എം.ആർ. അജിത്കുമാറിനെതിരായ വിജിലൻസ് അന്വേഷണം; റിപ്പോർട്ട് ഇന്ന് കോടതിയിൽ സമർപ്പിക്കും

തിരുവനന്തപുരം: എ.ഡി.ജി.പി എം.ആർ. അജിത്കുമാറിനെതിരായ വിജിലൻസ് അന്വേഷണത്തിന്റെ തൽസ്ഥിതി റിപ്പോർട്ട് തിങ്കളാഴ്ച തിരുവനന്തപുരം വിജിലൻസ് കോടതിയിൽ സമർപ്പിക്കും. പി.വി അൻവർ ഉന്നയിച്ച ആരോപണങ്ങളിൽ അജിത്കുമാറിനും മുഖ്യമന്ത്രിയുടെ പൊളിറ്റിക്കൽ സെക്രട്ടറി പി. ശശിക്കുമെതിരെ അന്വേഷണം നടത്തണമെന്നാവശ്യപ്പെട്ടുള്ള ഹരജിയിലാണ് കോടതി തൽസ്ഥിതി റിപ്പോർട്ട് ആവശ്യപ്പെട്ടത്. വിജിലൻസ് നൽകുന്ന റിപ്പോർട്ടിൻമേൽ കോടതി ഉന്നയിക്കുന്ന സംശയങ്ങള്‍ നിർണായമാകും.

പല തവണ ആവശ്യപ്പെട്ടിട്ടും റിപ്പോർട്ട് സമ‍ർപ്പിക്കാത്തതിനെ കോടതി കഴിഞ്ഞ തവണ കേസ് പരിഗണിച്ചപ്പോൾ വിമർശിച്ചിരുന്നു. അജിത്കുമാറിനെതിരായ അന്വേഷണം പൂർത്തിയാക്കി സർക്കാരിൽ റിപ്പോർട്ട് സമർപ്പിച്ച ശേഷവും അന്വേഷണം പൂർത്തിയാക്കാൻ സമയം ആവശ്യപ്പെട്ട് കോടതിയോട് വിജിലൻസ് സമയം നീട്ടിച്ചോദിച്ചിരുന്നു. ഇതാണ് കോടതി വിമർശനത്തിന് ഇടയാക്കിയത്. അജിത്കുമാറിന് ക്ലീൻ ചിറ്റ് നൽകിയ റിപ്പോർട്ട് സർക്കാർ അംഗീകരിക്കുകയും ചെയ്തു.

എം.​ആ​ര്‍. അ​ജി​ത്കു​മാ​ര്‍ ഭാ​ര്യാ​സ​ഹോ​ദ​ര​നു​മാ​യി ചേ​ര്‍ന്ന് സെ​ന്റി​ന് 70 ല​ക്ഷം രൂ​പ വി​ല​യു​ള്ള ഭൂ​മി തി​രു​വ​ന​ന്ത​പു​രം ക​വ​ടി​യാ​റി​ല്‍ വാ​ങ്ങി ആ​ഡം​ബ​ര കെ​ട്ടി​ടം നി​ർ​മി​ക്കു​ന്ന​തി​ല്‍ അ​ഴി​മ​തി പ​ണ​മു​ണ്ടെ​ന്നാ​യി​രു​ന്നു പി.വി. അൻവറി​ന്റെ വാ​ദം. ഇ​തി​നാ​യി മു​ഖ്യ​മ​ന്ത്രി​യു​ടെ പൊ​ളി​റ്റി​ക്ക​ല്‍ സെ​ക്ര​ട്ട​റി പി. ​ശ​ശി എ.​ഡി.​ജി.​പി​യെ വ​ഴി​വി​ട്ട് സ​ഹാ​യി​ക്കു​ന്ന​താ​യും ഹ​ര​ജി​ക്കാ​ര​ന്‍ ആ​രോ​പി​ച്ചി​രു​ന്നു.