വാള‍യാർ മദ്യദുരന്തം: കാരണമായത്​ വിഷദ്രാവകം കലർന്ന സ്പിരിറ്റെന്ന് വിവരം

വാ​ള​യാ​ർ/ പാ​ല​ക്കാ​ട്: വാ​ള​യാ​ർ ചെ​ല്ല​ങ്കാ​വി​ൽ അ​ഞ്ചു​പേ​രു​ടെ മ​ര​ണ​ത്തി​നി​ട​യാ​ക്കി​യ​ത്​ വി​ഷ​ദ്രാ​വ​കം ക​ല​ർ​ന്ന സ്പി​രി​റ്റെ​ന്ന്​ വി​വ​രം. ചൊ​വ്വാ​ഴ്​​ച പൊ​ലീ​സ് ന​ട​ത്തി​യ പ​രി​ശോ​ധ​ന​യി​ൽ ചെ​ല്ല​ങ്കാ​വി​ലെ അം​ഗ​ൻ​വാ​ടി​ക്ക് സ​മീ​പ​ത്തു​നി​ന്ന് ക​ന്നാ​സി​ൽ സൂ​ക്ഷി​ച്ച ദ്രാ​വ​കം ക​ണ്ടെ​ത്തി​യി​രു​ന്നു.

ഇ​ത് വ്യാ​വ​സാ​യി​കാ​വ​ശ്യ​ത്തി​ന് ഉ​പ​യോ​ഗി​ക്കു​ന്ന സ്പി​രി​റ്റാ​ണെ​ന്നാ​ണ് പ്രാ​ഥ​മി​ക നി​ഗ​മ​നം. 35 ലി​റ്റ​റി​െൻറ ക​ന്നാ​സി​ൽ പ​ത്ത്​ ലി​റ്റ​റോ​ളം മാ​ത്ര​മാ​ണു​ണ്ടാ​യി​രു​ന്ന​ത്. കോ​ള​നി​വാ​സി​ക​ൾ കു​ടി​ച്ച​തി​െൻറ ബാ​ക്കി​യാ​ണ്​​ ഇ​തെ​ന്നാ​ണ് സം​ശ​യം. മ​രി​ച്ച ശി​വ​െൻറ വീ​ട്ടി​ൽ​നി​ന്ന്​ 250 മീ​റ്റ​ർ അ​ക​ലെ​നി​ന്ന്​ ക​ണ്ടെ​ടു​ത്ത ക​ന്നാ​സ് ഒ​ളി​പ്പി​ച്ച നി​ല​യി​ലാ​യി​രു​ന്നു. ശി​വ​നാ​ണ് വി​ത​ര​ണം ന​ട​ത്തി​യ​ത്. മ​രി​ച്ച ഒ​രാ​ളു​ടെ ആ​മാ​ശ​യം ത​ക​ർ​ന്നി​രു​ന്ന​താ​യി പോ​സ്​​റ്റ്​​മോ​ർ​ട്ട​ത്തി​ൽ തെ​ളി​ഞ്ഞി​ട്ടു​ണ്ട്. വ്യാ​വ​സാ​യി​ക മേ​ഖ​ല​യാ​യ ക​ഞ്ചി​ക്കോ​​ട്ടെ പ​ല സ്ഥാ​പ​ന​ങ്ങ​ളി​ലും ഇ​ൻ​ഡ​സ്​​ട്രി​യ​ൽ സ്​​പി​രി​റ്റ​ട​ക്ക​മു​ള്ള രാ​സ​വ​സ്​​തു​ക്ക​ൾ​ ഉ​പ​യോ​ഗി​ക്കു​ന്നു​ണ്ട്​. എ​ന്നാ​ൽ, ഇ​വ​ർ​ക്ക് എ​ങ്ങ​നെ ഇ​ത് ല​ഭി​ച്ചെ​ന്ന​ത് വ്യ​ക്ത​മ​ല്ല. റെ​യി​ൽ​പാ​ള​ത്തി​ന് സ​മീ​പ​ത്തു​നി​ന്ന്​ ഉ​പേ​ക്ഷി​ച്ച നി​ല​യി​ലാ​ണ്​ മ​ദ്യം ല​ഭി​ച്ച​തെ​ന്ന്​ ആ​ശു​പ​ത്രി​യി​ൽ പ്ര​വേ​ശി​പ്പി​ക്ക​പ്പെ​ട്ട​വ​ർ മൊ​ഴി ന​ൽ​കി​യി​രു​ന്നു.

