കേ​ര​ള​ത്തി​ന്‍റെ സ​മ​ര യൗ​വ​നം മി​ഴി​യ​ട​ച്ച് കി​ട​ന്നു, പാ​ർ​ട്ടി പ​താ​ക നെ​ഞ്ചോ​ട് ചേ​ർ​ത്ത്...; വേലിക്കകത്ത് വീട്ടിൽ നിന്നിറങ്ങി വി.എസ്

വീ​ട്ടി​ൽ പൊ​തു​ദ​ർ​ശ​നം ഉ​ണ്ടാ​കി​ല്ലെ​ന്ന അ​റി​യി​പ്പു​ക​ൾ മ​റി​ക​ട​ന്നും തി​ങ്ക​ളാ​ഴ്ച രാ​ത്രി മു​ത​ൽ ത​ല​സ്ഥാ​ന ന​ഗ​രി​യി​ലെ മ​ക​ന്റെ വീ​ട്ടി​ലേ​ക്ക് സ​ന്ദ​ർ​ശ​ക​പ്ര​വാ​ഹം

തി​രു​വ​ന​ന്ത​പു​രം: രാ​ഷ്ട്രീ​യ ജീ​വി​ത​ത്തി​ൽ​നി​ന്ന് വി​ശ്ര​മ​ത്തി​ന്‍റെ വേ​ലി​ക്കെ​ട്ടി​ലേ​ക്കൊ​തു​ങ്ങി​യ ത​ല​സ്ഥാ​ന​ത്തെ ‘വേ​ലി​ക്ക​ക​ത്ത്’ വീ​ട്ടി​ൽ അ​വ​സാ​ന ഉ​റ​ക്ക​ത്തി​ലാ​യി​രു​ന്നു വി.​എ​സ്. അ​ന്ത്യ​ദ​ർ​ശ​ന​ത്തി​നാ​യി ആ​ർ​ത്ത​ല​ച്ചെ​ത്തി​യ ജ​ന​സാ​ഗ​ര​ത്തി​ന് മു​ന്നി​ൽ, തൊ​ണ്ട പൊ​ട്ടു​മാ​റ് അ​വ​ർ വി​ളി​ച്ച മു​ദ്രാ​വാ​ക്യ​ങ്ങ​ൾ​ക്കി​ട​യി​ൽ, ത​ന്‍റെ സ​മ​ര​ഭ​രി​ത ജീ​വി​ത​ത്തി​ന്‍റെ അ​വ​സാ​ന അ​ധ്യാ​യ​വും എ​ഴു​തി​ച്ചേ​ർ​ത്ത് കേ​ര​ള​ത്തി​ന്‍റെ സ​മ​ര യൗ​വ​നം മി​ഴി​യ​ട​ച്ച് കി​ട​ന്നു. പാ​ർ​ട്ടി പ​താ​ക നെ​ഞ്ചോ​ട് ചേ​ർ​ത്ത്...

തി​ങ്ക​ളാ​ഴ്ച രാ​ത്രി 11.40 ഓ​ടെ​യാ​ണ് പ​ഴ​യ എ.​കെ.​ജി സെ​ന്‍റ​റി​ൽ​നി​ന്ന് വി.​എ​സി​ന്‍റെ ഭൗ​തി​ക​ശ​രീ​ര​വു​മാ​യി ബാ​ർ​ട്ട​ൻ​ഹി​ല്ലി​ലെ മ​ക​ൻ അ​രു​ൺ​കു​മാ​റി​ന്‍റെ വീ​ട്ടി​ലേ​ക്ക് ആം​ബു​ല​ൻ​സ് യാ​ത്ര​തി​രി​ച്ച​ത്. വി​വാ​ഹം ക​ഴി​ഞ്ഞ് പു​ന്ന​പ്ര​യി​ൽ വി.​എ​സ് ആ​ദ്യ​മാ​യി വാ​ങ്ങി​യ ‘വേ​ലി​ക്ക​ക​ത്ത്’ വീ​ടി​ന്‍റെ ഓ​ർ​മ​ക്ക് അ​തേ പേ​രി​ട്ട മ​ക​ന്‍റെ വീ​ട്ടി​ലേ​ക്ക് അ​ന്ത്യ​ഭി​വാ​ദ്യം നി​റ​ഞ്ഞ വ​ഴി​ക​ളി​ലൂ​ടെ​യാ​യി​രു​ന്നു അ​വ​സാ​ന​യാ​ത്ര. റെ​ഡ് വ​ള​ന്‍റി​യ​ർ​മാ​രും പ്ര​വ​ർ​ത്ത​ക​രും നേ​താ​ക്ക​ളു​മ​ട​ക്കം ആ​യി​ര​ങ്ങ​ളാ​ണ് വി​ലാ​പ​യാ​ത്ര​യി​ൽ പ​ങ്കു​ചേ​ർ​ന്ന​ത്.

