ഡോക്​ടര്‍മാർക്ക് നേരെയുള്ള അതിക്രമം ആരോഗ്യ മന്ത്രിയുടെ 'ശ്രദ്ധയിൽ'പ്പെട്ടു; തിരുത്തിയ മറുപടി സഭയുടെ മേശപ്പുറത്ത്

തി​രു​വ​ന​ന്ത​പു​രം: ഡോ​ക്​​ട​ർ​മാ​ർ​ക്കെ​തി​രാ​യ അ​തി​ക്ര​മ​ങ്ങ​ൾ വ​ർ​ധി​ക്കു​ന്ന​ത് 'ശ്രദ്ധയിൽ'പ്പെ​ട്ടി​ല്ലെ​ന്ന നി​യ​മ​സ​ഭ​യി​ലെ വിവാദ മ​റു​പ​ടി​ ആരോഗ്യ മന്ത്രി വീണ ജോർജ് തിരുത്തി. തിരുത്തിയ മറുപടി മന്ത്രി സഭയുടെ മേശപ്പുറത്ത് വെച്ചു.

ഡോ​ക്​​ട​ർ​മാ​ർ​ക്കെ​തി​രാ​യ അ​തി​ക്ര​മ​ങ്ങ​ൾ സം​ബ​ന്ധി​ച്ച് ആ​ഗ​സ്​​റ്റ്​ നാ​ലി​ന്​ മാ​ത്യു കു​ഴ​ൽ​നാ​ട​ൻ ഉ​ന്ന​യി​ച്ച ന​ക്ഷ​ത്ര ചി​ഹ്​​ന​മി​ടാ​ത്ത ചോ​ദ്യ​ത്തി​ന് ന​ൽ​കി​യ മ​റു​പ​ടി​യാ​ണ് ആ​രോ​ഗ്യ ​മ​ന്ത്രി​യെ വെ​ട്ടി​ലാ​ക്കി​യ​ത്. 'അ​ക്ര​മ​ങ്ങ​ൾ വ​ർ​ധി​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ടി​ല്ല' എ​ന്നാ​യി​രു​ന്നു രേ​ഖാ​മൂ​ല​മു​ള്ള മ​ന്ത്രി​യുടെ മ​റു​പ​ടി.

വ​സ്​​തു​താ​വി​രു​ദ്ധ​മാ​യ മ​റു​പ​ടി വാ​ർ​ത്ത​യാ​യ​തോ​ടെ മ​റു​പ​ടി ത​യാ​റാ​ക്കി​യ​പ്പോ​ൾ ആ​ശ​യ​ക്കു​ഴ​പ്പ​മു​ണ്ടാ​യെ​ന്ന്​ പി​ന്നീ​ട് മന്ത്രി​ തി​രു​ത്തി. പു​തി​യ മ​റു​പ​ടി പ്ര​സി​ദ്ധീ​ക​രി​ക്കാ​ൻ സ്​​പീ​ക്ക​ർ​ക്ക് അ​പേ​ക്ഷ ന​ൽ​കുകയും ചെയ്തു. ഇതുപ്രകാരമാണ് ഇന്ന് തിരുത്തിയ മറുപടി സഭയുടെ മേശപ്പുറത്ത് വെച്ചത്.

വ​സ്​​തു​താ​വി​രു​ദ്ധ​മാ​യ മ​റു​പ​ടി വാ​ർ​ത്ത​യാ​യ​തോ​ടെ വി​ശ​ദീ​ക​ര​ണ​വു​മാ​യി മ​ന്ത്രി രം​ഗ​ത്തെ​ത്തി. ആ​രോ​ഗ്യ​ പ്ര​വ​ര്‍ത്ത​ക​ര്‍ക്കെ​തി​രാ​യ അ​തി​ക്ര​മം ത​ട​യു​ന്ന​തി​ന്​ നി​ല​വി​ലെ നി​യ​മ​ങ്ങ​ൾ പ​ര്യാ​പ്​​ത​മാ​ണെ​ന്നും മാ​ധ്യ​മ​ങ്ങ​ളി​ലൂ​ടെ പൊ​തു​ജ​ന​ങ്ങ​ളെ ബോ​ധ​വ​ത്ക​രി​ക്കു​മെ​ന്നും തി​രു​ത്തി​യ മ​റു​പ​ടി​യി​ൽ ചൂ​ണ്ടി​ക്കാ​ട്ടി.

ആരോഗ്യ മ​ന്ത്രി​യു​ടെ സ​ഭ​യി​ലെ മ​റു​പ​ടി​ക്കെ​തി​രെ ഡോ​ക്​​ട​ർ​മാ​രു​ടെ സം​ഘ​ട​ന​ക​ൾ പ്ര​തി​ഷേ​ധ​വുമാ​യി രം​ഗ​ത്തു​ വ​ന്നി​രു​ന്നു.