Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമാണിക്കെതിരെ സി.പി.എം...

മാണിക്കെതിരെ സി.പി.എം നേതാക്കൾ നേരത്തെ നടത്തിയ പരാമർശങ്ങൾ പിൻവലിക്കുമോയെന്ന്​ വി.ഡി സതീശൻ

text_fields
bookmark_border
മാണിക്കെതിരെ സി.പി.എം നേതാക്കൾ നേരത്തെ നടത്തിയ പരാമർശങ്ങൾ പിൻവലിക്കുമോയെന്ന്​ വി.ഡി സതീശൻ
cancel

തിരുവനന്തപുരം: കെ.എം. മാണി അഴിമതിക്കാരനാണെന്നും കൈക്കൂലി പണം എണ്ണാൻ വീട്ടിൽ നോ​ട്ടെണ്ണൽ മെഷീൻ സൂക്ഷിച്ചിട്ടുണ്ടെന്നും നേരത്തെ ആരോപിച്ചത്​ സി.പി.എം സംസ്​ഥാന നേതാക്കളാണെന്ന്​ പ്രതിപക്ഷ നേതാവ്​ വി.ഡി സതീശൻ. കെ.എം മാണിക്കെതിരെ അന്ന്​ സി.പി.എം നേതാക്കൾ നടത്തിയ പ്രസ്​താവന പിൻവലിക്കുമോയെന്നും അദ്ദേഹം ചോദിച്ചു.

നിയമസഭയിലെ സമരം യു.ഡി.എഫിനെതിരെ ആയിരുന്നുവെന്ന സി.പി.എം ആക്​ടിങ്​ സെക്രട്ടറി എ. വിജയരാഘവന്‍റെ പ്രസ്​താവന സതീശൻ തള്ളി. യു.ഡി.എഫിന്‍റെ മുഖ്യമന്ത്രിയടക്കമുള്ള ആരെയും അന്ന്​ എൽ.ഡി.എഫ്​ തടഞ്ഞിട്ടില്ലെന്നും കെ.എം. മാണിയെ മാത്രമാണ്​ തടഞ്ഞതെന്നും അദ്ദേഹം ചൂണ്ടികാട്ടി. അഴിമതിക്കാരനായ കെ.എം മാണിയെ ബജറ്റ്​ അവതരിപ്പിക്കാൻ അനുവദിക്കില്ലെന്നായിരുന്നു എൽ.ഡി.എഫ്​ നിലപാടെന്നും അതിനാണ്​ നിയമസഭയിൽ അക്രമം അഴിച്ചുവിട്ടതെന്നും അദ്ദേഹം പറഞ്ഞു.

മാണിക്കെതിരെ അന്ന്​ നടത്തിയ സമരം തെറ്റായിരുന്നു​വെന്ന്​ എൽ.ഡി.എഫ്​ എറ്റുപറയുമോയെന്നും അദ്ദേഹം ചോദിച്ചു.

കെ.എം മാണിക്കെതിരെ സുപ്രീം കോടതിയിലടക്കം നിയപാടെടുത്ത സർക്കാറിനെതിരെ ജോസ്​ കെ. മാണിയും കേരള കോൺഗ്രസും എന്ത്​ നിലപാടാണെടുക്കുക എന്ന്​ നോക്കാമെന്നും അദ്ദേഹം പറഞ്ഞു. മാണിക്കെതിരെ സുപ്രീം കോടതിയിൽ സർക്കാർ അഭിഭാഷകൻ നടത്തിയ പ്രസ്​താവന പിൻവലിക്കാൻ തയാറാകുമോയെന്നും അദ്ദേഹം ചോദിച്ചു.

Show Full Article
TAGS:km mani vd satheeshan 
News Summary - vd satheeshan raises mani issue against ldf
Next Story