പൊലീസിൽ സ്​ത്രീപീഡകരുടെ എണ്ണത്തിൽ വർധന; വനിതാദിനത്തിൽ ഞെട്ടിക്കുന്ന വിവരവുമായി മുഖ്യമന്ത്രി 

തിരുവനന്തപുരം: പൊലീസ്​ സേനയിൽ സ്​ത്രീപീഡകരുടെ എണ്ണം വർധിക്കു​െന്നന്ന ഞെട്ടിക്കുന്ന വിവരവുമായി അന്താരാഷ്​ട്ര വനിതാദിനത്തിൽ മുഖ്യമന്ത്രി പിണറായി വിജയൻ. ഇതുമായി ബന്ധപ്പെട്ട്​ വിവിധജില്ലകളിലായി 73 പൊലീസുകാർക്കെതിരെ വകുപ്പുതല നടപടിയും ഒപ്പം ക്രിമിനൽ കേസുകളും എടുത്തിട്ടുണ്ടെന്നും നിയമസഭയിൽ രേഖാമൂലം നൽകിയ മറുപടിയിൽ മുഖ്യമന്ത്രി വ്യക്​തമാക്കി. കുറ്റകൃത്യങ്ങളുടെ  സ്വഭാവവും ചുമത്തിയ വകുപ്പുകളും അടക്കം രേഖകളാണ്​ മുഖ്യമന്ത്രി  സഭയുടെ മേശപ്പുറത്തുവെച്ചത്​. ഗുരുതര സ്വഭാവദൂഷ്യത്തിന് 365 പൊലീസ് ഉദ്യോഗസ്ഥർക്കെതിരെ നടപടി സ്വീകരിച്ചിട്ടുണ്ടെന്നും മുഖ്യമന്ത്രി അറിയിച്ചു. 

സ്​ത്രീപീഡനക്കേസിൽ പ്രതികളായ 73 പൊലീസുകാരിൽ ഏറ്റവും  കൂടുതൽപേർ തിരുവനന്തപുരം ജില്ലയിൽനിന്നാണ്​. 33 പേരാണ്​ ഇവിടെ  പ്രതിപ്പട്ടികയിലുള്ളത്​. തിരുവനന്തപുരം സിറ്റിയിൽ 17 പേരും  തിരുവനന്തപുരം റൂറലിൽ 16 പേരും ആണ്​ പട്ടികയിൽ​. കൊല്ലം സിറ്റിയിൽ മൂന്നുപേർക്കെതിരെയും പത്തനംതിട്ടയിൽ നാലുപേർക്കെതിരെയും ആലപ്പുഴയിൽ നാലുപേർക്കെതിരെയും ഇടുക്കിയിൽ രണ്ടുപേർക്കെതിരെയും കേസെടുത്തിട്ടുണ്ട്​.

എറണാകുളം സിറ്റിയിൽ ആറുപേർക്കെതിരെയും റൂറലിൽ ഒരാൾക്കെതിരെയും തൃശൂർ സിറ്റി/റൂറൽ എന്നിവിടങ്ങളിൽനിന്ന്​ ഒാരോ പൊലീസുകാർക്കെതിരെയും  കേസെടുത്തിട്ടുണ്ട്​. കൂടാതെ പാലക്കാട്​ ജില്ലയിൽ ഏഴുപേർക്കെതിരെയും മലപ്പുറത്ത് നാലുപേർക്കെതിരെയും കോഴിക്കോട്​ രണ്ടുപേർക്കെതിരെയും വയനാട്​ ഒരാൾക്കെതിരെയും കണ്ണൂരിൽ മൂന്നുപേർക്കെതിരെയുമാണ്​ ക്രിമിനൽ കേസെടുത്തിരിക്കുന്നത്​. ഇതിൽ 16 പേർക്കെതിരെ കുറ്റപത്രം സമർപ്പിച്ചു. മറ്റുള്ളവ അന്വേഷണപുരോഗതിയിലാണ്​. 

ഗുരുതര സ്വഭാവദൂഷ്യത്തിന്​ ​നടപടിക്ക്​ വിധേയരായ 365 പേരിലും സ്​ ത്രീകളോട്​ അപമര്യാദയായി പെരുമാറിയവരും ഉൾപ്പെടും. കൂടാതെ കൈക്കൂലി, മദ്യപാനം, മേലുദ്യോഗസ്ഥരോട് അപമര്യാദയായ പെരുമാറ്റം,  ജോലിയിൽനിന്ന്​ വിട്ടുനിൽക്കൽ തുടങ്ങിയ കുറ്റകൃത്യങ്ങളാണ്​  ഇവർക്കെതിരെ ചുമത്തിയിട്ടുള്ളത്​.