കോവിഡ് ബാധിച്ച് വടകര സ്വദേശി മരിച്ചു

വടകര: തട്ടോളിക്കരയിലെ എല്‍.ജെ.ഡി പ്രവര്‍ത്തകനായിരുന്ന എന്‍.സി. പുരുഷോത്തമന്‍ (ഉത്തമന്‍-63) കോവിഡ് ബാധിച്ച് മരിച്ചു. പനി ബാധിച്ച് മൂന്ന് ദിവസമായി കോഴിക്കോട് മെഡിക്കല്‍ കോളജ്​ ആശുപത്രിയിൽ ചികിത്സിയിലായിരുന്നു.

മരണശേഷം നടത്തിയ പരിശോധനയിലാണ് കോവിഡ് സ്ഥിരീകരിച്ചത്. അഴിയൂരില്‍ നേരത്തെ കോവിഡ് പോസിറ്റീവായ വ്യക്തിയുടെ സമ്പര്‍ക്കത്തിലൂടെയാണ് രോഗം പകര്‍ന്നതെന്ന് സംശയിച്ചിക്കുന്നു.

എല്‍.ജെ.ഡി പാര്‍ട്ടി വാര്‍ഡ് കമ്മറ്റി അംഗവും യുവജന ആര്‍ട്സ് ആന്‍ഡ് സ്പോര്‍ട്സ് ക്ലബ്​ അംഗവുമാണ്​. മൃതദേഹം കോഴിക്കോട് കോര്‍പ്പറേഷന്‍ ശ്മശാനത്തില്‍ സംസ്കരിക്കും. ഭാര്യ: ഗിരിജ. മക്കള്‍: ഷിജില്‍, ഷിബിന്‍. മരുമകള്‍: സുമിത്ര.