വടകര മേഖലയിലെ സംഘർഷം: സഭയിൽ ഭരണ-പ്രതിപക്ഷങ്ങൾ നേർക്കുനേർ

തിരുവനന്തപുരം: വടകര മേഖലയിലെ അക്രമങ്ങളെ​ചൊല്ലി നിയമസഭയിൽ ഭരണപക്ഷ-പ്രതിപക്ഷ വാക്കേറ്റം. അക്രമം സംബന്ധിച്ച  അടിയന്തരപ്രമേയ ​േനാട്ടീസ്​ പരിഗണിക്കവേ സ്​ഥലം എം.എൽ.എ സി.കെ. നാണുവിന്​ പ്രസംഗിക്കാൻ അവസരം നൽകിയതാണ്​ ബഹളത്തിലും വാക്കേറ്റത്തിലും കലാശിച്ചത്​. രണ്ടുതവണ നടുത്തളത്തിലിറങ്ങി മുദ്രാവാക്യം മുഴക്കിയ പ്രതിപക്ഷത്തെ ഭരണപക്ഷ ​െബഞ്ചുകളും അതിശക്​തമായി പ്രതിരോധിച്ച​േതാടെ അരമണിക്കൂറോളം സഭാനടപടികൾ നിർത്തി​െവച്ചു. സി.കെ. നാണുവിനെ സാംസാരിക്കാൻ അനുവദിക്കാതെ പ്രതിപക്ഷം സ്​പീക്കർക്കെതിരെ തിരിഞ്ഞപ്പോൾ പ്രതിപക്ഷനേതാവിനെ സംസാരിക്കാൻ അനുവദിക്കാതെ ഭരണപക്ഷവും തിരിച്ചടിച്ചു. സഭ പുനരാരംഭിച്ച​പ്പോൾ സി.കെ. നാണുവിനെ സംസാരിക്കാൻ അനുവദിക്കില്ലെന്ന നിലപാടിൽനിന്ന്​ യു.ഡി.എഫ്​ പിൻവാങ്ങി. പൊലീസ്​ പക്ഷപാതിത്വമുന്നയിച്ച്​ പിന്നീട്​ യു.ഡി.എഫും മാണിഗ്രൂപ്പും സഭയിൽനിന്ന്​ ​ ഇറങ്ങിപ്പോയി. പാറയ്​ക്കൽ അബ്​ദുല്ലയാണ്​ അടിയന്തരപ്രമേയ നോട്ടീസ്​ ഉന്നയിച്ചത്​. 

മുഖ്യമന്ത്രിയുടെ പ്രാഥമികമറുപറിക്ക്​ ശേഷം വടകര, നാദാപുരം കുറ്റ്യാടി മേഖലകളില്‍ നടക്കുന്ന അക്രമങ്ങള്‍ വിശദീകരിച്ച പാറയ്ക്കല്‍ അബ്​ദുല്ല ഈ ഭാഗത്ത് സി.പി.എമ്മുകാരല്ലാത്തവര്‍ക്ക് ജീവിക്കാന്‍ കഴിയാത്ത സ്ഥിതിയാ​െണന്ന്​ കുറ്റപ്പെടുത്തി. മാന്യമായി ജീവിക്കാന്‍ തങ്ങള്‍ക്കും അവകാശംവേണമെന്നും അദ്ദേഹം ആവശ്യപ്പെട്ടു. അബ്​ദുല്ല ഇരുന്നതോടെ ത​​​​​​െൻറ മണ്ഡലത്തിലെ പ്രശ്‌നത്തിൽ സംസാരിക്കാൻ സി.കെ. നാണുവിന്​ ചെയർ അവസരം നൽകി. ഇതോടെ ശക്തമായ പ്രതിഷേധവുമായി യു.ഡി.എഫ് അംഗങ്ങൾ സ്പീക്കറുടെ ഡയസിന് മുന്നിലെത്തി മുദ്രാവാക്യം വിളിച്ചു. കീഴ്​വഴക്കമാണെന്ന്​ ഭരണപക്ഷവും എതിർത്ത്​ പ്രതിപക്ഷവും നിലയുറപ്പിച്ചു. പ്രതിപക്ഷം നടുത്തളത്തിൽനിന്ന്​ കയറിയശേഷം നാണുവിനെ വീണ്ടും പ്രസംഗിക്കാൻ വിളിച്ചതോടെ ബഹളം ശക്​തമായി. 

