ശബരിമല: പ്രക്ഷോഭം വിശ്വാസ സംരക്ഷണത്തിനല്ല തെരഞ്ഞെടുപ്പ്​ മുന്നിൽകണ്ട്​- വി.എസ്​

തിരുവനന്തപുരം: ശബരിമല സ്​ത്രീപ്രവേശന വിഷയത്തിൽ ഇപ്പോൾ നടക്കുന്ന പ്രക്ഷോഭം വിശ്വാസ സംരക്ഷണത്തിനല്ലെന്ന്​ ഭരണപരിഷ്​കാര കമീഷൻ ചെയർമാൻ വി.എസ്​ അച്യുതാനന്ദൻ. തെരഞ്ഞെടുപ്പ്​ മുന്നിൽകണ്ടാണ്​ ഇപ്പോഴത്തെ പ്രക്ഷോഭങ്ങളെന്നും വി.എസ്​ പറഞ്ഞു.

ശബരിമല വിഷയത്തിൽ വർഗീയ ധ്രുവീകരണമുണ്ടാക്കി വോട്ട്​ പിടിക്കാനാണ്​ ശ്രമം. സംഭവത്തിൽ സ്​ത്രീകളെ പടക്കിറക്കുന്നതും അവർ പടക്കിറങ്ങുന്നതും വിരോധാഭാസമാണെന്നും വി.എസ്​ വ്യക്​തമാക്കി. കോൺഗ്രസ് ശബരിമലയിൽ മൃദുഹിന്ദുത്വ നിലപാടാണ് സ്വീകരിക്കുന്നതെന്ന് കഴിഞ്ഞ ദിവസം വി.എസ്​ അച്യുതാനന്ദൻ കുറ്റപ്പെടുത്തിയിരുന്നു.