Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകു​തി​രാ​ന്‍: തിരക്ക്...

കു​തി​രാ​ന്‍: തിരക്ക് ഒഴിവാക്കാൻ വൈകീട്ട് നാല് മുതൽ എട്ട് വരെ വാഹനം നിയന്ത്രിച്ചേക്കും

text_fields
bookmark_border
k rajan at kuthiran
cancel
camera_alt

മ​ന്ത്രി കെ. ​രാ​ജ​ൻ കു​തി​രാ​ൻ സ​ന്ദ​ർ​ശി​ക്കു​ന്നു

കു​തി​രാ​ന്‍: ഒ​രേ തു​ര​ങ്ക​പാ​ത​യി​ലൂ​ടെ ഇ​രു​ഭാ​ഗ​ത്തെ​ക്കും വാ​ഹ​ന​ങ്ങ​ള്‍ ക​ട​ത്തി​വി​ടു​മ്പോ​ള്‍ ഉ​ണ്ടാ​കു​ന്ന തി​ര​ക്ക് ഒ​ഴി​വാ​ക്കാ​ന്‍ വൈ​കീ​ട്ട് നാ​ല് മു​ത​ല്‍ രാ​ത്രി എ​ട്ട് വ​രെ വ​ലി​യ ച​ര​ക്ക് വാ​ഹ​ന​ങ്ങ​ളെ നി​യ​ന്ത്രി​ക്കു​ന്ന​തി​നെ കു​റി​ച്ച് ആ​ലോ​ചി​ക്കു​ന്നു.

ശ​നി​യാ​ഴ്ച റ​വ​ന്യു മ​ന്ത്രി​യും സ്ഥ​ലം എം.​എ​ല്‍.​എ​യു​മാ​യ കെ. ​രാ​ജ​നും ജി​ല്ല ക​ല​ക്ട​ര്‍ ഹ​രി​ത വി. ​കു​മാ​റും ഉ​യ​ര്‍ന്ന പോ​ലീ​സ് ഉ​ദ്യോ​ഗ​സ്ഥ​ര്‍ക്കൊ​പ്പം തു​ര​ങ്ക​പാ​ത സ​ന്ദ​ര്‍ശി​ക്കു​ക​യാ​യി​രു​ന്നു. ക​ഴി​ഞ്ഞ ദി​വ​സ​ത്തെ പ​രീ​ക്ഷ​ണ ഒാ​ട്ട​ത്തി​ല്‍ വി​ജ​യ​ക​ര​മാ​യി പ്ര​വ​ര്‍ത്തി​ച്ചെ​ങ്കി​ലും രാ​ത്രി​യി​ല്‍ വ​ലി​യ ച​ര​ക്ക് വാ​ഹ​ന​ങ്ങ​ള്‍ എ​ത്തി​യ​തോ​ടെ ഗ​താ​ഗ​ത​ക്കു​രു​ക്ക് സൃ​ഷ്​​ടി​ച്ചി​രു​ന്നു.

ഇ​തോ​ടെ ഉ​യ​ര്‍ന്ന പൊ​ലീ​സ് ഉ​ദ്യോ​ഗ​സ്ഥ​രു​മാ​യി ച​ര്‍ച്ച ചെ​യ്ത് പാ​ല​ക്കാ​​ട്ടേ​ക്ക് പോ​കു​ന്ന റോ​ഡി​െ​​ൻ​റ വ​ല​ത് വ​ശ​ത്ത്് കൂ​ടി ചെ​റി​യ വാ​ഹ​ന​ങ്ങ​ളെ​യും ബ​സ്സു​ക​ളെ​യും ക​ട​ത്തി​വി​ടാ​നും വ​ലി​യ ച​ര​ക്ക് വാ​ഹ​ന​ങ്ങ​ളെ ഇ​ട​തു​വ​ശ​ത്ത് കൂ​ടി ക​ട​ത്തി​വി​ടാ​നും ധാ​ര​ണ​യാ​യി. എ​ന്നാ​ല്‍ ശ​നി​യാ​ഴ്​​ച​യും കു​രു​ക്ക് അ​നു​ഭ​വ​പ്പെ​ട്ടി​രു​ന്നു.

