സീസണിന്‍റെ തുടക്കത്തിൽതന്നെ ചെമ്മീൻ കെട്ടുകളിൽ വൈറസ് ബാധ

വൈ​പ്പി​ൻ: സീ​സ​ണി​ന്‍റെ തു​ട​ക്ക​ത്തി​ൽ​ത​ന്നെ വൈ​പ്പി​നി​ലെ വേ​ന​ൽ​ക്കാ​ല ചെ​മ്മീ​ൻ കെ​ട്ടു​ക​ളി​ൽ വൈ​റ​സ് ബാ​ധ പ്ര​ത്യ​ക്ഷ​പ്പെ​ട്ട​ത് ക​ർ​ഷ​ക​ർ​ക്ക് ക​ന​ത്ത തി​രി​ച്ച​ടി​യാ​കു​ന്നു.

നാ​യ​ര​മ്പ​ലം മാ​നാ​ട്ടു​പ​റ​മ്പ് മേ​ഖ​ല​യി​ലും എ​ട​വ​ന​ക്കാ​ട് അ​ണി​യി​ൽ, കു​ഴു​പ്പി​ള്ളി ഭാ​ഗ​ങ്ങ​ളി​ലെ ചെ​മ്മീ​ൻ കെ​ട്ടു​ക​ളി​ലാ​ണ് നാ​ര​ൻ ചെ​മ്മീ​നു​ക​ളി​ൽ വൈ​റ്റ് സ്പോ​ട്ട് രോ​ഗ​ബാ​ധ കാ​ണ​പ്പെ​ടു​ന്ന​ത്.

വൈ​പ്പി​നി​ൽ എ​ല്ലാ​വ​ർ​ഷ​വും ചെ​മ്മീ​ൻ കെ​ട്ടു​ക​ളി​ൽ വൈ​റ​സ്ബാ​ധ പ​തി​വാ​ണെ​ങ്കി​ലും ഇ​ക്കു​റി തു​ട​ക്ക​ത്തി​ൽ​ത​ന്നെ ചെ​മ്മീ​നു​ക​ൾ ച​ത്തു​പോ​കു​ന്ന സാ​ഹ​ച​ര്യ​മാ​ണു​ള്ള​ത്. നേ​ര​ത്തേ മു​ത​ൽ​ത​ന്നെ കെ​ട്ടു​ക​ളി​ൽ വ​ള​ർ​ന്ന് പ​കു​തി​യോ​ളം വ​ലി​പ്പ​മെ​ത്തി​യ ചെ​മ്മീ​നു​ക​ളാ​ണ് ജ​ലോ​പ​രി​ത​ല​ത്തി​ലേ​ക്ക് എ​ത്തി ചാ​വു​ന്ന​ത്. ഇ​വ​യു​ടെ ത​ല​യും ദേ​ഹ​വും ഇ​ളം​ചു​വ​പ്പ് നി​റ​ത്തി​ൽ ആ​കു​ന്ന​താ​യും ക​ർ​ഷ​ക​ർ പ​റ​യു​ന്നു. ചൂ​ട​ൻ തെ​ല്ലി​ച്ച മീ​നു​ക​ൾ​ക്കും രോ​ഗ​ബാ​ധ പി​ടി​പ്പെ​ട്ടി​ട്ടു​ണ്ടാ​കാ​മെ​ന്ന് ക​ർ​ഷ​ക​ർ പ​റ​യു​ന്നു. വ​ലു​പ്പം കു​റ​വാ​യ​തി​നാ​ൽ ഇ​വ ച​ത്തു​പൊ​ങ്ങി​യാ​ലും എ​ളു​പ്പം ശ്ര​ദ്ധ​യി​ൽ​പ്പെ​ടി​ല്ല.

മു​ൻ​കാ​ല​ങ്ങ​ളി​ൽ പു​ഴ​ക​ളി​ൽ​നി​ന്നും മ​റ്റും ചെ​മ്മീ​ൻ കു​ഞ്ഞു​ങ്ങ​ൾ കെ​ട്ടു​ക​ളി​ലേ​ക്ക് എ​ത്തി വ​ള​ർ​ന്നു വ​ലു​താ​വു​ന്ന​താ​യി​രു​ന്നു പ​തി​വെ​ങ്കി​ൽ പി​ൽ​ക്കാ​ല​ത്ത് ചെ​മ്മീ​ൻ കു​ഞ്ഞു​ങ്ങ​ളു​ടെ സാ​ന്നി​ധ്യം തീ​രെ കു​റ​ഞ്ഞു.

