​​വെള്ളാപ്പള്ളിയെ വിമർശിച്ച്​ സുധീരൻ; ഡി. സുഗതൻ ഇറങ്ങിപ്പോയി

ആലപ്പുഴ: എസ്​.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശനോടുള്ള നിലപാടി​​​െൻറ പേരിൽ കെ.പി.സി.സി മുൻ പ്ര സിഡൻറ്​ വി.എം. സുധീരനും മുൻ എം.എൽ.എയും ഡി.സി.സി മുൻ പ്രസിഡൻറുമായ ഡി. സുഗതനും തമ്മിൽ പരസ്യ വാഗ്വാദം. നവോത്ഥാന പ്രസ ്ഥാനമായ എസ്​.എൻ.ഡി.പി യോഗത്തി​ൽ മഹാകവി കുമാരനാശാൻ, സി. കേശവൻ, ടി.കെ. മാധവൻ, ആർ. ശങ്കർ തുടങ്ങിയ മഹാപ്രതിഭകൾ അലങ്കരി ച്ച മഹത്തായ ജനറൽ സെക്രട്ടറി പദവിയിലിരുന്ന്​ നാഴികക്ക്​ നാൽപതുവട്ടം അഭിപ്രായം മാറ്റുന്ന വെള്ളാപ്പള്ളി നടേശൻ വിശ്വാസ്യത സ്വയം നശിപ്പിച്ചയാളാണെന്ന്​ സുധീരൻ കുറ്റപ്പെടുത്തി.

യു.ഡി.എഫ്​ സ്ഥാനാർഥി ഷാനിമോൾ ഉസ്​മാ​​​െൻറ തെരഞ്ഞെടുപ്പ്​ പ്രചാരണത്തിനുള്ള മീഡിയ റൂം ഡി.സി.സി ഒാഫിസിൽ ഉദ്​ഘാടനം ചെയ്യാനെത്തിയ സുധീരൻ വാർത്തസമ്മേളനത്തിൽ സംസാരിക്കുകയായിരുന്നു. കേന്ദ്ര-സംസ്ഥാന സർക്കാറുകളെ വരുതിയിലാക്കി വെള്ളാപ്പള്ളി നേട്ടങ്ങൾ ​സമ്പാദിക്കുകയാണ്​. സി.പി.എമ്മിനും ബി.ജെ.പിക്കുമിടയി​െല കണ്ണിയാണ്​ അച്ഛനും മകനുമെന്നും സുധീരൻ ആരോപിച്ചു.

വാർത്തസമ്മേളനത്തിൽ വൈകിയെത്തിയ മുൻ എം.എൽ.എയും ഡി.സി.സി മുൻ പ്രസിഡൻറുമായ ഡി. സുഗതൻ ‘‘ഇതിന്​ ഞാനെന്തിന്​ സാക്ഷിയാകണം’’ എന്നുപറഞ്ഞ്​ വേദി വിട്ടിറങ്ങി. തെരഞ്ഞെടുപ്പുവേളയിൽ സമുദായ നേതാവായ വെള്ളാപ്പള്ളിയെ അധിക്ഷേപിച്ചത്​ ശരിയായില്ലെന്ന്​ അദ്ദേഹം പിന്നീട്​ മാധ്യമങ്ങളോട്​ പറഞ്ഞു. വെള്ളാപ്പള്ളിയെ വിമർശിക്കുന്ന വേദിയിൽ താനിരിക്കേണ്ട ആവശ്യമില്ലെന്നും സുധീര​​​െൻറ പ്രവൃത്തി ഇതുവരെയുള്ള പ്രവർത്തനങ്ങൾക്ക്​ തിരിച്ചടിയാകുമെന്നും എസ്​.എൻ ട്രസ്​റ്റ്​ ഡയറക്​ടർ ബോർഡ്​ അംഗവുമായ സുഗതൻ കുറ്റപ്പെടുത്തി. ഇൗ നേരം സുധീരൻ മീഡിയ റൂം ഉദ്​ഘാടനം ചെയ്യുകയായിരുന്നു. പുറത്തിറങ്ങിയ അദ്ദേഹം സുഗത​​​െൻറ പ്രതിഷേധത്തെക്കുറിച്ച്​ തനിക്കൊന്നും അറിയില്ലെന്ന്​ പ്രതികരിച്ചു.

ത​ുടർന്ന്,​ ഒാഡിറ്റോറിയത്തിൽ പ്രവർത്തക സമ്മേളനത്തിൽ പ്രസംഗിച്ചുകൊണ്ടിരിക്കെ മൊബൈൽ ഫോണിൽ സംസാരിച്ചുകൊണ്ടിരുന്ന സുഗതനെ സുധീരൻ താക്കീതുചെയ്​തു. കോൺഗ്രസ്​ പ്രസ്ഥാനത്തിലിരുന്ന്​ ബി.ജെ.പിയും സി.പി.എമ്മും അടക്കമുള്ള മറ്റു​പ്രസ്ഥാനങ്ങളെ സഹായിക്കുന്ന യൂദാസുകളുണ്ടെന്ന്​ പറഞ്ഞ്​ സുഗതനെ നോക്കി അദ്ദേഹം പൊട്ടിത്തെറിച്ചു.