You are here

ദിവാകരന്‍റെ പ്രസ്താവന മലര്‍ന്നു കിടന്ന് തുപ്പുന്നതിന് സമം -വി.എസ്

15:09 PM
19/05/2019

തിരുവനന്തപുരം: ഭരണപരിഷ്കാര കമീഷനെതിരെയും 2006ലെ എൽ.ഡി.എഫ്​ മന്ത്രിസഭയിലെ തർക്കങ്ങളിലും​ വിമർശനം ഉന്നയിച്ച സി.പി.​െഎ നേതാവും മുൻ മന്ത്രിയുമായ സി. ദിവാകരന്​ മറുപടിയുമായി വി.എസ്​. അച്യുതാനന്ദൻ.  ‘മലര്‍ന്നുകിടന്ന് തുപ്പുന്നവര്‍ക്കറിയില്ല, ആരുടെ മുഖത്തേക്കാണവര്‍ തുപ്പുന്നതെന്ന്​’ വി.എസ്​ ഫേസ്​ബുക്കിൽ കുറിച്ചു. 

‘ഭരണപരിഷ്കാര കമീഷന്‍ പരാജയമാണെന്നും ഒരു മുന്‍ മന്ത്രിക്ക് കൊമ്പുണ്ടെന്നും പറയുമ്പോള്‍, ആ മന്ത്രിസഭയിലിരുന്ന മന്ത്രി എന്താണ് ചെയ്തുകൊണ്ടിരുന്നതെന്ന് ജനങ്ങള്‍ അന്വേഷിക്കും. അന്നത്തെ മാധ്യമവാര്‍ത്തകള്‍ അവര്‍ അയവിറക്കും. ഭരണപരിഷ്കാര കമീഷനെ സംബന്ധിച്ച്, ഇതിനകം മൂന്ന് റിപ്പോര്‍ട്ടുകള്‍ പൂര്‍ത്തിയാക്കി സര്‍ക്കാറിന് സമര്‍പ്പിച്ചിട്ടുണ്ട്. അതൊരു പരാജയമാണെന്ന് അഭിപ്രായമില്ല.

സംസ്ഥാനത്തി‍​െൻറ ധനകാര്യം കൈകാര്യം ചെയ്യുമ്പോള്‍ ധനമന്ത്രിയുടെ പരിഗണനാവിഷയങ്ങള്‍ മുന്‍ഗണനാ അടിസ്ഥാനത്തിലായേ തീരൂ. അവിടെ ഘടകകക്ഷികളുടെ സ്വാര്‍ഥതാല്‍പര്യങ്ങള്‍ക്ക് മുന്‍ഗണന നല്‍കാനാവില്ല. എന്നാല്‍, ഇടതുപക്ഷത്തി​​െൻറ പ്രഖ്യാപിത നിലപാടുകളോട് പരിഗണനാവിഷയങ്ങള്‍ നീതിപുലര്‍ത്തുന്നില്ലെങ്കില്‍ അത് പറയുന്നതില്‍ തെറ്റുമില്ല’.‘പാര്‍ലമ​െൻറ്​ രാഷ്​ട്രീയത്തില്‍ പരാജയങ്ങളുണ്ടെന്ന് ഒരു എം.എൽ.എ പ്രഖ്യാപിക്കുമ്പോള്‍, അതൊരു വാര്‍ത്തയാവുകയാണെന്നും’  വി.എസ്​ കുറിപ്പിൽ പറയുന്നു. 

 

Loading...
COMMENTS