ടി.പി കേസ്​ പ്രതി ഷാഫിയുടെ പരോൾ ഉടൻ റദ്ദാക്കണമെന്ന്​ വി.ഡി.സതീശൻ

തിരുവനന്തപുരം: ടി.പി കേസ്​ പ്രതി ഷാഫിയുടെ പരോൾ ഉടൻ റദ്ദാക്കണമെന്ന്​ പ്രതിപക്ഷ നേതാവ്​ വി.ഡി.സതീശൻ. പരോളിലിരുന്ന്​ രാഷ്​ട്രീയ നേതാക്കളെ ഭീഷണിപ്പെടുത്തുകയാണ്​ ഷാഫി ചെയ്യുന്നതെന്ന്​ സതീശൻ ആരോപിച്ചു. ജയിലിലും പുറത്തും ക്വ​േട്ടഷൻ സംഘങ്ങളെ നിയന്ത്രിക്കുന്നത്​ ഷാഫിയാണ്​. ഇക്കാര്യത്തിൽ നിയമസഭയിൽ സർക്കാറിന്​ മറുപടി പറയേണ്ടി വരുമെന്നും സതീശൻ പറഞ്ഞു.

സ്വർണക്കടത്തും ഇതുമായി ബന്ധപ്പെട്ട ക്വ​േട്ടഷൻ പ്രവർത്തനങ്ങളുടേയും ആസൂത്രകൻ ഷാഫിയാണെന്ന്​ ആരോപണം ഉയർന്നിരുന്നു. കേസുമായി ബന്ധപ്പെട്ട്​ കസ്റ്റംസ്​ ഷാഫിയെ ചോദ്യം ചെയ്​തിരുന്നു. എന്നാൽ, ഇതിന്​ ശേഷവും ഷാഫി പരോൾ വ്യവസ്ഥ ലംഘിച്ചോയെന്ന്​ പരിശോധിക്കാൻ പൊലീസ്​ തയാറായിട്ടില്ല.

നേരത്തെ മുൻ ആഭ്യന്തര മന്ത്രി തിരുവഞ്ചൂർ രാധാകൃഷ്​ണന്​ ഭീഷണിക്കത്ത്​ ലഭിച്ചിരുന്നു. ഇതിന്​ പിന്നിൽ ടി.പി കേസ്​ പ്രതികളാകാനുള്ള സാധ്യതയുണ്ടെന്ന്​ തിരുവഞ്ചൂർ ആരോപിച്ചിരുന്നു.