ഭക്ഷ്യസുരക്ഷാ ഓഫിസുകളിൽ വിജിലൻസ്​ മിന്നൽ പരിശോധന

തി​രു​വ​ന​ന്ത​പു​രം: സം​സ്ഥാ​ന​ത്തെ വി​വി​ധ ഭ​ക്ഷ്യ​സു​ര​ക്ഷാ ഓ​ഫി​സു​ക​ളി​ൽ വി​ജി​ല​ൻ​സ്​ ന​ട​ത്തി​യ മി​ന്ന​ൽ​പ​രി​ശോ​ധ​ന​യി​ൽ വ്യാ​പ​ക ക്ര​മ​ക്കേ​ട്​ ക​ണ്ടെ​ത്തി. സ​ർ​ക്കാ​ർ നി​ർ​ദേ​ശാ​നു​സ​ര​ണം ​െഎ.​ജി എ​ച്ച്. വെ​ങ്ക​ടേ​ഷി​െൻറ നേ​തൃ​ത്വ​ത്തി​ലാ​ണ് 'ഓ​പ​റേ​ഷ​ന്‍ ജീ​വ​ന്‍-2' എ​ന്ന പേ​രി​ല്‍ പ​രി​ശോ​ധ​ന ന​ട​ത്തി​യ​ത്. വ​ൻ​കി​ട ക​മ്പ​നി​ക​ളി​ൽ​നി​ന്ന്​ മാ​സ​പ്പ​ടി വാ​ങ്ങി ഉ​ദ്യോ​ഗ​സ്ഥ​ർ ഭ​ക്ഷ്യ​വ​സ്തു​ക്ക​ളി​ൽ മാ​യം ചേ​ർ​ക്കു​ന്ന​തി​ന്​ കൂ​ട്ടു നി​ൽ​ക്കു​ന്ന​താ​യും ഇ​വ​ർ​ക്ക് ലൈ​സ​ൻ​സ് വി​ത​ര​ണം ചെ​യ്യു​ന്ന​തി​ൽ വ്യാ​പ​ക ക്ര​മ​ക്കേ​ട് ന​ട​ക്കു​ന്ന​താ​യും ക​ണ്ടെ​ത്തി.

വി​ജി​ല​ൻ​സ് രാ​വി​ലെ 11 ക​ഴി​ഞ്ഞ് പ​രി​ശോ​ധ​ന​ക്ക്​ എ​ത്തി​യ​പ്പോ​ഴും തു​റ​ക്കാ​ത്ത പ​ത്ത​നം​തി​ട്ട റാ​ന്നി, ആ​റ​ന്മു​ള, കൊ​ല്ലം ച​വ​റ, ച​ട​യ​മം​ഗ​ലം, വ​യ​നാ​ട് സു​ൽ​ത്താ​ൻ ബ​ത്തേ​രി, ക​ണ്ണൂ​ർ ക​ല്യാ​ശ്ശേ​രി, കോ​ഴി​ക്കോ​ട് പേ​രാ​മ്പ്ര ഓ​ഫി​സു​ക​ളി​ലെ ഉ​ദ്യോ​ഗ​സ്ഥ​രെ വി​ളി​ച്ചു​വ​രു​ത്തി ഓ​ഫി​സു​ക​ൾ തു​റ​ന്ന്​ പ​രി​ശോ​ധി​ച്ചു. റാ​ന്നി ഭ​ക്ഷ്യ​സു​ര​ക്ഷാ ഓ​ഫി​സി​ൽ വെ​ള്ളി​യാ​ഴ്ച ഈ ​ഓ​ഫി​സ് തു​റ​ന്നു പ്ര​വ​ർ​ത്തി​ക്കു​ന്ന​ത​ല്ല എ​ന്ന ബോ​ർ​ഡ് സ്ഥാ​പി​ച്ചി​രു​ന്നു. ജി​ല്ല ഓ​ഫി​സ​റു​മാ​യി ബ​ന്ധ​പ്പെ​ട്ട​പ്പോ​ൾ അ​ദ്ദേ​ഹ​ത്തി​െൻറ അ​റി​വോ സ​മ്മ​ത​മോ ഇ​ല്ലാ​തെ​യാ​ണ് ഇ​തെ​ന്ന്​ വ്യ​ക്ത​മാ​യി.

ക​ണ്ണൂ​രി​ലെ ധ​ർ​മ​ടം, കൂ​ത്തു​പ​റ​മ്പ്, വ​യ​നാ​ട് സു​ൽ​ത്താ​ൻ ബ​ത്തേ​രി, മാ​ന​ന്ത​വാ​ടി, പാ​ല​ക്കാ​ട് ഒ​റ്റ​പ്പാ​ലം, മ​ല​പ്പു​റം മ​ഞ്ചേ​രി, നി​ല​മ്പൂ​ർ, കാ​സ​ർ​കോ​ട്​ നീ​ലേ​ശ്വ​രം, ഉ​ദു​മ, കോ​ഴി​ക്കോ​ട് പേ​രാ​മ്പ്ര, കു​ന്ദ​മം​ഗ​ലം, തി​രു​വ​ന​ന്ത​പു​രം ജി​ല്ല​യി​ലെ ക​ഴ​ക്കൂ​ട്ടം എ​ന്നീ ഓ​ഫി​സു​ക​ളി​ൽ ലാ​ബ് റി​പ്പോ​ർ​ട്ട് പ്ര​കാ​രം സു​ര​ക്ഷി​ത​മ​ല്ലാ​ത്ത ഭ​ക്ഷ്യ​സാ​ധ​ന​ങ്ങ​ൾ വി​ത​ര​ണം ചെ​യ്ത​വ​രു​ടെ പേ​രി​ൽ ന​ട​പ​ടി സ്വീ​ക​രി​ക്കാ​തി​രി​ക്കു​ന്ന​തും ക​ണ്ടെ​ത്തി.

സു​ൽ​ത്താ​ൻ ബ​ത്തേ​രി, ആ​ല​ത്തൂ​ർ ഓ​ഫി​സു​ക​ള്‍ ചെ​റി​യ പി​ഴ ഈ​ടാ​ക്കി​യ ശേ​ഷം കു​റ്റ​ക്കാ​രെ വി​ട്ട​യ​ക്കു​ക​യാ​ണ്. തൃ​ശൂ​ർ ജി​ല്ല​യി​ലെ വ​ട​ക്കാ​ഞ്ചേ​രി, പു​തു​ക്കാ​ട്, പാ​ല​ക്കാ​ട് ആ​ല​ത്തൂ​ർ, കൊ​ല്ലം പ​ത്ത​നാ​പു​രം ഓ​ഫി​സു​ക​ളു​ടെ പ​രി​ധി​യി​ലെ വ​ന്‍കി​ട ഹോ​ട്ട​ലു​ക​ൾ, ബേ​ക്ക​റി​ക​ൾ എ​ന്നി​വ ഒ​ഴി​വാ​ക്കി​യാ​ണ്​ സാ​മ്പ്​​ൾ ശേ​ഖ​രി​ക്കു​ന്ന​ത്.