വീഹായും മാതാപിതാക്കളുമെത്തി, ജീവിതത്തിലേക്ക് തിരിച്ചുനടത്തിയ സുഹൈലിനെ കാണാൻ

നെ​ടു​മ്പാ​ശ്ശേ​രി: തന്‍റെ മൂ​ല​കോ​ശം സ്വീ​ക​രി​ച്ച്​ ജീ​വി​ത​ത്തി​ലേ​ക്ക് തി​രി​ച്ചു​വ​ന്ന വീ​ഹാ​യെ ക​ണ്ട​പ്പോ​ൾ സു​ഹൈ​ൽ സ​ന്തോ​ഷം​കൊ​ണ്ട് മ​തി​മ​റ​ന്നു. മാ​താ​പി​താ​ക്ക​ളു​ടെ കൈ​യി​ൽ​ നി​ന്ന്​ കു​ട്ടി​യെ വാ​രി​യെ​ടു​ത്തെ​ങ്കി​ലും അ​പ​രി​ചി​ത​ത്വം മൂ​ലം അ​വ​ൾ കി​ണു​ങ്ങി​നി​ന്നു. നെ​ടു​മ്പാ​ശ്ശേ​രി മ​ഠ​ത്തി​ൽ വീ​ടാ​ണ് ഈ ​ധ​ന്യ​മു​ഹൂ​ർ​ത്ത​ത്തി​ന് സാ​ക്ഷ്യം​വ​ഹി​ച്ച​ത്.

സ​ക്കീ​ർ ഹു​സൈ​ൻ-​സു​നി​ത ദ​മ്പ​തി​ക​ളു​ടെ മ​ക​നാ​യ അ​മീ​ർ സു​ഹൈ​ൽ ഹു​സൈ​നാ​ണ് ര​ക്താ​ർ​ബു​ദം ബാ​ധി​ച്ച പു​ണെ സ്വ​ദേ​ശി വീ​ഹ​യെ​ന്ന ഒ​ന്ന​ര​വ​യ​സ്സു​ള്ള കു​ട്ടി​ക്ക് മൂ​ല​കോ​ശം ദാ​നം ചെ​യ്ത​ത്. ഇ​പ്പോ​ൾ ഈ ​കു​ട്ടി​ക്ക് അ​ർ​ബു​ദ​ത്തി​ൽ ​നി​ന്ന്​ ഏ​റ​ക്കു​റെ മു​ക്തി നേ​ടാ​ൻ ക​ഴി​ഞ്ഞ​താ​യി വീ​ഹാ​യു​ടെ പി​താ​വ് സ​ന്ദീ​പ് ഖ​നേ​ക്ക​റും മാ​താ​വ് വി​ശാ​ഖ​യും പ​റ​ഞ്ഞു. മ​ക​ൾ​ക്ക് പു​ന​ർ​ജീ​വ​ൻ കി​ട്ടി​യ​ത്‌ സു​ഹൈ​ലിന്‍റെ വി​ശാ​ല​മ​ന​സ്ക​ത ഒ​ന്നു​കൊ​ണ്ടു മാ​ത്ര​മാ​ണ്.

മു​മ്പ് യോ​ജി​ച്ച മൂ​ല​കോ​ശ​മു​ള്ള ഒ​രാ​ളെ കി​ട്ടി​യെ​ങ്കി​ലും അ​വ​സാ​ന​നി​മി​ഷം അ​യാ​ൾ പി​ന്മാ​റി. വീ​ഹാ​യും മാ​താ​പി​താ​ക്ക​ളും മു​ത്ത​ശ്ശ​നും മു​ത്ത​ശ്ശി​യും ചേ​ർ​ന്നാ​ണ് വെ​ള്ളി​യാ​ഴ്ച സു​ഹൈ​ലിന്‍റെ വീ​ട്ടി​ലെ​ത്തി​യ​ത്. വെ​ള്ളി​യാ​ഴ്ച സു​ഹൈ​ലിന്‍റെ പി​റ​ന്നാ​ൾ​ദി​നം കൂ​ടി​യാ​യി​രു​ന്നു. കൂ​ടാ​തെ വി​വാ​ഹം ഉ​റ​പ്പി​ക്ക​ൽ​ദി​ന​വും. ഇ​തും കൂ​ടി മ​ന​സ്സി​ലാ​ക്കി​യാ​ണ് മു​ന്ന​റി​യി​പ്പി​ല്ലാ​തെ ഇ​വ​രെ​ത്തി​ച്ചേ​ർ​ന്ന​ത്. താ​ൻ​മൂ​ലം ഒ​രു കു​ഞ്ഞിന്‍റെ ജീ​വ​ൻ ര​ക്ഷി​ക്കാ​ൻ ക​ഴി​ഞ്ഞ​തി​ൽ ഏ​റെ ചാ​രി​താ​ർ​ഥ്യ​മു​ണ്ടെ​ന്ന് സു​ഹൈ​ൽ പ​റ​ഞ്ഞു.

2019 സെ​പ്റ്റം​ബ​റി​ലാ​ണ് മൂ​ല​കോ​ശ​ദാ​നം ന​ട​ത്തി​യ​ത്. ബി.​ടെ​ക് പൂ​ർ​ത്തി​യാ​ക്കി​യ സു​ഹൈ​ൽ താ​മ​സി​യാ​തെ ഉ​ന്ന​ത​പ​ഠ​ന​ത്തി​ന്​ യു.​കെ​യി​ലേ​ക്ക് പോ​കും. ഇ​രു​കു​ടും​ബ​ങ്ങ​ളു​ടെ​യും കൂ​ട്ടാ​യ്മ​യി​ൽ പ​ങ്കാ​ളി​യാ​കാ​ൻ അ​ൻ​വ​ർ സാ​ദ​ത്ത് എം.​എ​ൽ.​എ​യും ചെ​ങ്ങ​മ​നാ​ട് പ​ഞ്ചാ​യ​ത്ത് പ്ര​സി​ഡ​ൻ​റ് സെ​ബ മു​ഹ​മ്മ​ദാ​ലി​യും എ​ത്തി​യി​രു​ന്നു. ഇ​രു​വ​രും പൊ​ന്നാ​ട​യ​ണി​യി​ച്ച് സു​ഹൈ​ലി​നെ അ​ഭി​ന​ന്ദി​ക്കു​ക​യും ചെ​യ്തു.