മുൻ മന്ത്രി വി.കെ. ഇബ്രാഹിം കുഞ്ഞ്​ അന്തരിച്ചു

കൊച്ചി: മുസ്‌ലിം ലീഗ് സം​സ്ഥാ​ന വൈ​സ്​ പ്ര​സി​ഡ​ന്‍റും മു​ൻ മ​ന്ത്രി​യു​മാ​യ വി.​കെ. ഇ​ബ്രാ​ഹിം​കു​ഞ്ഞ് (73) അ​ന്ത​രി​ച്ചു. അ​ർ​ബു​ദ ബാ​ധി​ത​നാ​യി ചി​കി​ത്സ​യി​ലി​രി​ക്കെ കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ൽ ചൊ​വ്വാ​ഴ്ച ഉ​ച്ച​ക​ഴി​ഞ്ഞ്​ 3.40നാ​ണ്​ അ​ന്ത്യം. വൈ​കീ​ട്ട് ആ​റ്​ മു​ത​ൽ ക​ള​മ​ശ്ശേ​രി ഞാ​ല​കം ക​ൺ​വെ​ൻ​ഷ​ൻ സെ​ന്‍റ​റി​ൽ പൊ​തു​ദ​ർ​ശ​ന​ത്തി​ന്​ ​വെ​ച്ച​ശേ​ഷം മൃ​ത​ദേ​ഹം ആ​ലു​വ​യി​ലെ വീ​ട്ടി​ലേ​ക്ക്​​ കൊ​ണ്ടു​പോ​യി. ഖ​ബ​റ​ട​ക്കം ബു​ധ​നാ​ഴ്ച രാ​വി​ലെ 9.30ന്​​ ​ആ​ല​ങ്ങാ​ട് ജു​മാ മ​സ്ജി​ദ് ഖ​ബ​ർ​സ്ഥാ​നി​ൽ.

ന​ദീ​റ​യാ​ണ് ഭാ​ര്യ. മ​ക്ക​ൾ: അ​ഡ്വ. വി.​ഇ. അ​ബ്ദു​ൽ ഗ​ഫൂ​ർ (മു​സ്​​ലിം ലീ​ഗ്​ എ​റ​ണാ​കു​ളം ജി​ല്ല ജ​ന​റ​ൽ സെ​ക്ര​ട്ട​റി), വി.​ഇ. അ​ബ്ബാ​സ്, വി.​ഇ. അ​നൂ​ബ് (ഇ​രു​വ​രും വ്യ​വ​സാ​യി​ക​ൾ). മ​രു​മ​ക്ക​ൾ: ദി​ലാ​റ, ന​ദി​യ, നൗ​ഫി​യ. മു​ൻ അ​ഡീ​ഷ​ന​ൽ അ​ഡ്വ​ക്ക​റ്റ് ജ​ന​റ​ൽ വി.​കെ. ബീ​രാ​ൻ സ​ഹോ​ദ​ര​നും രാ​ജ്യ​സ​ഭാം​ഗം അ​ഡ്വ. ഹാ​രി​സ് ബീ​രാ​ന്‍ സ​ഹോ​ദ​ര​പു​ത്ര​നു​മാ​ണ്. മ​ല​ബാ​റി​ന്​ പു​റ​ത്തേ​ക്ക്​ മ​ധ്യ​കേ​ര​ള​ത്തി​ൽ ലീ​ഗി​നെ വ​ള​ർ​ത്തി​യ നേ​താ​ക്ക​ളി​ൽ പ്ര​മു​ഖ​നാ​യി​രു​ന്നു ഇ​ബ്രാ​ഹിം​കു​ഞ്ഞ്. 1952 മേ​യ് 20ന് ​ആ​ലു​വ​ക്ക​ടു​ത്ത് ആ​ല​ങ്ങാ​ട് പ​ഞ്ചാ​യ​ത്തി​ലെ കൊ​ങ്ങോ​ർ​പ്പി​ള്ളി​യി​ൽ വി.​യു. ഖാ​ദ​ർ -ചി​ത്തു​മ്മ ദ​മ്പ​തി​ക​ളു​ടെ മ​ക​നാ​യാ​ണ് ജ​ന​നം.