ഇ​തു​മൂ​ലം ഇ​ത​ര സം​സ്ഥാ​ന​ങ്ങ​ളി​ൽ നി​ന്ന​ട​ക്കം ചെ​മ്മീ​ൻ കു​ഞ്ഞു​ങ്ങ​ളെ വാ​ങ്ങി​ക്കൊ​ണ്ടു​വ​ന്ന് കെ​ട്ടു​ക​ളി​ൽ നി​ക്ഷേ​പി​ക്കു​ന്ന രീ​തി​യാ​ണ് വ​ർ​ഷ​ങ്ങ​ളാ​യി പ​ല ക​ർ​ഷ​ക​രും പി​ന്തു​ട​രു​ന്ന​ത്. എ​ന്നാ​ൽ, ഇ​ത്ത​ര​ത്തി​ൽ വാ​ങ്ങു​മ്പോ​ൾ ചെ​മ്മീ​ൻ കു​ഞ്ഞു​ങ്ങ​ളു​ടെ ഗു​ണ​നി​ല​വാ​രം ഉ​റ​പ്പു​വ​രു​ത്താ​ൻ മാ​ർ​ഗ​മൊ​ന്നു​മി​ല്ല. തൂ​ത്തു​ക്കു​ടി പോ​ലു​ള്ള പ​ല ചെ​മ്മീ​ൻ​കു​ഞ്ഞ് ഉ​ൽ​പാ​ദ​ന കേ​ന്ദ്ര​ങ്ങ​ളും വേ​ണ്ട​ത്ര സ​ജ്ജീ​ക​ര​ണ​ങ്ങ​ൾ ഇ​ല്ലാ​തെ​യാ​ണ് പ്ര​വ​ർ​ത്തി​ക്കു​ന്ന​ത്.

കു​ടി​ൽ വ്യ​വ​സാ​യം​പോ​ലെ ഇ​ത് മു​ന്നോ​ട്ടു​കൊ​ണ്ടു​പോ​കു​ന്ന​വ​രും അം​ഗീ​കൃ​ത ഫാ​മു​ക​ളി​ൽ​നി​ന്ന് രോ​ഗ​ബാ​ധ​യെ​ത്തു​ട​ർ​ന്ന് ഉ​പേ​ക്ഷി​ക്കു​ന്ന കു​ഞ്ഞു​ങ്ങ​ളെ കു​റ​ഞ്ഞ വി​ല​ക്ക് വാ​ങ്ങി ക​ച്ച​വ​ടം ചെ​യ്യു​ന്ന​വ​രു​മു​ണ്ട്.

ഇ​ത്ത​രം ചെ​മ്മീ​ൻ കു​ഞ്ഞു​ങ്ങ​ളാ​ണ് ഇ​വി​ടെ​യു​ള്ള ചെ​മ്മീ​ൻ​കെ​ട്ടു​ക​ളി​ൽ രോ​ഗം പ​ക​ർ​ത്തു​ന്ന​തെ​ന്നാ​ണ് സൂ​ച​ന. എ​ന്നാ​ൽ, ഇ​ക്കാ​ര്യ​ത്തി​ൽ കൂ​ടു​ത​ൽ ശാ​സ്ത്രീ​യ പ​രി​ശോ​ധ​ന​ക​ൾ പ​ല​പ്പോ​ഴും ന​ട​ക്കു​ന്നി​ല്ലെ​ന്ന് ക​ർ​ഷ​ക​ർ പ​റ​യു​ന്നു. ഇ​തി​നു​വേ​ണ്ടി​വ​രു​ന്ന പ​ണ​ച്ചെ​ല​വാ​ണ് ക​ർ​ഷ​ക​രെ പി​ന്തി​രി​പ്പി​ക്കു​ന്ന​ത്. സൗ​ജ​ന്യ​മാ​യി പ​രി​ശോ​ധ​ന ന​ട​ത്താ​ൻ സ​ർ​ക്കാ​ർ ഏ​ജ​ൻ​സി​ക​ൾ ത​യാ​റാ​കാ​റി​ല്ല.

