വരാപ്പുഴ സംഭവത്തിൽ ഒരു വലിയ സഖാവിന്‍റെയും ഇടപെടലില്ല -സി.എൻ. മോഹനൻ

കൊച്ചി: വരാപ്പുഴയിൽ ശ്രീജിത്ത് കസ്​റ്റഡിയിൽ മരിച്ച സംഭവത്തിൽ ഒരു വലിയ സഖാവി​​െൻറയും ഇടപെടലുണ്ടായിട്ടില്ലെന്ന് സി.പി.എം എറണാകുളം ജില്ല സെക്രട്ടറി സി.എൻ. മോഹനൻ. എളങ്കുന്നപ്പുഴ പഞ്ചായത്ത് മുൻപ്രസിഡൻറി​​െൻറ ആത്മഹത്യയിലും വരാപ്പുഴ സംഭവത്തിലും സി.പി.എം പ്രതിക്കൂട്ടിലല്ല. ശ്രീജിത്തുമായോ കുടുംബവുമായോ പാർട്ടിക്ക് ഒരുതരത്തി​െല പ്രശ്നങ്ങളുണ്ടായിട്ടില്ല. വരാപ്പുഴ സംഭവത്തിൽ സർക്കാർ വളരെ വേഗത്തിലുള്ള നടപടി സ്വീകരിച്ചിട്ടുണ്ട്. കുറ്റവാളികളായ പൊലീസുകാർ അറസ്​റ്റിലായി. എസ്.പി സസ്പെൻഷനിലുമാണ്. 

വി.കെ. കൃഷ്ണൻ ആത്മഹത്യ ചെയ്ത സംഭവത്തിൽ അദ്ദേഹത്തി​​െൻറ കുടുംബം പാർട്ടിക്ക് ഇതുമായി ഒരുബന്ധവുമില്ലെന്നും തള്ളിപ്പറയില്ലെന്നും വ്യക്തമാക്കിയതാണ്. പഞ്ചായത്ത് പ്രസിഡൻറായിരുന്ന ഇദ്ദേഹത്തിനെതിരെ അവിശ്വാസപ്രമേയം കൊണ്ടുവന്നത് യു.ഡി.എഫും പിന്തുണച്ചത്​ ബി​.ജെ.പിയ​ുമാണ്​. ആലുവ സ്വതന്ത്ര റിപ്പബ്ലിക്കല്ല എന്ന പ്രസ്താവന അവിടെയുള്ളവരെ ആക്ഷേപിക്കാൻ വേണ്ടിയായിരുന്നില്ലെന്ന് മുഖ്യമന്ത്രിതന്നെ വ്യക്തമാക്കിയിട്ടുണ്ട്.

രാജ്യത്തെ നിയമവാഴ്ച പരിപാലിച്ചുകൊണ്ടേ മുന്നോട്ടുപോകാൻ കഴിയൂവെന്നതാണ് ഉദ്ദേശിച്ചത്. വരാപ്പുഴയിലും എടത്തലയിലുമുണ്ടായ പൊലീസ് നടപടികളൊന്നും സർക്കാർ നയത്തി​​െൻറ ഭാഗമായുള്ളതല്ലെന്നും അദ്ദേഹം പറഞ്ഞു.