വെഞ്ഞാറമൂട്ടിലെ ഇരട്ടക്കൊല പെരിയ ഇരട്ടക്കൊലയുടെ പ്രതികാരമെന്ന്​ കോടിയേരി

​കൊച്ചി: പെരിയയിലെ യൂത്ത്​ കോൺഗ്രസ്​ പ്രവർത്തകരുടെ കൊലപാതകത്തി​െൻറ പ്രതികാരമാണ്​ വെഞ്ഞാറമൂട്ടിലെ ഇരട്ടക്കൊലയെന്ന്​ സി.പി.എം സംസ്​ഥാന സെക്രട്ടറി കോടിയേരി ബാലകൃഷ്​ണൻ. സ്വർണക്കടത്തി​െൻറയും സെക്ര​േട്ടറിയറ്റിലെ തീപിടിത്തത്തി​െൻറയും പേരിൽ നടത്തിയ കലാപ ശ്രമങ്ങൾക്ക്​​ ജനപിന്തുണ കിട്ടാതായപ്പോൾ വ്യാപക അക്രമങ്ങൾക്കായി അണികളെ കയറൂരി വിട്ടിരിക്കുകയാണ് കോൺഗ്രസ്​​. അതി​െൻറ ഭാഗമായാണ്​ വെഞ്ഞാറമൂട്​ സംഭവം. സി.പി.എം നേതൃത്വത്തിൽ സംസ്​ഥാന വ്യാപകമായി നടന്ന കരിദിനാചരണത്തി​െൻറ കൊച്ചിയിലെ പരിപാടി ഉദ്​ഘാടനം ചെയ്യുകയായിരുന്നു അദ്ദേഹം.

യു.ഡി.എഫിൽനിന്ന് പ്രവർത്തകർ കൂട്ടത്തോടെ സി.പി.എമ്മിലേക്ക്​ ഒഴുകുന്നതിന്​ തടയിടാനുള്ള ലക്ഷ്യംകൂടി ഇരട്ട കൊലപാതകത്തിന്​ പിന്നിലുണ്ട്​​. ഇരട്ടക്കൊലയിലെ പങ്കാളിത്തം കോൺഗ്രസ്​ നേതൃത്വത്തിന്​ മറച്ചുവെക്കാനാവില്ല. നേതൃത്വത്തി​െൻറ അറിവോടെയാണ്​ ​െകാലപാതകങ്ങൾ നടന്നതെന്നത്​ വ്യക്​തമാണ്​.

ഇത്തരം അക്രമങ്ങളിൽ സി.പി.എം പ്രവർത്തകർ പ്രകോപിതരാവുകയോ​ പാർട്ടി ​ഓഫിസുകൾക്കും മറ്റും നേരെ തിരിയുകയോ ചെയ്യരുത്​. ഇത്തരം നടപടികളെ സി.പി.എം അംഗീകരിക്കുന്നില്ല. കോൺഗ്രസ്​ കുരുക്കുന്ന ​െകണിയിൽ സി.പി.എം പ്രവർത്തകർ വീഴരുതെന്നു​ം കോടിയേരി പറഞ്ഞു.

ജില്ല സെക്രട്ടറി സി.എൻ. മോഹനൻ അധ്യക്ഷത വഹിച്ചു. സംസ്​ഥാന സെക്ര​േട്ടറിയറ്റ്​ അംഗം പി. രാജീവ്​ സംസാരിച്ചു.