നഴ്സ് സമരം: മുഖ്യമന്ത്രി ഇടപെടണം -വി.എം സുധീരൻ

തിരുവനന്തപുരം: നഴ്സ് സമരത്തിൽ മുഖ്യമന്ത്രി പിണറായി വിജയൻ നേരിട്ട് ഇടപെടണമെന്ന് കോൺഗ്രസ് നേതാവ് വി.എം സുധീരൻ. സമരം അനിശ്ചിതമായി നീണ്ടുപോകുന്നത് സംസ്ഥാനത്തെ ചികിത്സാ രംഗത്ത് ഗുരുതരമായ പ്രതിസന്ധി ഉണ്ടാക്കുമെന്നും ചൂണ്ടിക്കാട്ടി സുധീരൻ മുഖ്യമന്ത്രിക്ക് കത്ത് നൽകി. 

സുധീരന്‍റെ കത്ത് 

പ്രിയപ്പെട്ട മുഖ്യമന്ത്രി,

നേഴ്‌സുമാരുടെ സമരത്തില്‍ മുഖ്യമന്ത്രി നേരിട്ട് ഇടപെട്ട് പ്രശ്‌നം രമ്യമായി പരിഹരിക്കണമെന്ന് അഭ്യര്‍ത്ഥിക്കുന്നു. സമരം അനിശ്ചിതമായി നീണ്ടുപോകുന്നത് സംസ്ഥാനത്തെ ചികിത്സാ രംഗത്ത് ഗുരുതരമായ പ്രതിസന്ധി ഉണ്ടാക്കും. അത്തരത്തിലൊരു സാഹചര്യം ഒഴിവാക്കുന്നതിന് എത്രയും വേഗത്തില്‍ തന്നെ ഒത്തുതീര്‍പ്പിന് വഴിയൊരുക്കുന്നതിന്  മുഖ്യമന്ത്രി തന്നെ മുന്‍കൈയെടുക്കണമെന്ന് താല്പര്യപ്പെടുന്നു.

സ്‌നേഹപൂര്‍വ്വം,

 വി എം സുധീരന്‍

കെ.​വി.​എം ആ​ശു​പ​ത്രി​യി​ലെ സ​മ​രം ഒ​ത്തു​തീ​ര്‍പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് വ്യാ​ഴാ​ഴ്​​ച ആ​ശു​പ​ത്രി​ക്ക്​ മു​ന്നി​ൽ ന​ഴ്​​സു​മാർ പ്രതിഷേധിച്ചിരുന്നു. തി​രു​വ​ന​ന്ത​പു​രം മു​ത​ല്‍ കാ​സ​ര്‍കോ​ട് വ​രെ​യു​ള്ള വി​വി​ധ ആ​ശു​പ​ത്രി​ക​ളി​ല്‍നി​ന്ന്​ ഭാ​ഗി​ക​മാ​യി പ​ണി​മു​ട​ക്കി​യെ​ത്തി​യ ആ​യി​ര​ക്ക​ണ​ക്കി​ന്​ ന​ഴ്‌​സു​മാ​ര്‍ ആ​ശു​പ​ത്രി​ക്കു​മു​ന്നി​ലെ ദേ​ശീ​യ​പാ​ത​യു​ടെ പ​ടി​ഞ്ഞാ​റു​​ഭാ​ഗ​ത്ത്​ ന​ട​ന്ന പ്ര​തി​ഷേ​ധ​ത്തി​ല്‍ പ​ങ്കെ​ടു​ത്തിരുന്നു. യു​നൈ​റ്റ​ഡ്​ ന​ഴ്​​സ​സ്​ അ​സോ​സി​യേ​ഷ​ൻ സം​സ്ഥാ​ന സെ​ക്ര​ട്ട​റി സു​ജ​ന​പാ​ല്‍ അ​ച്യു​ത​ന്‍ ന​ട​ത്തു​ന്ന നി​രാ​ഹാ​ര​സ​മ​രം ഏ​ഴു​നാ​ള്‍ പി​ന്നി​ട്ട സാ​ഹ​ച​ര്യ​ത്തി​ലാ​യി​രു​ന്നു സ​മ​രം.