ചെന്നിത്തലയെ അനുനയിപ്പിക്കാൻ വി.ഡി. സതീശൻ ഹരിപ്പാട്ടെത്തി

ആലപ്പുഴ: ഡി.സി.സി അധ്യക്ഷന്മാരുടെ തെരഞ്ഞെടുപ്പുമായി ബന്ധ​െപ്പട്ട്​ പരസ്യവിമർശനം ഉന്നയിച്ച രമേശ്​ ചെന്നിത്തലയെ അനുനയിപ്പിക്കാൻ പ്രതിപക്ഷ നേതാവ്​ വി.ഡി. സതീശൻ ഹരിപ്പാടെത്തി കൂടിക്കാഴ്​ച നടത്തി. ഞായറാഴ്​ച വൈകീട്ട്​ 3.30ന്​ ഹരിപ്പാട്​ എം.എൽ.എ ഓഫിസ​ിലെത്തിയാണ്​ ചർച്ച നടത്തിയത്​. പുതുപ്പള്ളിയിൽ മുതിർന്ന കോൺഗ്രസ്​ നേതാവ്​ ഉമ്മൻ ചാണ്ടിയെ കണ്ടതിനുശേഷമാണ്​ സതീശൻ ഹരിപ്പാട്​ എത്തിയത്​.

കഴിഞ്ഞ കാലങ്ങളിൽ ഇല്ലാത്ത രീതിയിൽ സംസ്ഥാന നേതാക്കൾക്കെതിരെ പരസ്യഅതൃപ്​തി പ്രകടമാക്കിയ രമേശ്​ ചെന്നിത്തലയെ അനുനയിപ്പിക്കാനുള്ള നീക്കങ്ങളുടെ ഭാഗമായിട്ടായിരുന്നു ചർച്ച.

കഴിഞ്ഞദിവസം കോട്ടയത്ത്​ ഡി.സി.സി പ്രസിഡൻറ്​ നാട്ടകം സുരേഷി​െൻറ സ്ഥാനാരോഹണ ചടങ്ങിൽ സംസ്ഥാന നേതാക്കൾക്കെതിരെ​ ചെന്നിത്തല കടുത്ത വിമർശനമാണ്​ ഉന്നയിച്ചത്​.

ഇൗ സാഹചര്യത്തിൽ രണ്ടാംഘട്ട കെ.പി.സി.സി പുനഃസംഘടനയടക്കമുള്ള കാര്യത്തിൽ പ്രശ്​നങ്ങളില്ലാതെ​ മുന്നോട്ടുപോകാനുള്ള സാഹചര്യമൊരുക്കുകയായിരുന്നു സന്ദർശനലക്ഷ്യമെന്നും പറയപ്പെടുന്നു. കൂടിക്കാഴ്​ച ഒന്നര മണിക്കൂർ നീണ്ടു. നിയുക്ത ഡി.സി.സി പ്രസിഡൻറ്​ ബാബുപ്രസാദും ഒപ്പമുണ്ടായിരുന്നു.