വി.​പി. ജോ​യി ചീ​ഫ് സെ​ക്ര​ട്ട​റി​യാ​യി ചു​മ​ത​ല​യേ​റ്റു

തി​രു​വ​ന​ന്ത​പു​രം: സം​സ്ഥാ​നത്തിന്‍റെ പുതിയ ചീ​ഫ് സെ​ക്ര​ട്ട​റി​യാ​യി വി.​പി. ജോ​യ് ചു​മ​ത​ല​യേ​റ്റു. വി​ശ്വാ​സ് മേ​ത്ത​ വിരമിച്ചതിനെ തുടർന്ന്​ വന്ന ഒഴിവിലാണ്​ നി​യ​മ​നം. 1987 ബാച്ചുകാരനായ ​വി.പി ജോയ്​ 47-ാമത്തെ ചീഫ് സെക്രട്ടറിയായാണ് ചുമതലയേൽക്കുന്നത്​​. സർക്കാരിന്‍റെ നയപരിപാടികൾക്ക് അനുസരിച്ച് സംസ്ഥാനത്തിന്‍റെ പുരോഗതിക്ക് ആവശ്യമായ നടപടികളിൽ ശ്രദ്ധ കേന്ദ്രീകരിക്കുമെന്ന് അദ്ദേഹം പറഞ്ഞു.

സ്ഥാനമൊഴിയുന്ന ചീഫ് സെക്രട്ടറി ഡോ. വിശ്വാസ് മേത്ത അദ്ദേഹത്തെ അനുമോദിച്ചു. അഡീഷണൽ ചീഫ് സെക്രട്ടറിമാർ, സംസ്ഥാന പോലീസ് മേധാവി, പ്രിൻസിപ്പൽ സെക്രട്ടറിമാർ, സെക്രട്ടറിമാർ, മറ്റ് ഉന്നത ഉദ്യോഗസ്ഥർ, ഡോ. വിശ്വാസ് മേത്തയുടെ ഭാര്യ പ്രീതി മേത്ത തുടങ്ങിയവർ സംബന്ധിച്ചു.

2023 ജൂ​ണ്‍ 30 വ​രെ​യാ​യി​രി​ക്കും വി.​പി. ജോ​യി​യു​ടെ കാ​ലാ​വ​ധി. കേ​ന്ദ്ര ഡെ​പ്യൂ​ട്ടേ​ഷ​ന്‍ ക​ഴി​ഞ്ഞ് ജ​നു​വ​രി​യി​ലാ​ണ് അ​ദ്ദേ​ഹം സം​സ്ഥാ​ന സ​ർ​വീ​സി​ൽ തി​രി​ച്ചെ​ത്തി​യ​ത്. ഓഫിസർ ഓൺ സ്പെഷൽ ഡ്യൂട്ടിയിൽ പ്രവർത്തിച്ചുവരികയായിരുന്നു. കേന്ദ്ര കാബിനറ്റ് സെക്രട്ടേറിയറ്റിൽ സുരക്ഷ, ഏകോപനം എന്നിവയുടെ ചുമതലയുള്ള സെക്രട്ടറിയായിരുന്നു. പി.എഫ് കമ്മിഷണറായും പ്രവർത്തിച്ചിട്ടുണ്ട്​. എറണാകുളം സ്വദേശിയാണ്. കവിയും സാഹിത്യകാരനും കൂടിയായ ജോയിയുടെ 'നിമിഷ ജാലകം' എന്ന കവിതാസമാഹാരത്തിന് എസ്.കെ. പൊറ്റെക്കാട്ട് അവാർഡ് ലഭിച്ചിട്ടുണ്ട്.