Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightരവി കോൺഗ്രസിനെ...

രവി കോൺഗ്രസിനെ പ​ുരോഗമന പാതയിലേക്ക്​ തിരിച്ചുകൊണ്ടുവന്ന​ നേതാവ്​ -ആൻറണി

text_fields
bookmark_border
രവി കോൺഗ്രസിനെ പ​ുരോഗമന പാതയിലേക്ക്​ തിരിച്ചുകൊണ്ടുവന്ന​ നേതാവ്​ -ആൻറണി
cancel

ആലപ്പുഴ: ഒരു കാലത്ത്​ യാഥാസ്ഥിതിക നിലപാടുകളിലേക്ക്​ വഴുതിപ്പോയ കോൺഗ്രസിനെ പ​ുരോഗമന ഇടതു​പക്ഷപാതയിലേക്ക്​ തിരിച്ചുകൊണ്ടുവന്നത്​ വയലാർ രവിയാണെന്ന്​ ​മുതിർന്ന കോൺഗ്രസ്​ നേതാവ്​ എ.കെ. ആൻറണി. ജനങ്ങളിൽനിന്ന്​ അകന്ന്​​ കോൺഗ്രസിന്​ അപചയം സംഭവിച്ച കാലഘട്ടത്തിൽ തിരുത്തൽ ശക്​തിയായി കടന്നുവന്ന യുവനേതാക്കളിൽ പ്രഥമസ്ഥാനം  രവിക്ക്​ അർഹതപ്പെട്ടതാണ്​. എൺപതാം പിറന്നാൾ ആഘോഷിക്കുന്ന വയലാർ രവിയെ ആദരിക്കാൻ ആലപ്പ​ുഴയിൽ സംഘടിപ്പിച്ച ചടങ്ങ്​ ഉദ്​ഘാടനം ചെയ്യുകയായിരുന്നു ആൻറണി.കമ്യൂണിസ്​റ്റ്​ സർക്കാറുകൾക്ക്​ എതിരെ മാത്രമല്ല കോൺഗ്രസിന്​ അകത്തും രവി പൊട്ടിത്തെറിച്ചു. പാർട്ടിക്ക്​ പുതുജീവൻ നൽകുന്നതിൽ അദ്ദേഹം പ്രധാന പങ്ക്​ വഹിച്ചു. യുവനേതാക്കളെ കണ്ടെത്തി വളർത്തിക്കൊണ്ടുവരുന്നതിൽ രവിക്ക്​ പ്രത്യേക സിദ്ധി തന്നെയുണ്ടായിരുന്നു -അദ്ദേഹം പറഞ്ഞു. 

ശീമാട്ടി ഗ്രൗണ്ടിൽ സ്​ത്രീകളടക്കം വൻ ജനാവലി പ​െങ്കടുത്ത ചടങ്ങിൽ സ്വാഗതസംഘം ചെയർമാൻ കെ.സി.​ േവണുഗോപാൽ  എം.പി അധ്യക്ഷത വഹിച്ചു. കേക്ക്​ മുറിച്ച്​ 80 മൺചിരാതുകളിൽ ദീപം തെളിച്ചു. രവിയെക്കുറിച്ച്​ രാജീവ്​ ആലുങ്കൽ രചിച്ച കവിത പിന്നണി ഗായിക ലാലി ആർ.പിള്ളയും വയലാർ ശരത്​ ചന്ദ്രവർമ രചിച്ച കവിത അദ്ദേഹംതന്നെയും ആലപിച്ചു.എറണാകുളത്തെ​ കോൺഗ്രസ്​ ഹൗസി​​െൻറ വരാന്തയിൽ പത്രങ്ങൾ തലയിണയാക്കി വർഷങ്ങളോളം ഉറങ്ങിയ അനുഭവമാണ്​ ത​​െൻറ കരുത്തെന്നു രവി പറഞ്ഞു.

