പി. സിറിയക്​ ജോൺ മ​ല​യോ​ര​മേ​ഖ​ല​യു​ടെ വി​ക​സ​ന​ത്തി​നാ​യി ജീവിതം നീക്കിവെച്ച നേതാവ്​ -വി.ഡി. സതീശൻ

തിരുവനന്തപുരം: പി. സിറിയക്​ ജോണിന്‍റെ നിര്യാണത്തിൽ പ്രതിപക്ഷ നേതാവ് വി.ഡി. സതീശൻ അനുശോചിച്ചു. കുടിയേറ്റ മലയോര മേഖലയിൽ കോൺഗ്രസിന് വേരോട്ടമുണ്ടാക്കിയ ജനകീയ നേതാവായിരുന്നു അദ്ദേഹം. മ​ല​യോ​ര​മേ​ഖ​ല​യു​ടെ വി​ക​സ​ന​ത്തി​നാ​യി ജീവിതം നീക്കിവെച്ച നേതാവാണ്​. കുടുംബാംഗങ്ങളുടെയും സഹപ്രവർത്തകരുടെയും ദുഃഖത്തിൽ പങ്കുചേരുന്നതായും സതീശൻ അറിയിച്ചു.

കൃഷിഭവനുകള്‍ സ്ഥാപിച്ചതടക്കം കാര്‍ഷികമേഖലക്ക്​ വലിയ സംഭാവനകൾ നൽകിയ മന്ത്രി -കെ. സുധാകരൻ

കേരളത്തില്‍ കൃഷിഭവനുകള്‍ സ്ഥാപിച്ചതടക്കം കാര്‍ഷികമേഖലക്ക്​ വലിയ സംഭാവനകൾ നൽകിയ മന്ത്രിയായിരുന്നു സിറിയക്​ ജോണെന്ന്​ കെ.പി.സി.സി പ്രസിഡന്‍റ്​ കെ. സുധാകരൻ. പാര്‍ലമെന്ററി രാഷ്ട്രീയത്തിനൊപ്പം സഹകരണ മേഖലയിലും തിളക്കമാര്‍ന്ന പ്രവര്‍ത്തനം കാഴ്ചവെച്ചു. ജ്യേഷ്ഠതുല്യനായ സിറിയക് ജോണിന്റെ വിയോഗം കോണ്‍ഗ്രസിനും വ്യക്തിപരമായി തനിക്കും വലിയ നഷ്ടമാണെന്നും അനുശോചനസന്ദേശത്തിൽ സുധാകരന്‍ പറഞ്ഞു.