കുരുമുളക് പറിക്കുന്നതിനിടെ ആദിവാസി യുവാവ് ഷോക്കേറ്റ് മരിച്ചു

വൈത്തിരി: പെരുങ്കോടയിൽ സ്വകാര്യവ്യക്തിയുടെ തോട്ടത്തിൽ കുരുമുളക് പറിക്കുന്നതിനിടെ ഇരുമ്പ് ഏണി വൈദ്യുതി ലൈന ിൽ തട്ടി ആദിവാസി യുവാവ് മരിച്ചു. അഞ്ചുകുന്ന് കാപ്പാൻകുന്നു കോളനിയിൽ നൂഞ്ചന്‍റെ മകൻ ചന്ദ്രൻ (40) ആണ് മരിച്ചത്. രാവിലെ 10നാണ് സംഭവം.

മുളക് പറിച്ച ശേഷം ചായത്തോട്ടത്തിലൂടെ മറ്റൊരു വശത്തേക്ക് പോകുന്നതിനിടെ കല്ലൂരിലേക്കുള്ള വൈദ്യുതി കമ്പിയിൽ ഏണി തട്ടുകയായിരുന്നു. എസ്.ഐ ഹരിലാൽ നായരുടെ നേതൃത്വത്തിൽ ഇൻക്വസ്റ്റ് നടത്തി. മൃതദേഹം വൈത്തിരി താലൂക്ക് ആശുപത്രിയിൽ പോസ്റ്റുമോർട്ടത്തിന് ശേഷം കാപ്പാൻകുന്ന് കോളനിയിൽ സംസ്കരിക്കും.

പ്രിയയാണ് ചന്ദ്രന്‍റെ ഭാര്യ. മക്കൾ: സന്ധ്യ, സന്ദീപ, ഷിജു, അനീഷ്, ഒന്നര മാസം പ്രായമുള്ള ഒരു മകനുമുണ്ട്.