Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഫാൻസി നമ്പർ ലേലം...

ഫാൻസി നമ്പർ ലേലം ന​ട​ക്കു​ന്ന​തു​വ​രെ താൽക്കാലിക നമ്പറിൽ വാഹനം ഓടിക്കാൻ അനുവദിക്കണം -ഹൈകോടതി

text_fields
bookmark_border
ഫാൻസി നമ്പർ ലേലം ന​ട​ക്കു​ന്ന​തു​വ​രെ താൽക്കാലിക നമ്പറിൽ വാഹനം ഓടിക്കാൻ അനുവദിക്കണം -ഹൈകോടതി
cancel

കൊ​ച്ചി: ആ​ഗ്ര​ഹി​ക്കു​ന്ന ഫാ​ൻ​സി ന​മ്പ​റി​നു​വേ​ണ്ടി​യു​ള്ള ലേ​ലം ന​ട​ക്കു​ന്ന​തു​വ​രെ താ​ൽ​ക്കാ​ലി​ക ര​ജി​സ്ട്രേ​ഷ​ൻ ന​മ്പ​റി​ൽ പു​തി​യ വാ​ഹ​നം ഓ​ടി​ക്കാ​ൻ ഉ​ട​മ​ക്ക്​ അ​നു​മ​തി ന​ൽ​ക​ണ​മെ​ന്ന്​ വാ​ഹ​ന വ​കു​പ്പി​ന്​ ഹൈ​കോ​ട​തി നി​ർ​ദേ​ശം. എ​റ​ണാ​കു​ളം വ​ടു​ത​ല സ്വ​ദേ​ശി​നി പ്രൈ​സി ജോ​സ​ഫി​നാ​ണ്​ ​പു​തി​യ കാ​ർ താ​ൽ​ക്കാ​ലി​ക ര​ജി​സ്ട്രേ​ഷ​ൻ ന​മ്പ​റി​ൽ ഓ​ടി​ക്കാ​ൻ ജ​സ്റ്റി​സ് പി.​വി. കു​ഞ്ഞി​കൃ​ഷ്ണ​ൻ അ​നു​മ​തി ന​ൽ​കി​യ​ത്.

അ​ടു​ത്തി​ടെ വാ​ങ്ങി​യ പു​തി​യ കാ​റി​ന് മു​മ്പു​ണ്ടാ​യി​രു​ന്ന വാ​ഹ​ന​ത്തി​ന്‍റെ അ​തേ ന​മ്പ​റാ​യ 5252 എ​ന്ന ഫാ​ൻ​സി ന​മ്പ​ർ ല​ഭി​ക്ക​ണ​മെ​ന്നാ​ണ്​ ഹ​ര​ജി​ക്കാ​രി ആ​ഗ്ര​ഹി​ക്കു​ന്ന​ത്. ഭ​ർ​ത്താ​വി​ന്‍റെ​യും മ​ക​ളു​ടെ​യും വാ​ഹ​ന​ത്തി​ന്‍റെ ന​മ്പ​റും ഇ​ത് ത​ന്നെ​യാ​ണ്. എ​ന്നാ​ൽ, ഈ ​ന​മ്പ​ർ അ​നു​വ​ദി​ക്കു​ന്ന​തി​നു​ള്ള ഫാ​ൻ​സി ന​മ്പ​ർ ലേ​ലം മൂ​ന്നു​മാ​സ​ത്തി​നു​ശേ​ഷ​മേ ന​ട​ക്കൂ. അ​തു​വ​രെ താ​ൽ​ക്കാ​ലി​ക ര​ജി​സ്ട്രേ​ഷ​നി​ൽ വാ​ഹ​ന​മോ​ടി​ക്കാ​നു​ള്ള അ​നു​മ​തി തേ​ടി​യാ​ണ്​ ഹ​ര​ജി​ക്കാ​രി കോ​ട​തി​യെ സ​മീ​പി​ച്ച​ത്.

നി​കു​തി​യും ഇ​ൻ​ഷു​റ​ൻ​സും മ​റ്റും അ​ട​ച്ചെ​ങ്കി​ലും താ​ൽ​ക്കാ​ലി​ക ര​ജി​സ്​​ട്രേ​ഷ​നി​ൽ ഓ​ടി​ക്കാ​നാ​വി​ല്ലെ​ന്ന്​ വ്യ​ക്ത​മാ​ക്കി വാ​ഹ​നം ഹ​ര​ജി​ക്കാ​രി​ക്ക്​ കൈ​മാ​റി​യി​ട്ടി​ല്ല. മോ​ട്ടോ​ർ വാ​ഹ​ന നി​യ​മ​ത്തി​ൽ താ​ൽ​ക്കാ​ലി​ക ര​ജി​സ്ട്രേ​ഷ​ന് അ​നു​മ​തി​യു​ള്ള​പ്പോ​ൾ വാ​ഹ​നം നി​ര​ത്തി​ലി​റ​ക്കാ​നാ​കി​ല്ലെ​ന്ന നി​ല​പാ​ട് അ​നീ​തി​യാ​ണെ​ന്ന് കോ​ട​തി വി​ല​യി​രു​ത്തി.

ഇ​ഷ്ട​പ്പെ​ട്ട ന​മ്പ​ർ മൂ​ന്നു​മാ​സ​ത്തി​നു​ശേ​ഷ​മേ ല​ഭി​ക്കൂ​വെ​ന്നി​രി​ക്കെ ഫാ​ൻ​സി ന​മ്പ​ർ ആ​ഗ്ര​ഹി​ക്കു​ന്ന​വ​ർ വാ​ഹ​നം വാ​ങ്ങി​യ​ശേ​ഷം നി​ര​ത്തി​ലി​റ​ക്കാ​ൻ അ​നി​ശ്ചി​ത​മാ​യി കാ​ത്തി​രി​ക്ക​ണ​മെ​ന്ന്​ പ​റ​യു​ന്ന​ത്​ വി​വേ​ച​ന​മാ​ണ്. ഹ​ര​ജി​ക്കാ​രി​യു​ടെ വാ​ഹ​നം താ​ൽ​ക്കാ​ലി​ക ര​ജി​സ്ട്രേ​ഷ​ൻ ന​മ്പ​റി​ൽ കൈ​മാ​റാ​നും കോ​ട​തി നി​ർ​ദേ​ശി​ച്ചു.

Show Full Article
TAGS:fancy number Kerala High Court 
News Summary - vehicles with temporary numbers should be allowed to owner till the fancy number auction is held
Next Story