എം.​എ​സ്.​എ​ഫി​ലൂ​ടെ​യാ​ണ് രാ​ഷ്ട്രീ​യ പ്ര​വ​ർ​ത്ത​ന​ത്തി​ന്‍റെ തു​ട​ക്കം. ആ​ലു​വ ബി​നാ​നി സി​ങ്കി​ലെ ജീ​വ​ന​ക്കാ​ര​നാ​യി​രു​ന്നു. പി​ന്നീ​ട് എ​സ്.​ടി.​യു ജി​ല്ല പ്ര​സി​ഡ​ന്‍റും സം​സ്ഥാ​ന വൈ​സ് പ്ര​സി​ഡ​ന്‍റും യൂ​ത്ത്​ ലീ​ഗ് സം​സ്ഥാ​ന ഭാ​ര​വാ​ഹി​യു​മാ​യി. ര​ണ്ട് പ​തി​റ്റാ​ണ്ടോ​ളം മു​സ്​​ലിം ലീ​ഗ് ജി​ല്ല സെ​ക്ര​ട്ട​റി​യും പി​ന്നീ​ട് ജ​ന​റ​ൽ സെ​ക്ര​ട്ട​റി​യും പ്ര​സി​ഡ​ന്‍റു​മാ​യി​രു​ന്ന അ​ദ്ദേ​ഹം, സം​സ്ഥാ​ന പ്ര​വ​ർ​ത്ത​ക​സ​മി​തി​യി​ലും എ​ത്തി.

മു​ൻ ഡെ​പ്യൂ​ട്ടി സ്പീ​ക്ക​ർ കെ.​എം. ഹം​സ​ക്കു​ഞ്ഞി​ന്‍റെ പേ​ഴ്സ​ന​ൽ സ്റ്റാ​ഫ് അം​ഗ​മാ​യി​രു​ന്നു. എ​റ​ണാ​കു​ളം ജി​ല്ല​യി​ൽ പാ​ർ​ട്ടി കെ​ട്ടി​പ്പ​ടു​ക്കു​ന്ന​തി​ൽ നി​ർ​ണാ​യ പ​ങ്ക് വ​ഹി​ച്ചു. 2001ൽ ​മ​ട്ടാ​ഞ്ചേ​രി​യി​ൽ​നി​ന്നാ​ണ്​ നി​യ​മ​സ​ഭ​യി​ലേ​ക്ക് ക​ന്നി മ​ത്സ​രം. സി​റ്റി​ങ് എം.​എ​ൽ.​എ എം.​എ. തോ​മ​സി​നെ 12,000ത്തി​ല​ധി​കം വോ​ട്ടി​ന്‍റെ റെ​ക്കോ​ർ​ഡ് ഭൂ​രി​പ​ക്ഷ​ത്തി​ന് പ​രാ​ജ​യ​പ്പെ​ടു​ത്തി.

2005 ജ​നു​വ​രി​യി​ൽ ഐ​സ്ക്രീം കേ​സ് വി​വാ​ദ​ത്തെ​ത്തു​ട​ർ​ന്ന് കു​ഞ്ഞാ​ലി​ക്കു​ട്ടി സ്ഥാ​ന​മൊ​ഴി​ഞ്ഞ​പ്പോ​ൾ ഒ​ന്ന​ര വ​ർ​ഷ​ത്തോ​ളം വ്യ​വ​സാ​യ-​സാ​മൂ​ഹി​ക​ക്ഷേ​മ മ​ന്ത്രി​യാ​യി. 2011ൽ ​ഉ​മ്മ​ൻ ചാ​ണ്ടി മ​ന്ത്രി​സ​ഭ​യി​ൽ പൊ​തു​മ​രാ​മ​ത്ത് മ​ന്ത്രി​യാ​യി.

2006ൽ 15,000​ത്തി​ല​ധി​കം വോ​ട്ടി​ന്‍റെ ഭൂ​രി​പ​ക്ഷ​ത്തി​ൽ സി.​പി.​എം കേ​ന്ദ്ര ക​മ്മി​റ്റി​യം​ഗം എം.​സി. ജോ​സ​ഫൈ​നെ പ​രാ​ജ​യ​പ്പെ​ടു​ത്തി മ​ട്ടാ​ഞ്ചേ​രി​യി​ൽ​നി​ന്ന് വീ​ണ്ടും നി​യ​മ​സ​ഭാം​ഗ​മാ​യി. ഈ ​മ​ണ്ഡ​ലം ഇ​ല്ലാ​താ​യ​തോ​ടെ 2011ലും 2016​ലും ക​ള​മ​ശ്ശേ​രി​യി​ൽ​നി​ന്നാ​ണ് നി​യ​മ​സ​ഭ​യി​ലെ​ത്തി​യ​ത്. മ​ട്ടാ​ഞ്ചേ​രി മ​ണ്ഡ​ല​ത്തി​ന്റെ അ​വ​സാ​ന എം.​എ​ല്‍.​എ​യും ക​ള​മ​ശ്ശേ​രി മ​ണ്ഡ​ല​ത്തി​ന്റെ ആ​ദ്യ എം.​എ​ൽ.​എ​യു​മാ​ണ്.