റെയ്ഡ്: തന്നെ അവഹേളിക്കാനെന്ന് ടോം ജോസ്

തിരുവനന്തപുരം: പൊതുമധ്യത്തിൽ തന്നെ അവഹേളിക്കാനാണ് ഫ്ലാറ്റുകളിൽ വിജിലൻസ് റെയ്ഡ് നടത്തിയതെന്ന് ടോം ജോസ് ഐ.എ.എസ്. ക്രിമിനല്‍ പശ്ചാത്തലമുളള ആളാണ് തനിക്കെതിരെ പരാതി നല്‍കിയതെന്നും അദ്ദേഹം കൂട്ടിച്ചേർത്തു. 

രണ്ടുവര്‍ഷം മുമ്പ് വിജിലന്‍സ് പരിശോധന നടത്തി സര്‍ക്കാര്‍ അവസാനിപ്പിച്ച കേസിലാണ് വീണ്ടും റെയ്ഡ് നടത്തിയിരിക്കുന്നത്. സംഭവത്തില്‍ മുഖ്യമന്ത്രിക്ക് പരാതി നല്‍കുമെന്നും തന്‍റെ നിലപാട് പിന്നീട് വിശദീകരിക്കുമെന്നും ടോം ജോസ് പറഞ്ഞു.