Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightതെരഞ്ഞെടുപ്പ്...

തെരഞ്ഞെടുപ്പ് ആൾമാറാട്ടത്തിൽ സി.പി.എം നടപടി; വിശാഖിനെ ലോക്കൽ കമ്മറ്റിയിൽനിന്ന് സസ്പെൻഡ് ചെയ്തു

text_fields
bookmark_border
തെരഞ്ഞെടുപ്പ് ആൾമാറാട്ടത്തിൽ സി.പി.എം നടപടി; വിശാഖിനെ ലോക്കൽ കമ്മറ്റിയിൽനിന്ന് സസ്പെൻഡ് ചെയ്തു
cancel

തിരുവനന്തപുരം: കോളജ്​ യൂനിയൻ തെരഞ്ഞെടുപ്പിൽ ആൾമാറാട്ടം നടത്തിയ സംഭവത്തിൽ എസ്​.എഫ്​.ഐ പ്രവർത്തകൻ എ. വിശാഖിനെതിരെ സി.പി.എം നടപടി. പാർട്ടി പ്ലാവൂർ ലോക്കൽ കമ്മിറ്റി അംഗമായ വിശാഖിനെ തൽസ്ഥാനത്തുനിന്ന്​ പുറത്താക്കി. ആൾമാറാട്ടം പുറത്തുവന്നതിന്​ പിന്നാലെ ഏരിയ സെക്രട്ടറി, ജില്ല കമ്മിറ്റി അംഗം എന്നീ സ്ഥാനങ്ങളിൽനിന്ന്​ വിശാഖിനെ ​കഴിഞ്ഞദിവസം എസ്​.എഫ്​.ഐ പുറത്താക്കിയിരുന്നു.

ആൾമാറാട്ടത്തിന്​ കൂട്ടുനിന്ന തിരുവനന്തപുരം കാട്ടാക്കട ക്രിസ്ത്യൻ കോളജ്​ പ്രിൻസിപ്പൽ ഡോ. ജി.ജെ. ഷൈജുവിനെ കേരള പ്രൈവറ്റ്​ കോളജ്​ ടീച്ചേർസ്​ അസോസിയേഷൻ (കെ.പി.സി.ടി.എ) ജില്ല സെക്രട്ടറി സ്ഥാനത്തുനിന്ന്​ നീക്കി. സംഭവം സംബന്ധിച്ച്​ വിശദീകരണം നൽകാനും അസോസിയേഷൻ ആവശ്യപ്പെട്ടു​. എസ്.എഫ്.ഐ നേതാവിന്​ വേണ്ടിയുള്ള ആൾമാറാട്ടത്തിന്​ കോൺഗ്രസ്​ അനുകൂല അധ്യാപക സംഘടനാ നേതാവ്​ കൂട്ടുനിന്നതിലുള്ള അതൃപ്തി വ്യാപകമായതിനെ തുടർന്നാണ്​ അസോസിയേഷൻ അടിയന്തര യോഗം ചേർന്ന്​ നടപടിയെടുത്തത്​.

തിരുവനന്തപുരം കാട്ടാക്കട ക്രിസ്ത്യൻ കോളജിൽ ഡിസംബർ 12ന്​ ​നടന്ന തെരഞ്ഞെടുപ്പിൽ എസ്​.എഫ്​.ഐ പാനലിൽനിന്ന്​ അനഘ, ആരോമൽ എന്നിവരാണ്​ യൂനിവേഴ്​സിറ്റി യൂനിയൻ കൗൺസിലർ (യു.യു.സി) സ്ഥാനത്തേക്ക്​ മത്സരിച്ച്​ ജയിച്ചത്​. അനഘയുടെ പേര്​ വെട്ടി ​​മത്സരരംഗത്തില്ലാതിരുന്ന വിശാഖിന്‍റെ പേര്​ തിരുകിക്കയറ്റിയ പട്ടികയാണ്​ പ്രിൻസിപ്പൽ യൂനിവേഴ്​സിറ്റിക്ക്​ നൽകിയത്​. തിരിമിറിക്ക്​ പിന്നിൽ ആരുടെ ഇടപെടലാണെന്ന്​ പ്രിൻസിപ്പൽ ഇതുവരെ വെളിപ്പെടുത്തിയിട്ടില്ല.

തെരഞ്ഞെടുപ്പിൽ ജയിച്ച അനഘ രാജി അറിയിച്ചതിനാൽ മറ്റൊരു പേര്​ നൽകിയെന്ന്​ ആദ്യം വിശദീകരിച്ച പ്രിൻസിപ്പൽ, യൂനിവേഴ്​സിറ്റിക്ക്​ രേഖാമൂലം നൽകിയ വിശദീകരണത്തിൽ തനിക്ക്​ തെറ്റുപറ്റിയെന്ന്​ മാത്രമാണ്​ പറയുന്നത്​. തെറ്റ്​ സമ്മതിച്ച സാഹചര്യത്തിൽ ഷൈജുവിന്‍റെ പ്രിൻസിപ്പൽ സ്ഥാനം തെറിക്കും. മേയ്​ 20ന്​ ചേരുന്ന സിൻഡിക്കേറ്റ്​ യോഗത്തിലാകും തീരുമാനം. ക്രമക്കേട്​ പുറത്തുവന്നതിനെ തുടർന്ന്​ മാറ്റിവെച്ച കേരള സർവകലാശാല യൂനിയൻ തെരഞ്ഞെടുപ്പിന്‍റെ തുടർനടപടികളും ​​സിൻഡിക്കേറ്റ്​ ചർച്ച ചെയ്യും.

അതിനിടെ, പ്രിൻസിപ്പൽ ഒന്നും​ വെളിപ്പെടുത്തിയിട്ടില്ലെങ്കിലും സി.പി.എമ്മിലെ ചില പ്രമുഖർ ആൾമാറാട്ടത്തിന്​ പിന്നിലുണ്ടെന്നാണ്​ റിപ്പോർട്ട്​. എല്ലാം ചെയ്തത്​ കോൺഗ്രസ്​ അധ്യാപക സംഘടനാ നേതാവായ പ്രിൻസിപ്പലാണെന്ന്​ വിശദീകരിച്ച്​ കുറ്റം ഡോ. ജി.ജെ. ഷൈജുവിന്‍റെ തലയിലിട്ട്​ കൈകഴുകുകയാണ്​ സി.പി.എം. പാർട്ടി നടത്തിയ അന്വേഷണത്തിൽ നേതാക്കളുടെ പങ്ക്​ സംബന്ധിച്ച വിവരങ്ങൾ ലഭിച്ചിട്ടുണ്ട്​. എന്നാൽ, പാർട്ടിക്കും സർക്കാറിനും ക്ഷീണമാകുമെന്നതിനാൽ അന്വേഷണം നേതാക്കളിലേക്ക്​ നീളാനിടയില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:sficpmkattakada christian collegeA vishak
News Summary - Visakh was suspended from the CPM local committee
Next Story