Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightയൂണിടാക്​ നൽകിയ ഐ ഫോൺ ...

യൂണിടാക്​ നൽകിയ ഐ ഫോൺ വിജിലൻസ്​ പിടിച്ചെടുക്കും

text_fields
bookmark_border
യൂണിടാക്​ നൽകിയ ഐ ഫോൺ വിജിലൻസ്​ പിടിച്ചെടുക്കും
cancel

തിരുവനന്തപുരം: വടക്കാഞ്ചേരിയിലെ ലൈഫ് മിഷന്‍ പദ്ധതി നിര്‍മാണവുമായി ബന്ധപ്പെട്ട്​ യുണിടാക് എം.ഡി സന്തോഷ് ഈപ്പന്‍ കമീഷനായി നല്‍കിയ ആപ്പിൾ ഐ ഫോണുകള്‍ പിടിച്ചെടുക്കാന്‍ വിജിലന്‍സ് തീരുമാനിച്ചു. ഐ ഫോണ്‍ ലഭിച്ച എല്ലാവര്‍ക്കും വിജിലന്‍സ് നോട്ടീസ് അയക്കും. കഴിഞ്ഞ ദിവസം ​കാട്ടാക്കട സ്വദേശിയായ പരസ്യ കമ്പനി ഉടമ പ്രവീണിന് ലഭിച്ച ഐ ഫോൺ വിജിലൻസ് പിടിച്ചെടുത്തിരുന്നു.

യു.എ.ഇ ദേശീയ ദിനാഘോഷത്തിന്‍റെ ഭാഗമായി അതിഥികള്‍ക്ക് സമ്മാനിക്കുന്നതിനായി സ്വപ്ന സുരേഷ് ആവശ്യപ്പെട്ട പ്രകാരമാണ് സന്തോഷ് ഈപ്പന്‍ ഫോണുകള്‍ വാങ്ങി നല്‍കിയത്. ലൈഫ്​ മിഷ​ൻ പദ്ധതി കരാറി​െൻറ ചുമതലയുണ്ടായിരുന്ന മുൻ പ്രിൻസിപ്പൽ സെക്രട്ടറി എം. ശിവശങ്കർ അടക്കമുള്ളവർ ഐ ഫോൺ കൈപറ്റിയിരുന്നു.

ഫോണ്‍ ലഭിച്ച അഞ്ച്​ പേരുടെ വിവരങ്ങള്‍ മൊബൈല്‍ കമ്പനികള്‍ എൻഫോഴസ്​മെൻറ്​ ഡയറക്​ട്രേറ്റിന്​ കൈമാറിയിരുന്നു. എം. ശിവശങ്കര്‍, പരസ്യ കമ്പനി ഉടമ പ്രവീണ്‍, എയര്‍ ഇന്ത്യ മാനേജര്‍ പത്മനാഭ ശര്‍മ്മ, സന്തോഷ് ഈപ്പന്‍, കോണ്‍സുലേറ്റ് ജനറല്‍ എന്നിവരാണ് ഫോണ്‍ കൈപറ്റിയതെന്ന്​ അന്വേഷണ സംഘം വ്യക്തമാക്കി.

അഡീഷനൽ പ്രോട്ടോക്കോൾ ഓഫിസർ രാജീവൻ, കൊല്ലം സ്വദേശി ജിത്തു എന്നിവരാണ് മറ്റ്​ രണ്ടുപേർ എന്നാണ്​ വിവരം. എന്നാല്‍ ഇക്കാര്യത്തിൽ ഇ.ഡിക്ക് ഔദ്യോഗികമായി അറിയിപ്പ്​ ലഭിച്ചിട്ടില്ല.

Show Full Article
TAGS:life mission scam unitac i phone 
News Summary - vigilance will seize apple i phone gifted by unitac
Next Story