അറുകൊലകളിൽ നാടുനടുങ്ങി...... കേട്ടുകേൾവി ഇല്ലാത്ത ക്രൂരത

തി​രു​വ​ന​ന്ത​പു​രം: ​ഇ​തു​വ​രെ കേ​ട്ടി​ട്ടി​ല്ലാ​ത്ത​വി​ധം ന​ടു​ക്കു​ന്ന​താ​ണ്​ തി​രു​വ​ന​ന്ത​പു​ര​ത്തെ കൊ​ല​പാ​ത​കം. രാവിലെ ഒമ്പതിനും വൈകിട്ട് ആറിനുമിടെ ബൈ​ക്കി​ൽ സ​ഞ്ച​രി​ച്ച്​ മൂ​ന്നി​ട​ത്താ​യാ​ണ്​ മാ​താ​വും മു​ത്ത​ശ്ശി​യും കൂ​ട​പ്പി​റ​പ്പും ഉ​ൾ​പ്പെ​ടെ ആ​റു​പേ​രെ 23കാ​ര​നാ​യ അ​ഫ്​​നാ​ൻ ആ​ക്ര​മി​ച്ച​ത്. അ​തി​ൽ അ​ഞ്ചു​പേ​ർ​ക്ക്​ ജീ​വ​ൻ ന​ഷ്ട​മാ​യി. അ​ർ​ബു​ദ രോ​ഗി​യാ​യ മാ​താ​വ്​ അ​തി ഗു​രു​ത​രാ​വ​സ്ഥ​യി​ലാ​ണ്. സം​ഭ​വ​ത്തി​ന്‍റെ തു​ട​ക്ക​വും പ്ര​കോ​പ​ന​വും വ്യ​ക്ത​മ​ല്ലെ​ങ്കി​ലും നാ​ട്ടു​കാ​രും പൊ​ലീ​സും ന​ൽ​കു​ന്ന​ത​നു​സ​രി​ച്ച്​ സം​ഭ​വം ഇ​പ്ര​കാ​ര​മാ​ണ്.

പേ​രു​മ​ല​യി​ലെ വീ​ട്ടി​ൽ പ്ര​തി അ​ഫ്​​നാ​നും മാ​താ​വ്​ ഷ​മീ​ന​യും അ​നു​ജ​ൻ അ​ഫ്​​സാ​നു​മാ​ണ്​ താ​മ​സം. മാ​താ​വി​നെ ക​ഴു​ത്തു ഞെ​രി​ച്ചു​കൊ​ല്ലാ​ൻ ഉ​ച്ച​ക്കു​മു​മ്പ്​ അ​ഫ്​​നാ​ൻ ശ്ര​മം ന​ട​ത്തി​യെ​ങ്കി​ലും വി​ജ​യി​ച്ചി​ല്ല. പു​റ​ത്തു​പോ​യി ​ചു​റ്റി​ക വാ​ങ്ങി വ​ന്ന അ​ഫ്​​നാ​ൻ മാ​താ​വി​​ന്‍റെ ത​ല​ക്ക​ടി​ച്ച്​ പ​രി​ക്കേ​ൽ​പി​ച്ചു. മ​രി​ച്ചെ​ന്ന്​ ക​രു​തി വീ​ട്ടി​ൽ നി​ന്നി​റ​ങ്ങി​യ അ​ഫ്​​നാ​ൻ ബൈ​ക്കു​മെ​ടു​ത്ത്​ പോ​യ​ത്​ പാ​ങ്ങോ​ട്ടെ, പി​തൃ​മാ​താ​വ്​ സ​ൽ​മാ ബീ​വി​യു​ടെ അ​ടു​ക്ക​ലേ​ക്ക്. പേ​രു​മ​ല​യി​ൽ​നി​ന്ന്​ പാ​ങ്ങോ​ട്ടേ​ക്ക്​ 10 കി​ലോ​മീ​റ്റ​റു​ണ്ട്.

