ലഗേജിന്​ ടിക്കറ്റെടുത്തില്ല; തർക്കത്തിനൊടുവിൽ വനിത കണ്ടക്ടറുടെ കൈയൊടിച്ചു

കൊ​ല്ലം: ല​ഗേ​ജി​ന് ടി​ക്ക​െ​റ്റ​ടു​ക്കാ​ഞ്ഞ​തി​നെ ചൊ​ല്ലി​യു​ള്ള ത​ർ​ക്ക​ത്തി​നൊ​ടു​വി​ൽ യാ​ത്ര​ക്കാ​ര​ൻ കെ.​എ​സ്.​ആ​ർ.​ടി.​സി വ​നി​ത ക​ണ്ട​ക്ട​റെ ആ​ക്ര​മി​ച്ചു. ആ​റ്റി​ങ്ങ​ൽ ഡി​പ്പോ​യി​ലെ ക​ണ്ട​ക്ട​ർ ക​ല്ല​മ്പ​ലം പി.​പി കോ​ട്ട​ജി​ൽ വി. ​റോ​ഷ്നി​ക്കാ​ണ് (45) പ​രി​ക്കേ​റ്റ​ത്. വ​ല​തു​കൈ ഒ​ടി​ഞ്ഞ റോ​ഷ്നി​യെ ജി​ല്ല ആ​ശു​പ​ത്രി​യി​ൽ പ്രാ​ഥ​മി​ക ചി​കി​ത്സ ന​ൽ​കി​യ​ശേ​ഷം തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

രാ​ജ​സ്ഥാ​ൻ സ്വ​ദേ​ശി ഓം​പ്ര​കാ​ശി​നെ (30) യാ​ത്ര​ക്കാ​ർ ത​ട​ഞ്ഞു​വെ​ച്ച് പൊ​ലീ​സി​ൽ ഏ​ൽ​പി​ച്ചു. ഞാ​യ​റാ​ഴ്ച ഉ​ച്ച​ക്ക്​ പ​ന്ത്ര​ണ്ടോ​ടെ ചി​ന്ന​ക്ക​ട​യി​ലാ​ണ്​ സം​ഭ​വം. ആ​റ്റി​ങ്ങ​ലി​ല്‍നി​ന്ന് ല​ഗേ​ജു​മാ​യാ​ണ് ഓം​പ്ര​കാ​ശ് ബ​സി​ൽ ക​യ​റി​യ​ത്. കൊ​ട്ടി​യ​െ​ത്ത​ത്തി​യ​പ്പോ​ൾ ല​ഗേ​ജ് ശ്ര​ദ്ധ​യി​ല്‍പെ​ട്ട ക​ണ്ട​ക്ട​ര്‍ ആ​രു​ടേ​താ​ണെ​ന്ന് തി​ര​ക്കി​യെ​ങ്കി​ലും പ​റ​ഞ്ഞി​ല്ല.

ചി​ന്ന​ക്ക​ട​യി​ലെ​ത്തി​യ​പ്പോ​ള്‍ ഇ​യാ​ള്‍ ല​ഗേ​ജു​മാ​യി ഇ​റ​ങ്ങാ​ന്‍ നോ​ക്കു​മ്പോ​ള്‍ ടി​ക്ക​റ്റെ​ടു​ക്കാ​ൻ ആ​വ​ശ്യ​പ്പെ​ട്ടു. ഇ​തോ​ടെ ബ​ഹ​ളം​വെ​ച്ച ഓം​പ്ര​കാ​ശ് ക​ണ്ട​ക്ട​റെ ആ​ക്ര​മി​ച്ചു. ക​ണ്ട​ക്ട​ർ തൊ​ഴി​യേ​റ്റ് നി​ല​ത്തു​വീ​ണ ശേ​ഷ​വും ഓം​പ്ര​കാ​ശ് അ​ക്ര​മം തു​ട​ർ​ന്നു. ഒ​ടു​വി​ൽ ബ​സി​ലെ യാ​ത്ര​ക്കാ​ർ ഓം​പ്ര​കാ​ശി​നെ ത​ട​ഞ്ഞു​വ​ച്ചു. ബ​സ് കൊ​ല്ലം കെ.​എ​സ്.​ആ​ർ.​ടി.​സി ഡി​പ്പോ​യി​ലെ​ത്തി​ച്ച് പ്ര​തി​യെ കൊ​ല്ലം ഈ​സ്​​റ്റ്​ പൊ​ലീ​സി​ന്​ കൈ​മാ​റി.