Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_right'തെറ്റ്...

'തെറ്റ് ചെയ്തിട്ടില്ലെന്ന് ബോധ്യമുണ്ട്'; തെരഞ്ഞെടുപ്പിൽ മത്സരിക്കുന്നതിനുള്ള സാധ്യത തള്ളാതെ ഇബ്രാഹീം കുഞ്ഞ്​

text_fields
bookmark_border
ibrahim kunju
cancel

ആലുവ: നിയമസഭ തെരഞ്ഞെടുപ്പിൽ വീണ്ടും മത്സരിക്കുന്നതിനുള്ള സാധ്യത തള്ളാതെ മുൻ മന്ത്രി ഇബ്രാഹീംകുഞ്ഞ്. ഇക്കാര്യം പാർട്ടിയും നേതാക്കളും മുന്നണിയുമാണ് തീരുമാനിക്കേണ്ടത്​. പാർട്ടി എന്തുപറഞ്ഞാലും അനുസരിക്കും. പാലാരിവട്ടം പാലം നിർമാണവുമായി ബന്ധപ്പെട്ട അഴിമതിക്കേസിൽ ജാമ്യത്തിൽ കഴിയുന്ന അ​ദ്ദേഹം മാധ്യമപ്രവർത്തകരോട് സംസാരിക്കുകയായിരുന്നു.

തെറ്റ് ചെയ്തിട്ടില്ലെന്ന് ബോധ്യമുണ്ട്. അതിനാൽതന്നെ മനഃസാക്ഷി ശുദ്ധമാണ്. തെറ്റ് ചെയ്തതായി ത​െൻറ ഉപബോധ മനസ്സിൽപോലും ഉണ്ടായിട്ടില്ല. അതിനാലാണ് മുൻകൂർ ജാമ്യത്തിന് ശ്രമിക്കാതിരുന്നത്. അറസ്‌റ്റ് അറിഞ്ഞിരുന്നില്ല. രഹസ്യമായി ആസൂത്രണം ചെയ്​ത പദ്ധതിയാണ് നടപ്പാക്കിയത്. സർക്കാർ വിചാരിച്ചാൽ ആരെയും കുടുക്കാൻ കഴിയും. സർക്കാർ പറഞ്ഞാൽ കേൾക്കുന്ന ഒരു എസ്.എച്ച്.ഒയും റൈറ്ററും ഉണ്ടെങ്കിൽ ഏത് കൊലകൊമ്പനെയും കേസിൽ കുടുക്കാനും അറസ്‌റ്റ് ചെയ്യാനും കഴിയും.

നിർമാണപ്രവൃത്തിക്ക്​​ മൊബിലൈസേഷൻ അഡ്വാൻസ്​ നൽകൽ പതിവാണ്. ഈ സർക്കാറും കഴിഞ്ഞ സർക്കാറും അതിനുമുമ്പുള്ള സർക്കാറുകളുമെല്ലാം ചെയ്യുന്ന ജോലിയാണത്. അതാണ് ത​െൻറ പേരിലുള്ള കുറ്റം; അല്ലാതെ സിമൻറ​ും കമ്പിയുമില്ലാത്തതല്ല. അതെല്ലാം കരാറുകാരും ഉദ്യോഗസ്ഥരും ചെയ്യേണ്ടതാണെന്നും അദ്ദേഹം പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:iumlVK Ebrahim Kunju
Next Story