Begin typing your search above and press return to search.
exit_to_app
exit_to_app
km shaji
cancel
Homechevron_rightNewschevron_rightKeralachevron_rightകെ.എം. ഷാജിക്കെതിരെ...

കെ.എം. ഷാജിക്കെതിരെ വിജിലൻസ്​ ​കേസെടുത്തു; വീട്ടിൽ റെയ്​ഡ്​ തുടരുന്നു

text_fields
bookmark_border

കോഴിക്കോട്​: അനധികൃത സ്വത്ത്​ സമ്പാദന കേസിൽ കെ.എം. ഷാജി എം.എൽ.എക്കെതിരെ വിജിലൻസ്​ കേസെടുത്ത്​ അന്വേഷണം തുടങ്ങി. ഇതിന്‍റെ ഭാഗമായി തിങ്കളാഴ്ച രാവിലെ ഷാജിയുടെ വീടുകളിൽ ​വിജിലൻസ്​ റെയ്​ഡ്​ നടത്തുകയാണ്​. കോഴിക്കോട്​ മാലൂർകുന്നിലേയും കണ്ണ​ൂരിലേയും വീടുകളിൽ ഒരേസമയം പരിശോധന നടത്തുന്നത്​.

തിങ്കളാഴ്​ച രാവിലെ ഏഴോടെയാണ്​ പരിശോധന തുടങ്ങിയത്​. ഷാജിയുടെ സ്വത്തുവിരവങ്ങളോ​െടാപ്പം സാമ്പത്തിക ഇടപാടുകൾ സമ്പത്തിച്ച രേഖകളുമാണ്​ പരിശോധിക്കുന്നത്​. വിജിലൻസ്​ എസ്​.പി ശശിധരന്‍റെ നേതൃത്വത്തിലാണ്​ റെയ്​ഡ്​.

കഴിഞ്ഞ നവംബറിൽ ഷാജിക്കെതിരെ വിജിലൻസ്​ പ്രാഥമിക അന്വേഷണം ആരംഭിച്ചിരുന്നു. കെ.എം. ഷാജി അനധികൃത സ്വത്ത്‌ സമ്പാദിച്ചുവെന്ന പരാതിയിൽ കേസെടുക്കാൻ വിജിലൻസ്‌ അന്വേഷണ ഉദ്യോഗസ്ഥന്‌ സ്വന്തം നിലക്ക്​ തന്നെ അധികാരമുണ്ടെന്ന്‌ നേരത്തെ കോടതി വ്യക്​തമാക്കിയതാണ്​.

ഇതിനായി എഫ്​.ഐ.ആർ രജിസ്​റ്റർ ചെയ്യാൻ കോടതിയുടെ പ്രത്യേക അനുമതി വേണ്ടെന്നും കോഴിക്കോട്‌ വിജിലൻസ്‌ പ്രത്യേക കോടതി ജഡ്‌ജി ടി. മധുസൂദനൻ ഷാജിക്കെതിരെ എഫ്‌.ഐ.ആർ രജിസ്​റ്റർ ചെയ്യാൻ നിർദേശം നൽകണമെന്ന ഹരജി പരിഗണിക്കവേ​ പരാമർശിച്ചിരുന്നു.

പരാതിക്കാരനായ അഡ്വ. എം.ആർ. ഹരീഷ്‌ നൽകിയ ഹരജിയിൽ, ​േകാടതി നിർദേശ പ്രകാരം വിജിലൻസ്‌ പ്രത്യേക യൂനിറ്റ്​ നടത്തിയ പ്രാഥമികാന്വേഷണത്തിൽ വരവിൽ കവിഞ്ഞ സ്വത്ത്‌ സമ്പാദിച്ചെന്ന്​ കണ്ടെത്തിയെന്നായിരുന്നു കോടതിയിൽ സമർപ്പിച്ച റിപ്പോർട്ട്​. കേസെടുക്കാൻ പ്രഥമദൃഷ്​ട്യാ തെളിവുണ്ടെന്നും അനധികൃത സ്വത്ത്‌ സമ്പാദനത്തെപ്പറ്റി വിശദ അന്വേഷണം വേണമെന്നും റി​പ്പോർട്ടിൽ ശിപാർശയുണ്ടായിരുന്നു.

Show Full Article
TAGS:km shaji vigilance 
News Summary - Vigilance files case against K.M. Shaji Home raid continues
Next Story