2022​െൻ​റ തു​ട​ക്ക​ത്തി​ൽ ര​ണ്ടാം തു​ര​ങ്കം തു​റ​ക്കാ​നാ​കും –മ​ന്ത്രി

കു​തി​രാ​ൻ: കു​തി​രാ​നി​ലെ ര​ണ്ടാ​മ​ത്തെ തു​ര​ങ്കം 2022 ആ​ദ്യം ത​ന്നെ തു​റ​ക്കാ​ന്‍ ക​ഴി​യും എ​ന്ന് റ​വ​ന്യു മ​ന്ത്രി കെ. ​രാ​ജ​ന്‍ പ്ര​ത്യാ​ശ പ്ര​ക​ടി​പ്പി​ച്ചു. തു​ര​ങ്ക​പാ​ത​യു​ടെ​യും അ​നു​ബ​ന്ധ റോ​ഡു​ക​ളു​ടെ​യും നി​ർ​മാ​ണ പു​രോ​ഗ​തി വി​ല​യി​രു​ത്താ​ന്‍ എ​ത്തി​യ​താ​യി​രു​ന്നു മ​ന്ത്രി.

ക​ഴി​ഞ്ഞ ദി​വ​സം മു​ത​ല്‍ ഒ​രേ തു​ര​ങ്ക​ത്തി​ലൂ​ടെ ര​ണ്ട് ഭാ​ഗ​ത്തേ​ക്കും വാ​ഹ​ന​ങ്ങ​ള്‍ ക​ട​ത്തി​വി​ടു​മ്പോ​ള്‍ ഉ​ണ്ടാ​കു​ന്ന ബു​ദ്ധി​മു​ട്ട് പ​രി​ഹ​രി​ക്കാ​ന്‍ പൊ​ലീ​സി​ലെ ഉ​യ​ര്‍ന്ന ഉ​ദ്യോ​ഗ​സ്ഥ​രു​മാ​യി ച​ര്‍ച്ച ന​ട​ത്താ​ന്‍ ക​ല​ക്ട​ര്‍ ഹ​രി​ത വി. ​കു​മാ​റി​നെ ചു​മ​ത​ല​പ്പെ​ടു​ത്തി. തൃ​ശു​ര്‍ സി​റ്റി പൊ​ലീ​സ് ക​മീ​ഷ​ണ​ര്‍ എ​സ്. ആ​ദി​ത്യ​യും മ​ന്ത്രി​യോ​ടൊ​പ്പ​മു​ണ്ടാ​യി​രു​ന്നു.

ഗതാഗതക്കുരുക്ക്​: കുതിരാൻ പഴയ റോഡ്​ രണ്ട്​ മണിക്കൂർ തുറന്നു

കു​തി​രാ​ൻ: ഗ​താ​ഗ​ത​ക്കു​രു​ക്കി​നെ തു​ട​ർ​ന്ന്‌ ര​ണ്ടു​മ​ണി​ക്കൂ​ർ കു​തി​രാ​ൻ പ​ഴ​യ റോ​ഡ്‌ തു​റ​ന്നു. ശ​നി​യാ​ഴ്‌​ച വൈ​കീ​ട്ട്‌ ഉ​ണ്ടാ​യ ഗ​താ​ഗ​ത​ക്കു​രു​ക്ക്‌ നി​യ​ന്ത്രി​ക്കാ​ൻ ക​ഴി​യാ​തെ വ​ന്ന​തോ​ടെ​യാ​ണ്‌ രാ​ത്രി ഒ​മ്പ​ത​ര​യോ​ടെ വ​ലി​യ വാ​ഹ​ന​ങ്ങ​ൾ ക​ട​ത്തി​വി​ടാ​ൻ പ​ഴ​യ റോ​ഡ്‌ തു​റ​ന്ന​ത്‌. ര​ണ്ട്‌ മ​ണി​ക്കൂ​റി​ല​ധി​കം പ​ഴ​യ റോ​ഡി​ലൂ​ടെ വാ​ഹ​ന​ങ്ങ​ൾ ക​ട​ത്തി​വി​ട്ട​തോ​ടെ തു​ര​ങ്ക​പാ​ത​യി​ലെ കു​രു​ക്കി​ന്‌ ശ​മ​ന​മാ​യി.

തു​ട​ർ​ന്ന്‌ രാ​ത്രി പ​തി​നൊ​ന്ന​ര​യോ​ടെ തു​റ​ന്ന പ​ഴ​യ റോ​ഡ് ​അ​ട​ച്ചു. ഔ​ദ്യോ​ഗി​ക അ​നു​മ​തി​ക്കാ​യി കാ​ത്ത്​ നി​ൽ​ക്കാ​തെ​യാ​ണ്​ റോ​ഡ്​ തു​റ​ന്ന​ത്.

Show Full Article
TAGS:kuthiran tunnel traffic congestion Traffic block 
News Summary - vehicles may be restricted from 4 to 8 pm to avoid traffic congestion in Kuthiran tunnel
Next Story