കന്യാസ്​ത്രീകൾ തെരുവിലിറങ്ങുന്നത്​ ഗൗരവതരം -വി.എസ്​

തിരുവനന്തപുരം: ജലന്ധർ ബിഷപ്പ്​ ഫ്രാ​​േങ്കാ മുളക്കലിനെതിരായ ലൈംഗിക പീഡന ആരോപണത്തിൽ പ്രതികരണവുമായി ഭരണപരിഷ്​കാര കമീഷൻ ചെയർമാൻ വി.എസ്​ അച്യുതാനന്ദൻ. നീതിക്കായി കന്യാസ്​ത്രീകൾ തെരുവിലിറങ്ങുന്നത്​ ഗൗരവതരമാണെന്ന്​ വി.എസ്​ പറഞ്ഞു.

കുറ്റവാളികളെ നിയമത്തിന്​ മുന്നിൽ കൊണ്ട്​ വരണം. അതിൽ പൊലീസ്​ കാലതാമസം വരുത്തരുത്​. ഗൗരവതരമായ കേസുകൾ സഭ തന്നെ കൈകാര്യം ചെയ്യുന്നത്​ ശരിയല്ലെന്നും വി.എസ്​ വ്യക്​തമാക്കി.

പീഡനാരോപണം നേരിടുന്ന ജലന്ധർ ബിഷപ്പ്​ ഫ്രാ​േങ്കാ മുളക്കലിനെ അറസ്​റ്റ്​ ചെയ്യാത്തതിൽ പ്രതിഷേധിച്ച് കുറവിലങ്ങാട്​ മഠത്തിലെ അഞ്ച്​ ​ കന്യസ്​ത്രീകൾ പരസ്യപ്രതിഷേധം നടത്തിയിരുന്നു.