ആം​ബു​ല​ൻ​സ് 12.15ഓ​ടെ വീ​ട്ടി​ലെ​ത്തി. പാ​ർ​ട്ടി ജ​ന​റ​ൽ സെ​ക്ര​ട്ട​റി എം.​എ. ബേ​ബി, മു​ൻ ജ​ന​റ​ൽ സെ​ക്ര​ട്ട​റി പ്ര​കാ​ശ് കാ​രാ​ട്ട്, വൃ​ന്ദ കാ​രാ​ട്ട്, ജോ​ൺ ബ്രി​ട്ടാ​സ് എം.​പി എ​ന്നി​വ​ർ വീ​ട്ടി​ൽ അ​ന്തി​മോ​പ​ചാ​രം അ​ർ​പ്പി​ച്ചു. വീ​ട്ടി​ൽ പൊ​തു​ദ​ർ​ശ​നം ഉ​ണ്ടാ​കി​ല്ലെ​ന്നും ഇ​നി​യു​ള്ള മ​ണി​ക്കൂ​റു​ക​ൾ കു​ടും​ബാം​ഗ​ങ്ങ​ൾ​ക്കും ബ​ന്ധു​ക്ക​ൾ​ക്കും മാ​ത്ര​മാ​യി വി.​എ​സി​നെ വി​ട്ടു​കൊ​ടു​ക്കു​ക​യാ​ണെ​ന്നും സി.​പി.​എം തി​രു​വ​ന​ന്ത​പു​രം ജി​ല്ല സെ​ക്ര​ട്ട​റി വി. ​ജോ​യി പ്ര​വ​ർ​ത്ത​ക​രെ അ​റി​യി​ച്ചു.

എ​ന്നാ​ൽ, പ്രി​യ നേ​താ​വി​നെ കാ​ണാ​ൻ അ​പ്പോ​ഴേ​ക്കും ജ​നം അ​വി​ടെ നി​റ​ഞ്ഞു​ക​ഴി​ഞ്ഞി​രു​ന്നു. ദൂ​ര​ദേ​ശ​ങ്ങ​ളി​ൽ നി​ന്നു​ള്ള​വ​ർ​പോ​ലും വീ​ട്ടി​ലെ​ത്തി മ​ണി​ക്കൂ​റു​ക​ൾ കാ​ത്തു​നി​ന്ന് ത​ങ്ങ​ളു​ടെ പ്രി​യ​നേ​താ​വി​ന് ക​ണ്ണീ​രോ​ടെ ലാ​ൽ​സ​ലാം ചൊ​ല്ലി. പു​ല​ർ​ച്ചെ അ​ഞ്ചോ​ടെ​യാ​ണ് തി​ര​ക്കി​ന് അ​ൽ​പം ശ​മ​നം വ​ന്ന​ത്. തു​ട​ർ​ന്ന് ഒ​മ്പ​തോ​ടെ ഭാ​ര്യ വ​സു​മ​തി​യെ ത​നി​ച്ചാ​ക്കി ത​ല​സ്ഥാ​ന​ത്തെ വീ​ട്ടി​ൽ​നി​ന്ന് വി.​എ​സ് എ​ന്നേ​ക്കു​മാ​യി പ​ടി​യി​റ​ങ്ങി.