ആനയാംകുന്ന്​ എച്ച്​.എസിൽ വിദ്യാർഥികൾക്കും അധ്യാപകർക്കും വൈറൽ പനി

മുക്കം: ആനയാംകുന്ന്​ വി.എം.എച്ച്​.എം.എച്ച്​.എസിൽ അമ്പതിലേറെ വിദ്യാർഥികൾക്കും 13 അധ്യാപകർക്കും വൈറൽ പനിയും കടുത ്ത തൊണ്ടവേദനയും ബാധിച്ച് വിവിധ ആശുപത്രികളിൽ ചികിത്സ തേടി. കാരശ്ശേരി പഞ്ചായത്ത്​ ആരോഗ്യവിഭാഗം സ്കൂൾ സന്ദർശിച് ച്​ പരിശോധന നടത്തി. നാലു വിദ്യാർഥികളെയും അധ്യാപികയെയും വിദഗ്ധ പരിശോധനക്കായി ബീച്ച് ആശുപത്രിയിലേക്ക് റഫർ ചെയ്തു.

ജനുവരി ഒന്ന്​ മുതലാണ് പലർക്കും തുമ്മലോടെ പനി തുടങ്ങിയത്. പിന്നീട് തൊണ്ടവേദനയും ബാധിച്ചു. സംഭവമറിഞ്ഞ്​ മെഡിക്കൽ ഓഫിസർ ഡോ. സജ്നയുടെ നേതൃത്വത്തിലും ആരോഗ്യ വകുപ്പ് വിദ്യാലയം സന്ദർശിച്ചു. പനി അനുഭവപ്പെട്ട ഏതാനും വിദ്യാർഥികളെ പരിശോധിച്ചു. പ്രാഥമിക പരിശോധനയിൽ വൈറൽ പനിയാ​െണന്ന് സംശയിക്കുന്നതായി മെഡിക്കൽ ഓഫിസർ ‘മാധ്യമ’ത്തോട് പറഞ്ഞു. മെഡിക്കൽ ഓഫിസറോടപ്പം ഹെൽത്ത് ഇൻസ്​​െപക്ടർമാരായ സുധ, ഷീബ, പഞ്ചായത്ത് വൈസ് പ്രസിഡൻറ്​ വി.പി. ജമീല എന്നിവർ സ്​കൂൾ സന്ദർശിച്ചു.

കുട്ടികളിൽ പനി വ്യാപകമായതോടെ രക്ഷിതാക്കളും നാട്ടുകാരും ആശങ്കയിലാണ്​. സ്​കൂൾ അധികൃതർ ഇതുസംബന്ധിച്ച്​ രക്ഷിതാക്കളെ വിവരമൊന്നും അറിയിച്ചി​െല്ലന്ന്​ ആക്ഷേപമുണ്ട്​. മഞ്ഞപ്പിത്തം പോലുള്ള രോഗമാണോ എന്ന്​ തിരിച്ചറിയാത്തതും ഭീതി പരത്തുന്നു. പലരും സ്വകാര്യ ആശുപത്രികളിലാണ്​ ചികിത്സ തേടിയത്​. സ്വയം ചികിത്സ നടത്തിയവരും കുറവല്ല. ഇതെല്ലാം നിരവധി കുട്ടികളുടെ ജീവനെ ബാധിക്കുമെന്നാണ്​ ഭീതി. കുട്ടികൾക്കും രക്ഷിതാക്കൾക്കും കൗൺസലിങ്ങും ബോധവത്​കരണവും മെഡിക്കൽ ക്യാമ്പും നടത്തണമെന്നാണ്​ ആവശ്യം. എത്രപേർക്ക്​ സമാനരോഗമുണ്ടെന്നത്​ സംബന്ധിച്ചും സർക്കാർ ആശുപത്രികളിൽ ചികിത്സ തേടിയവരെ സംബന്ധിച്ചുമുള്ള അടിസ്​ഥാനവിവരം ശേഖരിക്കാൻപോലും പഞ്ചായത്തോ സ്​കൂ​ൾ അധികൃതരോ തയാറായിട്ടില്ല. സ്​കൂളിൽ ഉപയോഗിക്കുന്ന വെള്ളത്തിൽനിന്നാണോ ഉച്ചഭക്ഷണത്തിൽനിന്നാണോ രോഗം ഉൽ​ഭവിച്ചതെന്ന കാര്യത്തിലും വ്യക്​തത വന്നിട്ടില്ല. സ്​കൂൾ അധികൃതരുടെ അനാസ്​ഥക്കെതിരെ പ്രതിഷേധം സംഘടിപ്പിക്കുമെന്ന്​ നാട്ടുകാരും രക്ഷിതാക്കളും പറയുന്നു.