കെ.എം. ഷാജി​െക്കതിരെ കേസെടുക്കാമെന്ന്‌ വിജിലൻസ്​; തെരഞ്ഞെടുപ്പു​കാലത്ത്​ കുടുക്കാൻ നീക്കമെന്ന് ഷാജി

കോ​ഴി​ക്കോ​ട്‌: യു.​ഡി.​എ​ഫ്‌ അ​ഴീ​ക്കോ​ട്‌ മ​ണ്ഡ​ലം സ്ഥാ​നാ​ർ​ഥി​യും മുസ്​ലിംലീ​ഗ്‌ സം​സ്ഥാ​ന സെ​ക്ര​ട്ട​റി​യു​മാ​യ കെ.​എം. ഷാ​ജി അ​ന​ധി​കൃ​ത​മാ​യി 1.47 കോ​ടി രൂ​പ​യു​ടെ സ്വ​ത്ത്‌ സ​മ്പാ​ദി​ച്ചെ​ന്ന്​ വി​ജി​ല​ൻ​സ് റി​പ്പോ​ർ​ട്ട്​‌. പൊ​തു​പ്ര​വ​ർ​ത്ത​ക​ൻ അ​ഡ്വ.​എം.​ആ​ർ. ഹ​രീ​ഷ്‌ ന​ൽ​കി​യ ഹ​ര​ജി​യി​ൽ വി​ജി​ല​ൻ​സ്​ പ്ര​ത്യേ​ക സെ​ൽ പ്ര​ത്യേ​ക കോ​ട​തി​യി​ൽ ന​ൽ​കി​യ റി​പ്പോ​ർ​ട്ടി​ലാ​ണ്​ വി​വ​ര​ങ്ങ​ൾ.

വ​ര​വി​നേ​ക്കാ​ൾ 166 ശ​ത​മാ​നം അ​ധി​ക​വ​രു​മാ​നം രേ​ഖ​യി​ലു​ണ്ടെ​ന്നും 28 ത​വ​ണ ന​ട​ത്തി​യ വി​ദേ​ശ യാ​ത്ര​ക​ളെ​പ്പ​റ്റി അ​ന്വേ​ഷ​ണം വേ​ണ​മെ​ന്നും റി​പ്പോ​ർ​ട്ടി​ലു​ണ്ട്​. ഷാ​ജി​ക്കെ​തി​രെ എ​ഫ്‌.​ഐ.​ആ​ർ ര​ജി​സ്‌​റ്റ​ർ ചെ​യ്യ​ണ​മെ​ന്നാ​വ​ശ്യ​പ്പെ​ട്ട്​ പ​രാ​തി​ക്കാ​ര​ൻ കോ​ട​തി​യി​ൽ അ​പേ​ക്ഷ ന​ൽ​കി. കേ​സ്‌ വ്യാ​ഴാ​ഴ്‌​ച വീ​ണ്ടും പ​രി​ഗ​ണി​ക്കും.

എം.​എ​ൽ.​എ ആ​യ​ശേ​ഷം 2011 ജൂ​ൺ ഒ​ന്നു മു​ത​ൽ 2020 ഒ​ക്‌​ടോ​ബ​ർ 31വ​രെ​യു​ള്ള ഇ​ട​പാ​ടു​ക​ളാണ്​ പ​രി​ശോ​ധി​ച്ച​ത്‌. ഇ​തു​പ്ര​കാ​രം 88.57 ല​ക്ഷം രൂ​പ​യാ​ണ്‌ വ​രു​മാ​നം. ചെ​ല​വാ​ക്കി​യ​ത്‌ 32.19 ല​ക്ഷവും. 2.03 കോ​ടി രൂ​പ​യു​ടെ സ്വ​ത്ത്‌ ഇ​ക്കാ​ല​യ​ള​വി​ൽ വാ​ങ്ങി‌. മൊ​ത്തം സ്വ​ത്തും ചെ​ല​വും കൂ​ട്ടി​യാ​ൽ 2.36 കോ​ടി രൂ​പ​യാ​കും. ഇതിൽ 1.47 കോ​ടി രൂ​പ​യു​ടെ വ്യ​ത്യാ​സ​മു​ണ്ടെ​ന്നും‌ം ഇ​ത്‌ അ​ന​ധി​കൃ​ത മാ​ർ​ഗ​ത്തി​ലു​ള്ള​താ​ണെ​ന്ന്​ ക​രു​തു​ന്ന​താ​യു​മാ​ണ്​​ റി​പ്പോ​ർ​ട്ടി​ലു​ള്ള​ത്.‌

തെരഞ്ഞെടുപ്പു​കാലത്ത്​ കുടുക്കാൻ നീക്കം – ഷാജി

ക​ണ്ണൂ​ർ: തെ​ര​ഞ്ഞെ​ടു​പ്പു കാ​ല​ത്ത് കു​ടു​ക്കാ​ൻ ആ​സൂ​ത്രി​ത​മാ​യി ത​യാ​റാ​ക്കി​യ​താ​ണ്​ വി​ജി​ല​ൻ​സ്​ റി​പ്പോ​ർ​​ട്ടെ​ന്ന്​ കെ.​എം. ഷാ​ജി. ഇ​തു​കൊ​ണ്ടാ​ന്നും ത​ന്നെ കു​ലു​ക്കാ​ൻ ക​ഴി​യി​ല്ല. എ​െൻറ സ്വ​ത്ത് വ​ർ​ധ​ന​യി​ൽ പ​റ​യു​ന്ന കാ​ര്യ​ങ്ങ​ൾ വാ​സ്ത​വ​മ​ല്ല. കൈ​വ​ശ​മു​ള്ള സ്വ​ത്തി​ന് കൃ​ത്യ​മാ​യ സ്രോ​ത​സ്സ്​ കാ​ണി​ക്കാ​നു​ണ്ട്. ക​ണ​ക്ക്​ ഹാ​ജ​രാ​ക്കി​യി​ട്ടു​മു​ണ്ട്. സീ​ൽ​ഡ് ക​വ​റി​ലി​ട്ട് കൊ​ടു​ത്ത വി​വ​ര​ങ്ങ​ൾ ഉ​ദ്യോ​ഗ​സ്ഥ​ർ ചോ​ർ​ത്തി തെ​ര​ഞ്ഞെ​ടു​പ്പി​ൽ ആ​യു​ധ​മാ​ക്കു​ക​യാ​ണ്. ഞാ​ൻ അ​യോ​ഗ്യ​നാ​ണെ​ന്നാ​ണ് സി.​പി.​എം പ​റ​ഞ്ഞ​ത്. എ​ന്നാ​ൽ, യോ​ഗ്യ​നാ​ണെ​ന്ന്​ തെ​ര​ഞ്ഞെ​ടു​പ്പു ക​മീ​ഷ​ൻ പ​റ​ഞ്ഞു. കൂ​ലി​ത്ത​ല്ലു​കാ​രാ​യ ഉ​ദ്യോ​ഗ​സ്ഥ​രെ ഉ​പ​യോ​ഗി​ച്ച് ത​രം​താ​ണ രാ​ഷ്​​ട്രീ​യം ക​ളി​ക്കു​ക​യാ​ണ് പി​ണ​റാ​യി വി​ജ​യ​നെന്ന് ഷാ​ജി പ​റ​ഞ്ഞു.