ഡി.വൈ.എഫ്.ഐക്കാരെയും ആർ.എസ്.എസുകാരെയും രക്ഷിച്ചത് ഒരേ രീതിയിൽ -വി.ഡി. സതീശൻ
text_fieldsപത്തനംതിട്ട: റിയാസ് മൗലവി വധക്കേസില് പ്രോസിക്യൂഷനും പൊലീസും പരാജയപ്പെട്ടെന്ന് കോടതിയാണ് പറഞ്ഞതെന്ന് പ്രതിപക്ഷനേതാവ് വി.ഡി. സതീശൻ. പ്രതികള് ആര്.എസ്.എസ് ആണെന്ന് തെളിയിക്കാന് ഹാജരാക്കിയ ആറ് സാക്ഷികളില് ഒരാളെ മാത്രമാണ് വിസ്തരിച്ചത്.
വണ്ടിപ്പെരിയാര് കേസിലും ഇതുതന്നെയാണ് നടന്നത്. ഡി.വൈ.എഫ്.ഐക്കാരെ രക്ഷിക്കാന് ശ്രമിച്ച അതേ രീതിയാണ് ആര്.എസ്.എസുകാരെ രക്ഷിക്കാന് റിയാസ് മൗലവി കൊലക്കേസിലും ചെയ്തത്. മുന് റവന്യൂ മന്ത്രിയും സി.പി.ഐ നേതാവുമായ ചന്ദ്രശേഖരനെ ആര്.എസ്.എസുകാര് ആക്രമിച്ച കേസിലെ സാക്ഷികളായിരുന്ന സി.പി.എം നേതാക്കള് കൂറുമാറി. ഇക്കാര്യം ചന്ദ്രശേഖരനാണ് നിയമസഭയില് പറഞ്ഞത്. ഇത് സി.പി.എമ്മും ആര്.എസ്.എസും തമ്മിലുള്ള അറേഞ്ച്മെന്റായിരുന്നു.
കേരളത്തിലെ പൊലീസില് ആര്.എസ്.എസ് ഗ്യാങ് പ്രവര്ത്തിക്കുന്നുണ്ടെന്നും അവരാണ് പൊലീസിനെ നിയന്ത്രിക്കുന്നതെന്നും പറഞ്ഞ ആനി രാജയാണ് വയനാട്ടില് മത്സരിക്കുന്നത്. എസ്.ഡി.പി.ഐയുമായി യു.ഡി.എഫിന് ഒരു ധാരണയുമില്ല. തീവ്രവാദ സ്വഭാവമുള്ള ഒരു സംഘടനയുമായും യു.ഡി.എഫ് ചര്ച്ച നടത്തില്ല.
പല കക്ഷികളും യു.ഡി.എഫിന് പിന്തുണ പ്രഖ്യാപിച്ചിട്ടുണ്ട്. ഇഷ്ടമുള്ളവര് വോട്ട് ചെയ്യും- അദ്ദേഹം പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.