ജെൻഡർ ന്യൂട്രാലിറ്റി: മുസ്‌ലിം ലീഗുമായി അഭിപ്രായ വ്യത്യാസമില്ല -വി.ഡി. സതീശൻ

കോഴിക്കോട്: ജെൻഡർ ന്യൂട്രാലിറ്റി വിഷയത്തിൽ മുസ്‌ലിം ലീഗുമായി അഭിപ്രായ വ്യത്യാസമില്ലെന്ന് പ്രതിപക്ഷ നേതാവ് വി.ഡി. സതീശൻ. വിഷയം ഇപ്പോൾ വിവാദമാക്കേണ്ടതില്ലെന്നും വി.ഡി. സതീശൻ പറഞ്ഞു.

മുസ്‌ലിം ലീഗിന്‍റെ സംസ്ഥാന ജനറൽ സെക്രട്ടറിയുടെ പ്രസ്താവന തള്ളിക്കളയുന്നില്ല. ഈ വിഷയത്തെ സംബന്ധിച്ച് സർക്കാർ തീരുമാനമെടുത്തിട്ടില്ല. സർക്കാർ തീരുമാനം എടുക്കുന്നതിന് മുമ്പ് അതിനെ സംബന്ധിച്ച് വിവാദം ഉണ്ടാക്കേണ്ട യാതൊരു ആവശ്യവുമില്ല. ജെൻഡർ ജസ്റ്റിസ് ഉണ്ടാകണമെന്നാണ് ഞങ്ങളുടെ അഭിപ്രായം. അതിൽ മുസ്‌ലിം ലീഗും ഞങ്ങളും തമ്മിൽ ഒരു അഭിപ്രായ വ്യത്യാസവുമില്ല -വി.ഡി. സതീശൻ വ്യക്തമാക്കി.

ജെ​ൻ​ഡ​ർ ന്യൂ​ട്രാ​ലി​റ്റി​യു​ടെ കാ​ല​ത്ത് പ്രാ​യ​പൂ​ർ​ത്തി​യാ​യ പു​രു​ഷ​ൻ ആ​ൺ​കു​ട്ടി​യു​മാ​യി ലൈം​ഗി​ക ബ​ന്ധ​ത്തി​ൽ ഏ​ർ​പ്പെ​ട്ടാ​ൽ പോ​ക്സോ കേ​സെ​ടു​ക്കു​ന്ന​ത് എ​ന്തി​നാ​ണെ​ന്ന ​വാ​ദ​വു​മാ​യി മുസ്‌ലിം ലീഗ് നേതാവ് എം.​കെ. മു​നീ​ർ കഴിഞ്ഞ ദിവസം രംഗത്തെത്തിയിരുന്നു. ''മു​തി​ർ​ന്ന പു​രു​ഷ​നും ആ​ൺ​കു​ട്ടി​യു​മാ​യി ലൈം​ഗി​ക​ബ​ന്ധ​ത്തി​ലേ​ർ​പ്പെ​ട്ടാ​ൽ പോ​ക്സോ കേ​സെ​ടു​ക്കു​ന്ന​ത് എ​ന്തി​നാ​ണ്. അ​ത് ജെ​ൻ​ഡ​ർ ന്യൂ​ട്രാ​ലി​റ്റി​യ​ല്ലേ? അ​തി​ന്റെ പേ​രി​ലെ​ന്തി​നാ​ണ് പോ​ക്സോ കേ​സെ​ടു​ക്കു​ന്ന​ത്''-മു​നീ​ർ ചോ​ദി​ച്ചിരുന്നു. പ​രാ​മ​ർ​ശം വി​വാ​ദ​മാ​യ​പ്പോ​ൾ, ത​ന്റെ പ​രാ​മ​ർ​ശ​ങ്ങ​ൾ മാ​ധ്യ​മ​ങ്ങ​ൾ വ​ള​ച്ചൊ​ടി​ക്കു​ക​യാ​യി​രു​ന്നു​വെ​ന്നും പോ​ക്സോ കേ​സു​ക​ൾ നി​ല​നി​ൽ​ക്ക​ണ​മെ​ന്നു​ത​ന്നെ​യാ​ണ് താ​ൻ ഉ​ദ്ദേ​ശി​ച്ച​തെ​ന്നും ട്രാ​ൻ​സ്ജെ​ൻ​ഡ​റു​ക​ൾ​ക്കാ​യി നി​ല​കൊ​ണ്ട​യാ​ളാ​ണ് താ​നെ​ന്നും മു​നീ​ർ വിശദീകരിച്ചിരുന്നു.

ആൺകുട്ടികളും പെൺകുട്ടികളും ഒരുമിച്ചിരിക്കാമെന്ന നിർദേശം അപകടകരമാണെന്നും മുതിർന്ന ആൺകുട്ടികളെയും പെൺകുട്ടികളെയും ഒരുമിച്ചിരുത്തിയാൽ ശ്രദ്ധ മാറിപ്പോകുമെന്നും വ്യക്തമാക്കി മുസ്‍ലിം ലീഗ് സംസ്ഥാന ജനറൽ സെക്രട്ടറി പി.എം.എ. സലാമും ഇന്നലെ രംഗത്തുവന്നിരുന്നു. ഈ വിവാദത്തിലാണ് ഇപ്പോൾ പ്രതിപക്ഷ നേതാവ് വി.ഡി. സതീശൻ നിലപാട് വ്യക്തമാക്കിയിരിക്കുന്നത്.

ആൺകുട്ടികളും പെൺകുട്ടികളും ഒരുമിച്ചിരുന്നാൽ എന്താണ് പ്രശ്നമെന്ന ചോദ്യവുമായി ഇന്ന് മന്ത്രി ശിവൻകുട്ടി വിഷയത്തിൽ പ്രതികരിച്ചിരുന്നു. മുൻ മന്ത്രി അടക്കമുള്ളവർ അവരുടെ മാനസികാവസ്ഥ തുറന്ന് കാട്ടുകയാണെന്നും അദ്ദേഹം കുറ്റപ്പെടുത്തിയിരുന്നു.