വാളയാറിൽ കണ്ടയ്​നർ ലോറിക്ക്​ പിറകിൽ മിനിവാൻ ഇടിച്ച്​ അഞ്ച്​ മരണം

പാലക്കാട്​: വാളയാർ വട്ടപ്പാറ 14ാം മൈലിൽ നിർത്തിയിട്ട കണ്ടയ്​നർ ലോറിക്ക്​ പിറകിൽ ഓംമ്​നി വാൻ ഇടിച്ചുകയറി മൂന് ന്​ കുട്ടികളടക്കം അഞ്ച്​ പേർ മരിച്ചു. ഏഴ്​ പേർക്ക്​ പരിക്കേറ്റു. തമിഴ്​നാട്​ കോയമ്പത്തൂർ സ്വദേശികളാണ്​ അപകട ത്തിൽപ്പെട്ടത്​. വാൻ ഡ്രൈവർ കോയമ്പത്തൂർ കുനിയംപുത്തൂർ കുറിച്ചിപിരിവ്​ എൻ.പി. ഇ​േട്ടരി ഷംസദ്​ ഖാ​​​​ന്‍റെ മ കൻ മുഹമ്മദ്​ ഷാജഹാൻ (30), കരിമ്പുകട ഭാരത്​ നഗർ പരേതനായ അബ്​ദുൽ മജീദിന്‍റെ ഭാര്യ ഫൈറോജ്​ ബീഗം (65), ഫൈറോജ്​ ബീഗത്തി ന്‍റെ പേരമക്കളും കരിമ്പുകടയിലെ സജിതയുടേയും മൊയ്​തീൻ അബുവിന്‍റെയും മക്കളുമായ ഷെറിൻ (13), മുഹമ്മദ്​ റയാൻ (ഏഴ്​) എന്നിവരും ഫൈറോജ്​ ബീഗത്തിന്‍റെ മറ്റൊരു മകൾ മെഹ്​റാജിന്‍റെ മകൾ അൻഫ ഷിൽദ (രണ്ട്​) എന്നിവരുമാണ്​ മരിച്ചത്​.

ഫൈറോജ്​ ബീഗത്തി​​​​​​െൻറ മക്കളായ സജിത(40), ഫരീദ(42), ബിനാസ്​(36), മെഹരാജ്​(34), ഫരീദയുടെ മകൾ ഇനിയ ഫഹദ് ​(പത്ത്​), ബിനാസി​​​​​​െൻറ മക്കളായ നിഷ്​മ(ഒമ്പത്​), മുഹമ്മദ്​ റിദ്​വാൻ (അഞ്ച്​) എന്നിവർക്കാണ്​ പരിക്കേറ്റത്​. മുഹമ്മദ്​ റിദ്​വാന്‍റെ നില ഗുരുതരമാണ്​. പാലക്കാട്​ ജില്ല ആശുപ​ത്രിയിൽനിന്നും റിദ്​വാനെ കോയമ്പത്തൂർ മെഡിക്കൽ കോളജ്​ ആശുപത്രിയിലേക്ക്​ റഫർ ചെയ്​തെങ്കിലും ആരോഗ്യനില മോശമായതിനാൽ പാലക്കാട്​ പാലാന ആശുപത്രിയിൽ പ്രവേശിപ്പിച്ചു. ബാക്കി ആറു പേരെ പാലക്കാട്​ ജില്ല ആശുപത്രിയിൽ പ്രഥമ ശുശ്രൂഷ നൽകിയശേഷം കോയമ്പത്തൂർ ​ഗവ.​ മെഡിക്കൽ കോളജ്​ ആശുപത്രിയിലേക്ക്​ മാറ്റി.

കോയമ്പത്തൂരിൽനിന്നും പാലക്കാട്​ ചന്ദ്രനഗറിലെ ബന്ധുവീട്ടിലേക്ക്​ വരുന്നവഴി ശനിയാഴ്​ച ഉച്ച ര​ണ്ട്​ മണിയോടെയാണ്​ അപകടം. ചന്ദ്രനഗർ ചൈതന്യകോളനിയിലെ സഹോദരൻ എ.എം. ശൈഖിന്‍റെ വീട്ടിൽ
ഒരു ചടങ്ങിന്​ വരുകയായിരുന്നു ഫൈറോജ്​ ബീഗവും മക്കളും പേരമക്കളുമടക്കം 12 പേർ.

മുൻ സീറ്റിൽ ഇരുന്ന അഞ്ച്​ പേരാണ്​ തൽക്ഷണം മരിച്ചത്​. മൂന്ന്​ പേർ കുട്ടികളാണ്​. വാളയാർ-തൃശൂർ ദേശീയപാതയോരത്ത്​ നിർത്തിയിട്ട കണ്ടയ്​നർ ലോറിയുടെ പിറകിലാണ്​ ഓമ്​നി വാൻ ഇടിച്ചുകയറിയത്​. വാനിന്‍റെ മുൻവശം പൂർണ്ണമായും തകർന്നു. അമിതവേഗമാണ്​ അപകടകാരണമെന്ന്​ പറയുന്നു.