വൃന്ദ ടീച്ചർ 10 മിനിറ്റ്​ വൈകിയപ്പോൾ രക്ഷപ്പെട്ടത് നിസാറിൻെറ ജീവൻ 

അ​മ്പ​ല​പ്പു​ഴ: ഒ​ടു​വി​ൽ ആ ​അ​ജ്ഞാ​ത ര​ക്ഷ​ക​യെ ക​ണ്ടെ​ത്തി. മൂ​ന്നു​പേ​ർ മ​രി​ച്ച ക​രൂ​ർ വാ​ഹ​നാ​പ​ക​ട​ത്തി​ൽ ഗു​രു​ത​ര പ​രി​ക്കേ​റ്റ പൊ​ലീ​സു​കാ​ര​നെ കൃ​ത്യ​സ​മ​യ​ത്ത് ആ​ശു​പ​ത്രി​യി​ലെ​ത്തി​ച്ച അ​ജ്ഞാ​ത​യാ​യ സ്ത്രീ​യെ​ക്കു​റി​ച്ചു​ള്ള അ​ന്വേ​ഷ​ണ​ത്തി​ലാ​യി​രു​ന്നു ര​ക്ഷാ​പ്ര​വ​ർ​ത്ത​ക​രും നാ​ട്ടു​കാ​രും ബ​ന്ധു​ക്ക​ളു​മെ​ല്ലാം ക​ഴി​ഞ്ഞ മൂ​ന്നു​ദി​വ​സ​മാ​യി. ഒ​ട്ടേ​റെ പേ​രെ വ​ള​യം പി​ടി​ക്കാ​ൻ പ​ഠി​പ്പി​ച്ച ഉ​ത്രാ​ടം ഡ്രൈ​വി​ങ് സ്‌​കൂ​ളി​ലെ വൃ​ന്ദ ടീ​ച്ച​റാ​ണ് ആ ​ര​ക്ഷ​ക​യെ​ന്ന് ഒ​ടു​വി​ൽ ക​ണ്ടെ​ത്തു​ക​യാ​യി​രു​ന്നു. മ​ന്ത്രി ജി. ​സു​ധാ​ക​ര‍​​​െൻറ ഡ്രൈ​വ​ർ വ​ഴി​യാ​ണ് അ​ന്വേ​ഷ​ണം വൃ​ന്ദ​യി​ലേ​ക്കെ​ത്തി​യ​ത്. പ​രി​ക്കേ​റ്റ നി​സാ​റി​​​​െൻറ ജീ​വ​ൻ നി​ല​നി​ര്‍ത്താ​നാ​യ​തി​​​െൻറ സം​തൃ​പ്തി​യി​ലാ​ണ് ഈ ​ഡ്രൈ​വി​ങ് ടീ​ച്ച​ര്‍. 

വെ​ള്ളി​യാ​ഴ്ച പു​ല​ര്‍ച്ച 4.15നാ​യി​രു​ന്നു അ​പ​ക​ടം. പ​രി​ക്കേ​റ്റ കൊ​ട്ടി​യം പൊ​ലീ​സ് സ്​​റ്റേ​ഷ​നി​ലെ കോ​ൺ​സ്​​റ്റ​ബ്​​ള്‍ കു​ള​പ്പാ​ട് പു​ത്ത​ന്‍വി​ള​യി​ല്‍ നി​സാ​റി​നെ​യാ​ണ്​ (43) നി​മി​ഷ​നേ​രം​കൊ​ണ്ട് വൃ​ന്ദ ത​​​​െൻറ കാ​റി​ല്‍ ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ല്‍ എ​ത്തി​ച്ച​ത്. 