കേ​ര​ള​ത്തി​ലെ​ത​ന്നെ ഫി​ഷ​റീ​സ് ഏ​ജ​ൻ​സി​ക​ൾ ഗു​ണ​നി​ല​വാ​ര​മു​ള്ള ചെ​മ്മീ​ൻ കു​ഞ്ഞു​ങ്ങ​ളെ ഉ​ൽ​പാ​ദി​പ്പി​ച്ച് സ​ബ്സി​ഡി നി​ര​ക്കി​ൽ ക​ർ​ഷ​ക​ർ​ക്ക് വി​ത​ര​ണം ചെ​യ്യു​ക​യാ​ണെ​ങ്കി​ൽ പ്ര​തി​സ​ന്ധി മ​റി​ക​ട​ക്കാ​ൻ ക​ഴി​യു​മെ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു.

സീ​സ​ൺ തു​ട​ങ്ങു​ന്ന​തി​നു​മു​മ്പ് നി​ലം ഒ​രാ​ഴ്ച​യെ​ങ്കി​ലും വെ​ള്ളം വ​റ്റി​ച്ച് ഉ​ണ​ക്കു​ന്ന​ത് ഇ​ത്ത​രം രോ​ഗ​ബാ​ധ ത​ട​യാ​ൻ ഏ​റെ ഫ​ല​പ്ര​ദ​മാ​ണെ​ന്ന് ബ​ന്ധ​പ്പെ​ട്ട ഗ​വേ​ഷ​ക​ർ ഏ​റെ​ക്കാ​ല​മാ​യി പ​റ​യു​ന്ന​താ​ണെ​ങ്കി​ലും അ​തി​നും ന​ട​പ​ടി ഉ​ണ്ടാ​കു​ന്നി​ല്ല. എ​ത്ര​യും​വേ​ഗം കെ​ട്ട് ആ​രം​ഭി​ക്കാ​നു​ള്ള നീ​ക്ക​ത്തി​ൽ ക​ർ​ഷ​ക​രും ഇ​തി​ന് ത​യാ​റാ​കാ​റി​ല്ല. വൈ​റ​സ് രോ​ഗ​ത്തി​ന് പു​റ​മേ ജ​ല​ത്തി​ലെ രാ​സ​മാ​ലി​ന്യ സാ​ന്നി​ധ്യം വ​ർ​ധി​ച്ച​തും തി​രി​ച്ച​ടി​യാ​യി​ട്ടു​ണ്ടെ​ന്ന് ക​ർ​ഷ​ക​ർ പ​റ​യു​ന്നു. വ​ലി​യ രീ​തി​യി​ലാ​ണ് പ്ലാ​സ്റ്റി​ക് മാ​ലി​ന്യ​ങ്ങ​ളും സാ​നി​റ്റ​റി നാ​പ്കി​നു​ക​ളും വെ​ള്ള​ത്തി​ൽ ത​ള്ളു​ന്ന​ത്.

പെ​രി​യാ​റി​ന്റെ തീ​ര​ത്തെ ഫാ​ക്ട​റി​ക​ളി​ൽ നി​ന്നും ത​ള്ളു​ന്ന രാ​സ​മാ​ലി​ന്യ​ങ്ങ​ളും വെ​ള്ള​ത്തി​ന്റെ സ്വ​ഭാ​വി​ക​ത ന​ഷ്ട​പ്പെ​ടു​ത്തു​ന്നു.

ക​ഴി​ഞ്ഞ ഏ​താ​നും ദി​വ​സ​മാ​യി പു​ഴ​യി​ലെ​യും തോ​ട്ടി​ലെ​യും വെ​ള്ള​ത്തി​ന് നി​റം​മാ​റ്റ​വും മ​ണം വ്യ​ത്യാ​സ​വും സം​ഭ​വി​ക്കു​ന്ന​താ​യി തൊ​ഴി​ലാ​ളി​ക​ൾ സാ​ക്ഷ്യ​പ്പെ​ടു​ത്തു​ന്നു. ഇ​തേ​ത്തു​ട​ർ​ന്ന് ചി​ല ക​ർ​ഷ​ക​ർ മു​ൻ​ക​രു​ത​ലെ​ന്ന നി​ല​യി​ൽ കെ​ട്ടു​ക​ളി​ലേ​ക്ക് ഈ ​വെ​ള്ളം ക​യ​റ്റാ​തെ പ്ര​തി​രോ​ധി​ക്കു​ക​യാ​ണ്.