തോമസ് ഐസക്കുമായി ദീർഘസംഭാഷണം; രാഷ്ട്രീയത്തിൽ പുതുപരീക്ഷണവുമായി വി.ഡി സതീശൻ
text_fields
എറണാകുളം: രാഷ്ട്രീയത്തിൽ ഗുണപരമായ സംവാദത്തിെൻറ പുതുതുടക്കം കുറിച്ച് വി.ഡി സതീശൻ. ‘ഡയലോഗ് വിത്ത് വി.ഡി.എസ്’ എന്ന യൂട്യൂബ് ചാനലുമായാണ് എം.എൽ.എയും കെ.പി.സി.സി ൈവസ് പ്രസിഡൻറുമായ വി.ഡി സതീശൻ രംഗപ്രവേശനം ചെയ്തിരിക്കുന്നത്.
ധനമന്ത്രി തോമസ് ഐസക്കുമായി നടത്തിയ ചർച്ചയാണ് ചാനലിൽ ആദ്യമായി അപ്ലോഡ് ചെയ്തിരിക്കുന്നത്. കേരളത്തിലെയും ഇന്ത്യയിലെയും രാഷ്ട്രീയ സാമ്പത്തിക പ്രതിസന്ധികളും പരിഹാരങ്ങളും ഇരുവരും ചർച്ചചെയ്യുന്ന വിഡിയോ ആണിത്.
സാമ്പത്തിക ശാസ്ത്രജ്ഞനും അധ്യാപകനും എഴുത്തുകാരനുമായ തോമസ് ഐസക്കും ഞാനും നിയമസഭക്കകത്തും പുറത്തും തീ പാറുന്ന സംവാദങ്ങളുണ്ടായിട്ടുണ്ട്. അദ്ദേഹത്തിനെപ്പോലെ പ്രഗത്ഭനായ ഒരാൾ അപ്പുറത്തുള്ളതുകൊണ്ടാണ് സാമ്പത്തിക ശാസ്ത്രം പഠിക്കാത്ത, ടാക്സസ് നിയമങ്ങൾ ഒന്നുമറിയാത്ത ഞാൻ 19 വർഷം മുൻപ് ആ വിഷയം പഠിച്ചു തുടങ്ങിയത്. ഇരുധ്രുവങ്ങളിൽ നിന്ന് പോരാടുമ്പോഴും അദ്ദേഹത്തെക്കുറിച്ച് മനസ്സിൽ സൂക്ഷിച്ചിരുന്ന ബഹുമാനവും മതിപ്പുമാണ് ഇത്തരം ഒരു സംരംഭം ആരംഭിച്ചപ്പോൾ അദ്ദേഹത്തിൽ നിന്ന് തുടങ്ങാമെന്ന് തീരുമാനിച്ചത് -വി.ഡി സതീശൻ പറഞ്ഞു.
ഈ ചർച്ചയിൽ രാജ്യത്തെ കുറിച്ചും സംസ്ഥാനത്തെക്കുറിച്ചും ഞങ്ങൾ എത്തിേച്ചരുന്ന ചില പ്രതീക്ഷകളും നിഗമനങ്ങളും കോവിഡാനന്തര കേരളത്തിൽ രാഷ്ട്രീയാതീതമായ ഗുണപരമായ സംവാദത്തിന് തുടക്കം കുറിക്കും എന്ന പ്രതീക്ഷയുണ്ടെന്നും വി.ഡി സതീശൻ കൂട്ടിച്ചേർത്തു.