ഡോക്ടർമാർക്കെതിരായ അക്രമങ്ങൾ വീണ ജോർജ് മന്ത്രിയായതിന് ശേഷം -ഐ.എം.എ

തിരുവനന്തപുരം: ഡോ​ക്​​ട​ർ​മാ​ർ​ക്കെ​തി​രാ​യ അ​തി​ക്ര​മ​ങ്ങ​ൾ വ​ർ​ധി​ക്കു​ന്ന​ത് 'ശ്രദ്ധയിൽ'പ്പെ​ട്ടി​ല്ലെ​ന്ന ആരോഗ്യ മന്ത്രി വീണ ജോർജിന്‍റെ നി​യ​മ​സ​ഭ​യി​ലെ വിവാദ മ​റു​പ​ടി​യിൽ പരസ്യ പ്രതിഷേധവുമായി ഇന്ത്യൻ മെഡിക്കൽ അസോസിയേഷൻ (ഐ.എം.എ). ഡോക്ടർമാർക്ക് നേരെ അക്രമങ്ങൾ മുഴുവൻ നടന്നത് വീണ ജോർജ് മന്ത്രിയായതിന് ശേഷമാണെന്ന് ഐ.എം.എ സംസ്ഥാന പ്രസിഡന്‍റ് പി.റ്റി. സക്കറിയ കുറ്റപ്പെടുത്തി.

ഐ.എം.എയുടെ തീരുമാനം നിരന്തരം മുഖ്യമന്ത്രിയെയും ആരോഗ്യ മന്ത്രിയെയും നിരന്തരം അറിയിക്കുന്നതാണ്. തിരുവനന്തപുരത്ത് എത്തിയാൽ ഇരുവരെയും കാണാൻ ശ്രമിക്കാറുണ്ട്. ആരോഗ്യ മന്ത്രിക്ക് തെറ്റ് വരാൻ പാടില്ല. വനിതാ ഡോക്ടറെ വസ്ത്രാക്ഷേപം ചെയ്യാൻ ശ്രമിച്ചതും മാവേലിക്കര സംഭവവും അറിയാത്തവരാണ് ആരോഗ്യ വകുപ്പ് ഭരിക്കുന്നത് എന്ന് പറയുന്നതിൽ വിഷമമുണ്ട്. ഉറക്കത്തിൽ വിളിച്ച് ചോദിച്ചാലും എല്ലാവർക്കും അറിവുള്ള സംഭവമാണിത്.

ആരോഗ്യ പ്രവർത്തർക്ക് നേരെ നടക്കുന്ന അക്രമങ്ങളിൽ സംസ്ഥാന സർക്കാർ നിഷ്ക്രിയമാണ്. രണ്ടു വർഷത്തിനുള്ള 43 കേസുകളാണ് റിപ്പോർട്ട് ചെയ്തത്. ഇതിൽ പകുതിയിലേറെ കേസിലും പൊലീസ് നടപടിയില്ല. പ്രതികളെ അറസ്റ്റ് ചെയ്യുന്നില്ല. ഒന്നര മാസത്തിനുള്ളിൽ ആറു കേസുകൾ റിപ്പോർട്ട് ചെയ്തതായും ഐ.എം.എ ചൂണ്ടിക്കാട്ടി.

അതിക്രമങ്ങൾ ശ്രദ്ധയിൽപ്പെട്ടില്ലെന്ന മന്ത്രിയുടെ മറുപടി ശരിയായില്ല. ആരോഗ്യ മന്ത്രിയുടെ വിശദീകരണം സ്വീകാര്യമല്ല. പ്രതികൾക്കെതിരെ നടപടിയുണ്ടായില്ലെങ്കിൽ വാക്സിനേഷൻ അടക്കമുള്ളവ നിർത്തിവെക്കുമെന്നും ഐ.എം.എ വ്യക്തമാക്കി.

ഡോ​ക്​​ട​ർ​മാ​ർ​ക്കെ​തി​രാ​യ അ​തി​ക്ര​മ​ങ്ങ​ൾ സം​ബ​ന്ധി​ച്ച് ആ​ഗ​സ്​​റ്റ്​ നാ​ലി​ന്​ മാ​ത്യു കു​ഴ​ൽ​നാ​ട​ൻ ഉ​ന്ന​യി​ച്ച ന​ക്ഷ​ത്ര ചി​ഹ്​​ന​മി​ടാ​ത്ത ചോ​ദ്യ​ത്തി​ന് ന​ൽ​കി​യ മ​റു​പ​ടി​യാ​ണ് ആ​രോ​ഗ്യ ​മ​ന്ത്രി​യെ വെ​ട്ടി​ലാ​ക്കി​യ​ത്. 'അ​ക്ര​മ​ങ്ങ​ൾ വ​ർ​ധി​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ടി​ല്ല' എ​ന്നാ​യി​രു​ന്നു രേ​ഖാ​മൂ​ല​മു​ള്ള മ​ന്ത്രി​യുടെ മ​റു​പ​ടി.

വ​സ്​​തു​താ​വി​രു​ദ്ധ​മാ​യ മ​റു​പ​ടി വാ​ർ​ത്ത​യാ​യ​തോ​ടെ മ​റു​പ​ടി ത​യാ​റാ​ക്കി​യ​പ്പോ​ൾ ആ​ശ​യ​ക്കു​ഴ​പ്പ​മു​ണ്ടാ​യെ​ന്ന്​ പി​ന്നീ​ട് ആരോഗ്യ മന്ത്രി​ തി​രു​ത്തി. തിരുത്തിയ മറുപടി മന്ത്രി വീണ ജോർജ് ഇന്ന് നിയമസഭയുടെ മേശപ്പുറത്ത് വെച്ചു. ആ​രോ​ഗ്യ​ പ്ര​വ​ര്‍ത്ത​ക​ര്‍ക്കെ​തി​രാ​യ അ​തി​ക്ര​മം ത​ട​യു​ന്ന​തി​ന്​ നി​ല​വി​ലെ നി​യ​മ​ങ്ങ​ൾ പ​ര്യാ​പ്​​ത​മാ​ണെ​ന്നും മാ​ധ്യ​മ​ങ്ങ​ളി​ലൂ​ടെ പൊ​തു​ജ​ന​ങ്ങ​ളെ ബോ​ധ​വ​ത്ക​രി​ക്കു​മെ​ന്നും തി​രു​ത്തി​യ മ​റു​പ​ടി​യി​ൽ ചൂ​ണ്ടി​ക്കാ​ട്ടിയത്.