Begin typing your search above and press return to search.
exit_to_app
exit_to_app
kt jaleel and vd satheeshan
cancel
Homechevron_rightNewschevron_rightKeralachevron_right'അത്ര വിലപിടിപ്പുള്ള...

'അത്ര വിലപിടിപ്പുള്ള മൊതലല്ലേ മതിലുകെട്ടി കൊണ്ടുവരുന്നത്​'; ​മന്ത്രി ജലീലിനെതിരെ പരിഹാസവുമായി വി.ഡി. സതീശൻ

text_fields
bookmark_border

തിരുവനന്തപുരം: മലപ്പുറത്തുനിന്ന്​ തിരുവനന്തപുരം വരെ വൻസുരക്ഷ സ​ന്നാഹങ്ങളോടെയുള്ള മന്ത്രി കെ.ടി. ജലീലി​െൻറ യാത്രക്കെതിരെ പരിഹാസവുമായി കോൺഗ്രസ്​ നേതാവ്​ വി.ഡി. സതീശൻ. 'ഞാൻ എറണാകുളത്തുനിന്ന് തിരുവനന്തപുരത്തേക്ക് യാത്ര ചെയ്യുകയാണ്. വഴിയിൽ മുഴുവൻ ഇന്ത്യൻ പ്രസിഡ​േൻറ പ്രധാനമന്ത്രിയോ വരുന്നത്​ പോലെയുള്ള പൊലീസ് സന്നാഹമാണ്. അന്വേഷിച്ചപ്പോഴാണ് മനസ്സിലായത് മന്ത്രി ജലീൽ തിരുവനന്തപുരത്തേക്ക് വരികയാണെന്ന്.!! പൊലീസ് അക്ഷരാർത്ഥത്തിൽ മതിലുകെട്ടി കൊണ്ടുവരികയാണ്. അത്ര വിലപിടിപ്പുള്ള മൊതലല്ലേ വരുന്നത്!!!' -വി.ഡി. സതീശൻ ഫേസ്​ബുക്കിൽ കുറിച്ചു. പോസ്​റ്റിന്​ കൂടെ പൊലീസ്​ സുരക്ഷയൊരുക്കുന്ന ചിത്രവും അദ്ദേഹം പങ്കുവെച്ചിട്ടുണ്ട്​.

സ്വർണക്കടത്ത്​ കേസുമായി ബന്ധപ്പെട്ട്​ കൊച്ചിയിൽ വെള്ളിയാഴ്​ച എൻഫോഴ്​സ്മെൻറ്​​ ഡയറക്​ടറേറ്റ്​ ചോദ്യം ചെയ്​ത ശേഷം വീട്ടി​െലത്തി ​ഞായറാഴ്​ച വൈകീട്ട്​ നാലോടെയാണ്​ മലപ്പുറം വളാഞ്ചേരിയിലെ കാവുംപുറത്തെ വീട്ടിൽനിന്ന്​ മ​ന്ത്രി പോയത്​. കാവുംപുറത്ത്​ ദേശീയപാതയിൽ എത്തിയത്​ മുതൽ വിവിധ കക്ഷികൾ കരി​ങ്കൊടി കാണിച്ച്​ കൂടെയുണ്ടായിരുന്നു. ഇതോടെയാണ്​ വഴിലുടനീളം കനത്ത സുരക്ഷ​ പൊലീസ്​ ഒരുക്കിയത്​.


കൊല്ലം പാരിപ്പള്ളിയിൽ മന്ത്രിയുടെ വാഹനം തടയാനും ശ്രമം നടന്നു. മന്ത്രിയുടെ വാഹനം പാരിപ്പള്ളി ജങ്ഷനിൽ പഞ്ചായത്ത് കമ്യൂണിറ്റി ഹാളിന്​ മുന്നിലെത്തിയപ്പോൾ അവിടെ കാത്തുനിന്ന യുവമോർച്ചക്കാർ മന്ത്രി രാജി​െവക്കണമെന്നാവശ്യപ്പെട്ട് മുദ്രാവാക്യം വിളിച്ച് അവരുടെ വാഹനം റോഡിന് കുറുകെയിട്ട് തടയുകയായിരുന്നു. ഡിവൈഡർ അവസാനിക്കുന്ന ഭാഗത്താണ് തടഞ്ഞത്.

അപ്രതീക്ഷിതമായി റോഡിൽ വാഹനം കണ്ട ൈഡ്രവർ വാഹനം വെട്ടിത്തിരിച്ചപ്പോൾ മന്ത്രിയുടെ വാഹനം പൈലറ്റ് വാഹനത്തിൽ തട്ടി. പൊലീസ്​ ഉടൻതന്നെ യുവമോർച്ച പ്രവർത്തകരെ കസ്​റ്റഡിയിലെടുക്കുകയും മന്ത്രിയുടെ യാത്രക്ക് അവസരമൊരുക്കുകയും ചെയ്തു.

പ്രതിഷേധങ്ങളുടെ നടുവിലൂടെ ഒമ്പതരയോടെ ക​േൻറാൺമെൻറിലെ ഔദ്യോഗിക വസതിയിലേക്ക് പ്രവേശിക്കാൻ ശ്രമിച്ച ജലീലിനെ യൂത്ത് കോൺഗ്രസ്, യുവമോർച്ച, ബി.ജെ.പി പ്രവർത്തകർ തടയാൻ ശ്രമിച്ചത് പൊലീസുമായുള്ള നേരിട്ടുള്ള ഏറ്റുമുട്ടലിനിടയാക്കി. പ്രതിഷേധക്കാർക്കു നേരെ പൊലീസ് ലാത്തി വീശി. എന്നിട്ടും പിരിഞ്ഞുപോകാൻ കൂട്ടാക്കാത്തതിനെത്തുടർന്ന്​ അമ്പതോളം പ്രവർത്തകരെ പൊലീസ് അറസ്​റ്റ്​ ചെയ്തുനീക്കി.

Show Full Article
TAGS:kt jaleel vd satheeshan police kerala politics 
News Summary - VD scoffs at Minister Jaleel Satheesan
Next Story