ക​ഴി​ഞ്ഞ വെ​ള്ള​യാ​ഴ്ച ക​ഞ്ചി​ക്കോ​ട് വാ​ട്ട​ർ​ടാ​ങ്ക് ജ​ങ്​​ഷ​നി​ൽ നി​ന്ന്​ ചാ​ക്കി​ൽ പൊ​തി​ഞ്ഞ ഒ​രു വ​സ്​​തു ശി​വ​ൻ ഊ​രി​ലേ​ക്ക് കൊ​ണ്ടു​പോ​കു​ന്ന​താ​യി ക​ണ്ട​വ​രു​ണ്ട്. ശ​നി​യാ​ഴ്ച രാ​വി​ലെ വ​ല്ല​ടി​യി​ലു​ള്ള ബ​ന്ധു​വീ​ട്ടി​ലെ ച​ട​ങ്ങി​ൽ പ​ങ്കെ​ടു​ക്കാ​ൻ ശി​വ​ൻ, മൂ​ർ​ത്തി, അ​രു​ൺ എ​ന്നി​വ​ർ ഒ​ന്നി​ച്ചാ​ണ് പോ​യ​ത്. ഇൗ ​സ​മ​യം ശി​വ​െൻറ കൈ​യി​ലെ കു​പ്പി​യി​ൽ മ​ദ്യ​മു​ണ്ടാ​യി​രു​ന്ന​താ​യും അ​രു​ൺ, മൂ​ർ​ത്തി, ശി​വ​ൻ എ​ന്നി​വ​ർ ച​ട​ങ്ങി​ന്​ ശേ​ഷം മ​ദ്യ​ല​ഹ​രി​യി​ലാ​ണ് ഊ​രി​ൽ മ​ട​ങ്ങി​യെ​ത്തി​യ​തെ​ന്നും ഊ​രു​വാ​സി​ക​ൾ പ​റ​യു​ന്നു. ചാ​ക്കി​ൽ പൊ​തി​ഞ്ഞ് കു​റ്റി​ക്കാ​ട്ടി​ൽ ഒ​ളി​പ്പി​ച്ച നി​ല​യി​ൽ ക​ണ്ടെ​ത്തി​യ ദ്രാ​വ​കം വെ​ള്ളി​യാ​ഴ്ച ശി​വ​ൻ ഊ​രി​ൽ എ​ത്തി​ച്ച​താ​കാ​മെ​ന്ന നി​ഗ​മ​ന​ത്തി​ലാ​ണ് അ​ന്വേ​ഷ​ണ ഉ​ദ്യോ​ഗ​സ്ഥ​ർ. ക​ന്നാ​സ് വ്യാ​ഴാ​ഴ്ച കോ​ട​തി​യി​ൽ ഹാ​ജ​രാ​ക്കി​യ ശേ​ഷം വി​​ദ​ഗ്​​ധ പ​രി​ശോ​ധ​ന​ക്ക​യ​ക്കും.

പോസ്​റ്റ്​മോർട്ടത്തിൽചഅ ആ​ൽ​​ക്ക​ഹോ​ൾ സാ​ന്നി​ധ്യം സ്ഥി​രീ​ക​രി​ക്ക​പ്പെ​ട്ടി​രു​ന്നു. ത​മി​ഴ്‌​നാ​ട്ടി​ൽ​നി​ന്ന് അ​ന​ധി​കൃ​ത​മാ​യി എ​ത്തി​യ സ്പി​രി​റ്റാ​ണോ എ​ന്നും അ​ന്വേ​ഷി​ക്കു​ന്നു​ണ്ട്.