Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഹലാൽ വിവാദം സമൂഹത്തിൽ...

ഹലാൽ വിവാദം സമൂഹത്തിൽ ഭിന്നിപ്പുണ്ടാക്കാൻ -വി.ഡി. സതീശൻ

text_fields
bookmark_border
ഹലാൽ വിവാദം സമൂഹത്തിൽ ഭിന്നിപ്പുണ്ടാക്കാൻ -വി.ഡി. സതീശൻ
cancel

തിരുവനന്തപുരം: ഹലാൽ വിവാദത്തിലൂടെ സമൂഹത്തിൽ ഭിന്നിപ്പുണ്ടാക്കാൻ ശ്രമിക്കുകയാണെന്ന് പ്രതിപക്ഷ നേതാവ് വി.ഡി. സതീശൻ. എന്തെങ്കിലും വിഷയം പുതുതായി ഉണ്ടാക്കി ഈ സംഘർഷം വർധിപ്പിച്ച് തർക്കമുണ്ടാക്കി സമൂഹത്തിൽ ഭിന്നിപ്പുണ്ടാക്കാൻ ശ്രമിക്കുകയാണ്. നേരത്തെ പാലാ ബിഷപ്പിന്‍റെ വിഷയത്തോടനുബന്ധിച്ചും ഈ പ്രശ്നം ഉണ്ടായിരുന്നെന്നും അദ്ദേഹം പറഞ്ഞു.

ഇതിനുപിന്നിൽ കൃത്യമായ അജണ്ടകളുള്ള സംഘടനകളുണ്ട്. ആ സംഘടനകളെ പരസ്പരം പാലൂട്ടി വളർത്തുന്ന ഭൂരിപക്ഷ വർഗീയതയും ന്യൂനപക്ഷ വർഗീയതയും ഇതിന് പിന്നിലുണ്ട്. രണ്ട് കൂട്ടരും ഇതിന് പിറകിലുണ്ട് -പ്രതിപക്ഷ നേതാവ്​ വ്യക്തമാക്കി.

സർക്കാർ അന്വേഷണം നടത്തി സമൂഹ മാധ്യമങ്ങളിൽ വർഗീയ വിദ്വേഷം പ്രചരിപ്പിക്കുന്നവർക്കെതിരായി നടപടിയെടുക്കണം. എന്നാൽ, ഈ സർക്കാർ ഇതിനെതിരെ ചെറുവിരലനക്കിയിട്ടില്ലെന്നും വി.ഡി. സതീശൻ കുറ്റപ്പെടുത്തി.

Show Full Article
TAGS:VD Satheesan Halal Halal Food 
News Summary - VD Satheesan about Halal controversy
Next Story