വ​ര്‍ഷ​ങ്ങ​ളാ​യി അ​മ്പ​ല​പ്പു​ഴ ശ്രീ​കൃ​ഷ്‌​ണ​സ്വാ​മി ക്ഷേ​ത്ര​ത്തി​ലെ അ​ഭി​ഷേ​കം ക​ണ്ടു​തൊ​ഴു​ന്ന ഭ​ക്ത​യാ​ണ് പു​റ​ക്കാ​ട് പ​ഞ്ചാ​യ​ത്ത് അ​ഞ്ചാം വാ​ര്‍ഡി​ൽ ഉ​ത്രാ​ടം വീ​ട്ടി​ല്‍ വൃ​ന്ദ. സം​ഭ​വ​ദി​വ​സം വീ​ട്ടി​ല്‍നി​ന്ന്​ ഇ​റ​ങ്ങാ​ന്‍ 10 മി​നി​റ്റ് വൈ​കി. ഇ​ത് ഒ​രാ​ളെ ജീ​വി​ത​ത്തി​ലേ​ക്ക് കൈ​പി​ടി​ച്ച് ഉ​യ​ര്‍ത്താ​ൻ നി​മി​ത്ത​മാ​യ​തി​​​​െൻറ സ​ന്തോ​ഷ​ത്തി​ലാ​ണ് വൃ​ന്ദ. ക​രൂ​ര്‍ പു​തു​വാ​ക​ത്ത​റ വീ​ട്ടി​ൽ ഗി​രി​ജ​യും ഒ​ന്നി​ച്ചാ​ണ് പ​തി​വാ​യി ക്ഷേ​ത്ര​ത്തി​ല്‍ പോ​കു​ന്ന​ത്. വൃ​ന്ദ എ​ത്തു​മ്പോ​ഴേ​ക്കും ഗി​രി​ജ റോ​ഡി​ല്‍ ഇ​റ​ങ്ങി​നി​ല്‍ക്കും. 

അ​ന്നും പ​തി​വു​പോ​ലെ പോ​കു​മ്പോ​ഴാ​ണ് അ​പ​ക​ടം. അ​ബോ​ധാ​വ​സ്ഥ​യി​ല്‍ ര​ക്തം​പു​ര​ണ്ട ഒ​രാ​ളെ നാ​ട്ടു​കാ​ര്‍ പു​റ​ത്തെ​ടു​ക്കു​ന്ന​താ​ണ് ആ​ള്‍ക്കൂ​ട്ട​ത്തി​നി​ട​യി​ലൂ​ടെ കാ​ണു​ന്ന​ത്. പി​ന്നെ ഒ​ന്നും നോ​ക്കി​യി​ല്ല, കാ​ര്‍ നി​ര്‍ത്തി പ​രി​ക്കേ​റ്റ​യാ​ളെ​യും​കൊ​ണ്ട് ആ​ശു​പ​ത്രി​യി​ലേ​ക്ക് പാ​ഞ്ഞു. കൃ​ത്യ​സ​മ​യ​ത്ത് എ​ത്തി​ച്ച​താ​ണ് നി​സാ​റി​​​​െൻറ ജീ​വ​ൻ ര​ക്ഷി​ക്കാ​ൻ സ​ഹാ​യി​ച്ച​ത്. പ്രാ​ഥ​മി​ക ചി​കി​ത്സ​ക്കു​ശേ​ഷം എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച നി​സാ​ർ അ​പ​ക​ട​നി​ല ത​ര​ണം​ചെ​യ്തു. നി​സാ​റി​നെ ര​ക്ഷ​പ്പെ​ടു​ത്തി​യ സ്ത്രീ​യെ​ക്കു​റി​ച്ച് സ​ഹ​പ്ര​വ​ര്‍ത്ത​ക​രും അ​ന്വേ​ഷി​ച്ചു​വ​രു​ക​യാ​യി​രു​ന്നു. 18 വ​ര്‍ഷ​മാ​യി ഡ്രൈ​വി​ങ് സ്‌​കൂ​ള്‍ ന​ട​ത്തു​ക​യാ​ണ് വൃ​ന്ദ.