വി.എസ്​ അച്യുതാന്ദൻ. വാളയാർ സംഭവത്തിൽ പ്രതികൾക്കൊപ്പം നിൽക്കുന്ന നിലപാടാണ്​​ പൊലീസിനെന്നും വി.എസ്​ കുറ്റപ്പെടുത്തി.

പല കേസുകളിലും പ്രതിക​ളോ​ടൊപ്പം നിന്ന്​ മുതലെടുപ്പ്​ നടത്തുന്ന സമീപനമാണ്​ പൊലീസിനുള്ളതെന്നും വി.എസ്​ പറഞ്ഞു. നീതികേട്​ കാണിച്ച പൊലീസുകാരെ ശിക്ഷിക്കണം. കേസിൽ പ്രാദേശിക സി.പി.എം അംഗങ്ങൾക്ക്​ പങ്കുണ്ടെന്ന ആരോപണം അടിസ്ഥാനരഹിതമാണെന്നും വി.എസ് പറഞ്ഞു​. മരിച്ച പെൺകുട്ടികളുടെ കുടുംബത്തിന്​ അർഹമായ നഷ്​ടപരിഹാരം സർക്കാർ നൽകണമെന്നും വി.എസ്​ ആവശ്യപ്പെട്ടു. വാളയാറിൽ മരിച്ച പെൺകുട്ടികളുടെ വീട്​ സന്ദർശിച്ച ശേഷം മാധ്യമങ്ങളോട്​ സംസാരിക്കുകയായിരുന്നു വി.എസ്​