95കാ​രി​യാ​യ സ​ൽ​മാ ബീ​വി അ​വി​ടെ ത​നി​ച്ചാ​ണ്​ താ​മ​സം. ചു​റ്റി​ക ഉ​പ​യോ​ഗി​ച്ച്​ പി​തൃ​മാ​താ​വി​നെ അ​ടി​ച്ചു​വീ​ഴ്​​ത്തി. അ​വ​ർ ത​ൽ​ക്ഷ​ണം മ​രി​ച്ചു. ക​ഴു​ത്തി​ൽ കി​ട​ന്ന സ്വ​ർ​ണ​മാ​ല​യും ക​വ​ർ​ന്ന് അ​വി​ടെ നി​ന്നി​റ​ങ്ങി. ശേ​ഷം അ​ഫ്​​നാ​ൻ പോ​യ​ത്​ പി​താ​വി​ന്‍റെ​ ജ്യേ​ഷ്​​ഠ​സ​ഹോ​ദ​ര​ൻ എ​സ്.​എ​ൽ പു​ര​ത്തെ ല​ത്തീ​ഫി​ന്‍റെ വീ​ട്ടി​ലേ​ക്കാ​ണ്. വി​മു​ക്ത​ഭ​ട​നാ​യ ല​ത്തീ​ഫി​നെ​യും ഭാ​ര്യ ഷാ​ഹി​ദ​യെ​യും ത​ല​​ക്ക​ടി​ച്ച്​ കൊ​ല​പ്പെ​ടു​ത്തി പേ​രു​മ​ല​യി​ലെ വീ​ട്ടി​ലേ​ക്ക്​ മ​ട​ങ്ങി.

മാ​താ​വ്​ ഷ​മീ​ന ചോ​ര വാ​ർ​ന്ന്​ കി​ട​ന്ന വീ​ട്ടി​ലേ​ക്ക്​ ത​ന്‍റെ പെ​ൺ​സു​ഹൃ​ത്ത്​ ഫ​ർ​സാ​ന​യെ അ​ഫ്​​നാ​ൻ വി​ളി​ച്ചു. ഏ​താ​നും കി​ലോ മീ​റ്റ​ർ അ​ക​ലെ​യു​ള്ള വീ​ട്ടി​ൽ​നി​ന്ന്​ ഫ​ർ​സാ​ന എ​ത്തി​യ​യു​ട​ൻ അ​വ​ളെ​യും ചു​റ്റി​ക​കൊ​ണ്ട് അ​ടി​ച്ചു. അ​തി​നി​ടെ​യാ​ണ്​ ഇ​ള​യ അ​നു​ജ​ൻ അ​ഫ്​​സാ​ൻ വീ​ട്ടി​ലേ​ക്ക്​ വ​ന്ന​ത്. അ​നു​ജ​നെ​യും അ​ടി​ച്ചു​വീ​ഴ്ത്താ​ൻ അ​ഫ്​​നാ​ന്​ മ​ടി​യു​ണ്ടാ​യി​ല്ല. ശേ​ഷം വീ​ട്ടി​ലെ ഗ്യാ​സ്​ തു​റ​ന്നു​വി​ട്ടു. എ​ലി വി​ഷം ക​ഴി​ച്ച്​ ജീ​വ​നൊ​ടു​ക്കാ​ൻ ശ്ര​മി​ച്ച അ​ഫ്​​നാ​ൻ പ​ക്ഷേ, തീ​രു​മാ​നം മാ​റ്റി.

വി​ഷം അ​ക​ത്തു​ചെ​ന്ന​തി​ന്‍റെ പ്ര​യാ​സ​ത്തി​ൽ ബൈ​ക്കു​മെ​ടു​ത്ത്​ പൊ​ലീ​സ്​ സ്​​റ്റേ​ഷ​നി​ലെ​ത്തി ന​ട​ന്ന കാ​ര്യ​ങ്ങ​ളെ​ല്ലാം പ​റ​ഞ്ഞു. പ്രാ​ഥ​മി​ക വി​വ​രം ​ശേ​ഖ​രി​ച്ച പൊ​ലീ​സ്​ ഇ​യാ​ളെ ഉ​ട​ൻ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലേ​ക്ക്​ മാ​റ്റി. ഇ​യാ​ൾ ന​ൽ​കി​യ വി​വ​ര​മ​നു​സ​രി​ച്ച്​ വീ​ടു​ക​ളി​ൽ ചെ​ന്ന​പ്പോ​ൾ അ​ഫ്നാ​ന്‍റെ മാ​താ​വ്​ ഷ​മീ​ന ഒ​ഴി​കെ​യു​ള്ള​വ​​ർ മ​രി​ച്ചി​രു​ന്നു. ഷ​മീ​ന​യി​ൽ ജീ​വ​ന്‍റെ തു​ടി​പ്പ്​ ക​ണ്ട​തോ​ടെ ആ​ശു​പ​ത്രി​യി​ലേ​ക്ക്​ മാ​റ്റി. ഇ​വ​ർ അ​പ​ക​ട​നി​ല ത​ര​ണം ചെ​യ്തി​ട്ടി​ല്ല.