You are here

വാറ്റ് നിയമനടപടികൾ തുടരുന്നതിന്​ ജി.എസ്​.ടി​ തടസ്സമല്ലെന്ന്​ ഹൈകോടതി

14:59 PM
11/01/2019

കൊച്ചി: ചരക്ക് സേവന നികുതി (ജി.എസ്​.ടി) പ്രാബല്യത്തിൽ വന്നത്​ കേരള മൂല്യവർധിത നികുതി (വാറ്റ്) നിയമപ്രകാരമുള്ള നടപടികൾ തുടരുന്നതിന്​ തടസ്സമാകില്ലെന്ന്​ ഹൈകോടതി. ജി.എസ്​.ടി വന്ന സാഹചര്യത്തിൽ പഴയ വാറ്റ് കുടിശ്ശികയും പിഴയും  ഈടാക്കാനുള്ള നടപടി തടയണമെന്നാവശ്യപ്പെട്ട്​ വൻകിട വ്യാപാര സ്ഥാപനങ്ങളടക്കം സമർപ്പിച്ച 3250 ഹരജികൾ തള്ളിയാണ്​ ജസ്​റ്റിസ്​ ദാമ ശേഷാദ്രി നായിഡുവി​​​െൻറ ഉത്തരവ്​. സംസ്ഥാന ചരക്കുസേവന നികുതി നിയമത്തിലെ 173, 174 വകുപ്പുകൾ ഭരണഘടനപരമാണെന്ന്​ വിലയിരുത്തിയാണ്​ നികുതി വകുപ്പി​​​െൻറ നടപടി ശരിവെച്ചത്​.

ഭരണഘടന ഭേദഗതിയിലൂടെ ഏകീകൃതനികുതി സമ്പ്രദായമെന്ന നിലയിലാണ്​ ചരക്കുസേവന നികുതി കൊണ്ടുവന്നതെന്നായിരുന്നു ഹരജിക്കാരുടെ വാദം. സാധനങ്ങളെയും സേവനങ്ങളെയും ബാധിക്കുന്ന നിലവിലുള്ള ഏതെങ്കിലും സംസ്ഥാനനിയമം ഭരണഘടന ഭേദഗതിയിലൂടെയുണ്ടാക്കിയ നിയമവുമായി ഒത്തുപോകാത്തതുണ്ടെങ്കിൽ അത്തരം കാര്യങ്ങളിൽ വ്യക്തത വരുത്താൻ ഒരുവർഷം സമയവും അനുവദിച്ചിരുന്നു. ഈ സമയപരിധി അവസാനിച്ചതിനാൽ വാറ്റ്പ്രകാരം നടപടി പാടില്ലെന്നായിരുന്നു ഇവരുടെ വാദം. 

ജി.എസ്​.ടി നിലവിൽ വന്നതുകൊണ്ട്​ മാത്രം വാറ്റ് പ്രകാരമുള്ള നികുതി കുടിശ്ശികയിൽനിന്ന് ആർക്കും ഒഴിവാകാനാകില്ലെന്ന് സംസ്ഥാന സർക്കാറും ചൂണ്ടിക്കാട്ടി. സമയപരിധി അവസാനിച്ചതിനാൽ വാറ്റ് പ്രകാരം നികുതി പിരിക്കാൻ കഴിയില്ലെന്ന ഹരജിക്കാരുടെ വാദം നിലനിൽക്കാത്ത സിദ്ധാന്തമാണെന്ന്​ കോടതി ചൂണ്ടിക്കാട്ടി. 
 

Loading...
COMMENTS