സ്​​പീക്കറുടെ വിശദീകരണത്തിന്​ പ്രതിപക്ഷം വഴങ്ങിയില്ല. ഇതോടെ ഭരണപക്ഷവും എഴുന്നേറ്റ് വെല്ലുവിളി തുടങ്ങി. സീറ്റ് വിട്ട് ചിലര്‍ മുന്നിലേക്ക് വന്നതോടെ മന്ത്രി ജി. സുധാകരന്‍ ഇടപെട്ട് ഇരിപ്പിടങ്ങളിലേക്ക് മടക്കി. ഇരുപക്ഷവും ചേരിതിരിഞ്ഞ്​ നിന്നു. പ്രതിപക്ഷനേതാവിനെ സംസാരിക്കാൻ ഭരണപക്ഷവും അനുവദിച്ചില്ല. സ്​ഥിതി വഷളായതോടെ സ്​പീക്കർ സഭ നിർത്തി​െവച്ചു. ഇരുപക്ഷവുമായും ചർച്ചചെയ്​ത ശേഷം പുനരാരംഭിച്ചതോടെ സഭ ശാന്തമായി. സഭയിലെ സംഭവങ്ങളെ സ്പീക്കര്‍ അപലപിച്ചു. തങ്ങള്‍ ഉന്നയിക്കുന്ന വിഷയങ്ങളുടെ തീവ്രത കുറയ്ക്കാനായി മറ്റുചിലര്‍ക്ക് അവസരം നല്‍കുന്നുണ്ടോയെന്ന സംശയം പ്രതിപക്ഷനേതാവ്​ പ്രകടിപ്പിച്ചു. ത​​​​​​െൻറ മണ്ഡലത്തിലെ സമാധാന അന്തരീക്ഷം തകര്‍ക്കരുതെന്നും നാണുവും ആവശ്യപ്പെട്ടു.

പ്രതിപക്ഷത്തിന് വിഷയദാരിദ്ര്യമുള്ളതുകൊണ്ടാണ് ഒരുമാസത്തിന് മുമ്പുള്ള വിഷയം എടുത്തതെന്ന് മുഖ്യമന്ത്രി മറുപടിനല്‍കി. അവിടെ നിലവില്‍ ഒരുപ്രശ്‌നവുമില്ലെന്നും സമാധാനാന്തരീക്ഷമാണ് നിലനില്‍ക്കുന്നതെന്നും മുഖ്യമന്ത്രി പറഞ്ഞു. താങ്കള്‍ ഭരിക്കുമ്പോള്‍ വിഷയദാരിദ്ര്യം ഉണ്ടാകി​െല്ലന്ന്​ ചെന്നിത്തല തിരിച്ചടിച്ചു. ആർ.എം.പി സെക്രട്ടറി എൻ. വേണുവിനെ അപായപ്പെടുത്താനായിരുന്നു ശ്രമം. അധികാരമുണ്ടെന്ന് കരുതി പൊലീസിനെ ദുരുപയോഗം ചെയ്യാമോയെന്ന് ആലോചിക്കണം. കേരളത്തിനെതിരെ മോശം പ്രചാരണം നടത്തുന്നതിന് താങ്കളുടെ പാര്‍ട്ടി അവസരം നല്‍കരുതെന്നും ചെന്നിത്തല പറഞ്ഞു.

