വിഴിഞ്ഞം: പുറത്തുള്ള ഏജൻസികൾ സമരക്കാരെ സഹായിക്കുന്നുവെന്ന് സംശയം- മന്ത്രി വി. ശിവൻകുട്ടി

തിരുവനന്തപുരം: വിഴിഞ്ഞത്ത് കലാപമുണ്ടാക്കാനാണ് സമരക്കാരുടെ ശ്രമമെന്ന് മന്ത്രി വി.ശിവൻകുട്ടി പറഞ്ഞു. മത്സ്യത്തൊഴിലാളികളെ പുരോഹിതൻമാർ സമരത്തിന് നിർബന്ധിക്കുകയാണ്. സമരക്കാരുടെ പൊലീസ് സ്റ്റേഷൻ ആക്രമണം ഭീകരാക്രണത്തിന് സമാനമാണെന്നും സർക്കാരിനെതിരെ പ്രവർത്തിക്കാൻ പുറത്തുള്ള ഏജൻസികൾ സമരക്കാരെ സഹായിക്കുന്നുണ്ടോയെന്ന് സംശയമുണ്ടെന്നും മന്ത്രി കൂട്ടിച്ചേർത്തു.