വട്ടിയൂർക്കാവിൽ വി.കെ. പ്രശാന്ത്​ എൽ.ഡി.എഫ്​ സ്ഥാനാർഥിയാകും

തിരുവനന്തപുരം: വട്ടിയൂർക്കാവ്​ ഉപതെരഞ്ഞെടുപ്പിൽ തിരുവനന്തപുരം ​നഗരസഭ അധ്യക്ഷൻ വി.കെ. പ്രശാന്ത്​ എൽ.ഡി.എഫ്​ സ ്ഥാനാർഥിയാകും. സി.പി.എം നേതൃത്വത്തിൽ ഇത് സംബന്ധിച്ച ധാരണയായി. വെള്ളിയാഴ്ച ഒൗദ്യോഗിക പ്രഖ്യാപനമുണ്ടാകും. ഇന്ന ് ചേർന്ന ജില്ലാ സെക്രട്ടറിയേറ്റിൽ ഭൂരിഭാഗം പേരും പ്രശാന്തിനെ പിന്തുണച്ചു.

മേയർ എന്ന നിലയിൽ കാഴ്​ച വെച്ച പ്രവർത്തന മികവാണ്​ പ്രശാന്തിന്​ പരിഗണന ലഭിക്കാനിടയായത്​. പ്രളയ ദുരിതാശ്വാസ പ്രവർത്തനങ്ങളുമായി ബന്ധപ്പെട്ട്​ സാധന സാമഗ്രികൾ സമാഹരിച്ച്​ കയറ്റി അയക്കുന്നതിൽ കാഴ്​ച വെച്ച മികച്ച പ്രവർത്തനങ്ങൾക്ക്​ സമൂഹ മാധ്യമങ്ങളിലും മറ്റും വലിയ സ്വീകാര്യതയും പ്രശംസയും നേടിയിരുന്നു. യുവനേതാവെന്ന പരിഗണനയും​ വി.കെ. പ്രശാന്തിന്​​ അനുകൂല ഘടകമാണ്​.

സ്ഥാനാർഥിയായി പരിഗണിക്കുന്നത് പ്രവർത്തനങ്ങൾക്കുള്ള അംഗീകാരമാണെന്ന് വി.കെ. പ്രശാന്ത് പ്രതികരിച്ചു. ജനങ്ങൾക്കൊപ്പം നിൽക്കുന്നവരെ ജനങ്ങൾക്കറിയാം. സാമുദായിക അതിർവരമ്പുകൾ ഇന്നത്തെ രാഷ്ട്രീയത്തിൽ പ്രധാനമല്ല. പാർട്ടി ഏൽപിച്ച ഉത്തരാവാദിത്തങ്ങൾ കൃത്യമായി നിർവഹിക്കുന്നുണ്ടെന്നും അദ്ദേഹം പറഞ്ഞു.