ദേശീയപ്രക്ഷോഭം വേണം, പല‍യിടത്തും പാർട്ടി ദുർബലം; പി.ബിക്ക് വി.എസിന്‍റെ കത്ത്

തിരുവനന്തപുരം: നോട്ട് നിരോധനത്തില്‍ ദേശീയപ്രക്ഷോഭം വേണമെന്നാവശ്യപ്പെട്ട് പാര്‍ട്ടി കേന്ദ്രനേതൃത്വത്തിന് ഭരണപരിഷ്‌കരണ ചെയര്‍മാന്‍ വി.എസ്. അച്യുതാനന്ദന്‍റെ കത്ത്.  പാർട്ടി ജനകീയ സമരങ്ങൾ ഏറ്റെടുക്കണം. പലയിടത്തും പാർട്ടി ദുർബലമാണ്. ഈ അവസ്ഥ മറികടക്കാനുള്ള ചർച്ച കേന്ദ്രകമ്മിറ്റിയിൽ വേണെന്നും കത്തിലൂടെ വി.എസ് ആവശ്യപ്പെട്ടു. മകൻ വി.എസ്.അരുൺകുമാർ വഴിയാണ് കത്ത് കൈമാറിയത്.

രാജ്യവ്യാപക പ്രക്ഷോഭങ്ങള്‍ക്കായി സംഘടനയെ ശക്തിപ്പെടുത്തണം. ജനകീയ സമരങ്ങള്‍ പാര്‍ട്ടി ഏറ്റെടുക്കണം. കേന്ദ്രകമ്മിറ്റി ഇക്കാര്യം ചര്‍ച്ച ചെയ്യണമെന്നും കത്തിലുണ്ട്.