പാതയോരത്തെ മദ്യവിൽപന: അറ്റോർണി ജനറലിനെതിരെ വി.എം സുധീരൻ

തിരുവനന്തപുരം: പാതയോരത്തെ മദ്യവിൽപന ശാലകൾ മാറ്റിസ്ഥാപിക്കുന്നത് സംബന്ധിച്ച അറ്റോർണി ജനറൽ മുകുൾ റോത്തഗിയുടെ നിയമോപദേശത്തിനെതിരെ രൂക്ഷ വിമർശനവുമായി കെ.പി.സി.സി മുൻ അധ്യക്ഷൻ വി.എം സുധീരൻ. ദേശീയ, സംസ്ഥാന പാതകൾക്ക് സമീപമുള്ള മദ്യവിൽപന ശാലകൾ മാറ്റുന്ന കാര്യത്തിൽ മുകുൾ റോത്തഗി നൽകിയ നിയമോപദേശം തെറ്റാണ്. പദവിക്ക് നിരക്കാത്ത പ്രവൃത്തിയാണ് അറ്റോർണി ജനറൽ ചെയ്യുന്നത്. അതിനാൽ എ.ജി പദവി മുകുൾ റോത്തഗി രാജിവെക്കണമെന്നും സുധീരൻ ആവശ്യപ്പെട്ടു. 

ദേ​ശീ​യ, സം​സ്ഥാ​ന പാ​ത​യോ​ര​െ​ത്ത ഹോ​ട്ട​ലു​ക​ളോ​ട്​ ചേ​ർ​ന്ന്​ പ്ര​വ​ർ​ത്തി​ക്കു​ന്ന ബാ​റു​ക​ളും ബി​യ​ർ-​വൈ​ൻ പാ​ർ​ല​റു​ക​ളും മാ​റ്റി​സ്ഥാ​പി​ക്കേ​ണ്ട​തി​ല്ലെ​ന്ന്​ സംസ്ഥാന സർക്കാർ കഴിഞ്ഞ ദിവസം തീ​രു​മാ​നി​ച്ചിരുന്നു. ദേ​ശീ​യ, സം​സ്​​ഥാ​ന പാ​ത​ക​ളോ​ട്​ 500 മീ​റ്റ​ർ ദൂ​ര​പ​രി​ധി​യി​ൽ മ​ദ്യ​ശാ​ല പാ​ടി​ല്ലെ​ന്ന സുപ്രീംകോ​ട​തി ഉ​ത്ത​ര​വ് നിലനിൽക്കുന്ന സാ​ഹ​ച​ര്യ​ത്തി​ലാ​ണ്​ മ​ന്ത്രി​സ​ഭ ഈ തീ​രു​മാ​നം സ്വീകരിച്ചത്. 

ദൂ​ര​പ​രി​ധി പ്ര​കാ​രം പാ​ത​യോ​ര​ത്ത്​ പ്ര​വ​ർ​ത്തി​ക്കു​ന്ന ബി​യ​ർ-വൈ​ൻ പാ​ർ​ല​റു​ക​ളും ബാ​റു​ക​ളും പൂ​േ​ട്ട​ണ്ടി വ​രു​മെ​ന്ന അ​ഭി​പ്രാ​യം വ​ന്നി​രു​ന്നു. എ​ന്നാ​ൽ, അറ്റോർണി ജനറൽ മുകുൾ റോത്തഗിയുടെ നി​യ​മോ​പ​ദേ​ശം അം​ഗീ​ക​രി​ച്ച്​ ഇ​വ ഇ​പ്പോ​ഴ​ത്തെ സ്​​ഥ​ല​ത്തു​ത​ന്നെ തു​ട​രാ​നാ​ണ്​ മന്ത്രിസഭാ യോഗത്തിന്‍റെ തീ​രു​മാ​നം. നി​ല​വി​ൽ ഫൈ​വ് സ്​​റ്റാ​ർ ഹോ​ട്ട​ലു​ക​ളോ​ടു​ ചേ​ർ​ന്ന്​ മാ​ത്ര​മാ​ണ്​ ബാ​റു​ക​ൾ പ്ര​വ​ർ​ത്തി​ക്കു​ന്ന​ത്. ഫോ​ർ​സ്​​റ്റാ​ർ വ​രെ​യു​ള്ള ബാ​റു​ക​ൾ ക​ഴി​ഞ്ഞ സ​ർ​ക്കാ​റിൻെറ അ​വ​സാ​ന​കാ​ല​ത്ത്​ പൂ​ട്ടി​യി​രു​ന്നു.