 പ്രതിപക്ഷ നേതാവ്​ രമേശ്​ ചെന്നിത്തല, വി.എം. സുധീരൻ, എം.പിമാരായ എം.​െഎ. ഷാനവാസ്​, കൊടിക്കുന്നിൽ സുരേഷ്​, എ.​െഎ.സി.സി സെക്രട്ടറി പി.സി. വിഷ്​ണുനാഥ്​, ബെന്നി ബഹന്നാൻ തുടങ്ങിയവർ സംസാരിച്ചു. ഡി.സി.സി പ്രസിഡൻറ്​ എം.ലിജു സ്വാഗതവും ​െക.പി.സി.സി ജന.സെക്രട്ടറി സി.ആർ. ജയപ്രകാശ്​ നന്ദിയും പറഞ്ഞു. മുനിസിപ്പൽ ചെയർമാൻ​ തോമസ്​ ജോസഫ്​, ടി.സിദ്ദീഖ്​, ഷാനിമോൾ ഉസ്​മാൻ, എം.മുരളി, ഹൈബി ഇൗഡൻ എം.എൽ.എ തുടങ്ങിയവർ പ​െങ്കടുത്തു. കെ.പി.സി.സി പ്രസിഡൻറ്​ എം.എം. ഹസൻ, മുൻ മുഖ്യമന്ത്രി ഉമ്മൻ ചാണ്ടി എന്നിവരുടെ അസാന്നിധ്യം ശ്രദ്ധേയമായി.

വയലാർ രവിയുടെ ​പ്രണയം കണ്ടുപിടിച്ച​ കഥ പറഞ്ഞ്​ ആൻറണി
വയലാർ രവിയും മേഴ്​സിയും തമ്മി​െല പ്രണയം ആദ്യമായി കണ്ടുപിടിച്ചതി​​െൻറ കഥകൾ എ.കെ. ആൻറണി വിവരിച്ചപ്പോൾ ശീമാട്ടി ഗ്രൗണ്ടിൽ തിങ്ങിനിറഞ്ഞ സദസ്സിന്​ കൗതുകം. ത​​െൻറ പഴയകാല പ്രണയത്തെക്കുറിച്ച്​ സുഹൃത്ത്​ അനുസ്​മരിക്കുന്നത്​ രവി സാകൂതം കാതോർത്തു. 

മഹാരാജാസിലെ വിദ്യാർഥി ജീവിതകാലത്ത്​ എന്നും ഒപ്പം ചായ കുടിക്കാൻ വരാറുണ്ടായിരുന്ന രവി കുറച്ചുദിവസങ്ങളായി തന്നെ ഒഴിവാക്കുന്നതായി തോന്നി. സംശയാലുവായ താൻ ഒരുദിവസം പിന്നാലെ ചെന്നപ്പോൾ ചാറ്റൽ മഴയിൽ കുട ചൂടിവരുന്ന രണ്ട്​ പെൺകുട്ടികളിൽ ഒരാളുമായി സംസാരിക്കുന്ന രവി​െയയാണ്​ കണ്ടത്​. അത്​ മേഴ്​സിയായിരുന്നു. രജിസ്​റ്റർ ഒാഫിസിൽ നടന്ന വിവാഹത്തിൽ താനായിരുന്നു ഒന്നാം സാക്ഷി. വയലാറിൽ കൊണ്ടുവന്ന മേഴ്​സിയെ തിരിച്ച്​ കൊണ്ടുപോകാനെത്തിയ വീട്ടുകാരെ കോൺഗ്രസുകാരും കമ്യൂണിസ്​റ്റുകാരുമടങ്ങുന്ന നാട്ടുകാർ ഒാടിച്ചു. ആറുമാസത്തിനുള്ളിൽ രവി മേഴ്​സിയുടെ വീട്ടിൽ താമസമായി. ആൻറണി പറഞ്ഞുനിർത്തിയപ്പോൾ വേദിയിലും സദസ്സിലും ചിരിപടർന്നു. 

താൻ കണ്ടതിൽ വെച്ച്​ ഏറ്റവും മികച്ച മാതൃകദമ്പതികൾ രവിയും മേഴ്​സിയുമാണ്​. തുല്യാവകാശങ്ങൾക്ക്​ വിലകൽപിച്ച അവർ പരസ്​പര ബഹുമാനത്തോടെ ജീവിച്ചു. സ്​ത്രീ ശാക്​തീകരണത്തി​​െൻറ മികച്ച ഉദാഹരണമാണ്​ മേഴ്​സി രവിയെന്ന്​ ആൻറണി കൂട്ടിച്ചേർത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kpcckerala newsA K Antonyvayalar ravimalayalam news80th birthday celebration
News Summary - vayalar ravi 80th birthday celebration-Kerala news
Next Story