രമയെ പേരെടുത്ത്​ പറയാതെ വിമർശിച്ച്​ മുഖ്യ​മന്ത്രി
ആ​ര്‍.​എം.​പി നേ​താ​വാ​യ കെ.​കെ. ര​മ​യു​ടെ നേ​തൃ​ത്വ​ത്തി​ല്‍ ന​ട​ത്തു​ന്ന സ​മ​ര​െ​ത്ത പേ​രെ​ടു​ത്ത്​ പ​റ​യാ​തെ വി​മ​ര്‍ശി​ച്ച് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ഡ​ല്‍ഹി​യി​ലും ഇ​വി​ടെ​യും സ​മ​ര​മി​രി​ക്കു​ന്ന​തി​​​​െൻറ താ​ല്‍പ​ര്യം എ​ല്ലാ​വ​ര്‍ക്കു​മ​റി​യാ​മെ​ന്ന്​ പ​റ​ഞ്ഞ മു​ഖ്യ​മ​ന്ത്രി പാ​റ​​ക്ക​ൽ അ​ബ്​​ദു​ല്ല​യെ​യും വി​മ​ർ​ശി​ച്ചു.ആ​ർ.​എം.​പി ശോ​ഷി​ക്കു​േ​മ്പാ​ൾ അ​തി​നെ സ്​​പോ​ൺ​സ​ർ ചെ​യ്​​ത​വ​ർ​ക്കു​ണ്ടാ​കു​ന്ന മ​നഃ​പ്ര​യാ​സ​മാ​ണി​തെ​ന്നും അ​ബ്​​ദു​ല്ല സ്​​പോ​ൺ​സ​ർ​മാ​രി​ൽ ഒ​രാ​ളാ​ണെ​ന്നും മു​ഖ്യ​മ​ന്ത്രി പ​റ​ഞ്ഞു. പാ​റ​ക്ക​ൽ അ​ബ്​​ദു​ല്ല​യു​ടെ അ​ടി​യ​ന്ത​ര​പ്ര​മേ​യ നോ​ട്ടീ​സി​ന്​ മ​റു​പ​ടി പ​റ​യു​ക​യാ​യി​രു​ന്നു മു​ഖ്യ​മ​ന്ത്രി. സം​സ്ഥാ​ന​െ​ത്ത ക്ര​മ​സ​മാ​ധാ​ന​നി​ല ത​ക​ര്‍ന്നെ​ന്ന ബോ​ധ​പൂ​ര്‍വ​മാ​യ പ്ര​ചാ​ര​ണം ആ​ഗ്ര​ഹി​ക്കു​ന്ന​വ​ര്‍ സ​ര്‍ക്കാ​ര്‍ വി​രു​ദ്ധ കേ​ന്ദ്ര​ങ്ങ​ളെ കൂ​ട്ടി​യോ​ജി​പ്പി​ക്കാ​നു​ള്ള ശ്ര​മ​മാ​ണ് ന​ട​ക്കു​ന്ന​ത്. സം​ഘ്​​പ​രി​വാ​റി​​​​െൻറ നേ​തൃ​ത്വ​ത്തി​ല്‍ രാ​ജ്യ​വ്യാ​പ​ക​മാ​യ പ്ര​ചാ​ര​ണ​മാ​ണ് കേ​ര​ള​ത്തി​നെ​തി​രെ ന​ട​ന്ന​ത്. 

ഇ​തി​നെ​തി​രെ പ്ര​വാ​സി​ക​ളു​ള്‍പ്പെ​ടെ ശ​ക്ത​മാ​യ പ്ര​തി​രോ​ധം ന​ട​ത്തി. ഇ​തി​നി​ട​യി​ലാ​ണ് ഡ​ല്‍ഹി​യി​ല്‍ ക​ഴി​ഞ്ഞ ദി​വ​സം ഒ​രാ​ള്‍ സ​ത്യ​ഗ്ര​ഹം ന​ട​ത്തി​യ​ത്. സം​ഘ്​​പ​രി​വാ​ര്‍ ആ​ക്ര​മി​ച്ച ഓ​ഫി​സി​ന് മു​ന്നി​ലാ​ണ് സ​ത്യ​ഗ്ര​ഹ​മി​രു​ന്ന​ത്. അ​തി​​​​െൻറ​യൊ​ക്കെ രാ​ഷ്ര്ടീ​യ താ​ല്‍പ​ര്യം എ​ല്ലാ​വ​ര്‍ക്കു​മ​റി​യാം. ഇ​രു​മ്പ് വ​ടി​ക​ളും വാ​ളു​ക​ളും സൂ​ക്ഷി​ച്ചി​രു​ന്നി​ട​ത്തു​നി​ന്നാ​ണ് അ​റ​സ്​​റ്റ്​ ന​ട​ന്ന​ത്. അ​ക്ര​മ​മു​ണ്ടാ​യാ​ല്‍ പൊ​ലീ​സ് മു​ഖം​നോ​ക്കാ​തെ ശ​ക്ത​മാ​യ ന​ട​പ​ടി​യു​ണ്ടാ​കും. മു​ഖ്യ​മ​ന്ത്രി പ​റ​ഞ്ഞു.

കേരളത്തില്‍ നിയമവാഴ്ച ഉറപ്പാക്കണം -ഉമ്മന്‍ ചാണ്ടി
തിരുവനന്തപുരം: കേരളത്തില്‍ നിയമവാഴ്ച ഉറപ്പുവരുത്തണമെന്ന് മുന്‍  മുഖ്യമന്ത്രി ഉമ്മന്‍ ചാണ്ടി. ആർ.എം.പി പ്രവര്‍ത്തകര്‍ക്കെതിരെ ഒഞ്ചിയത്ത്  സി.പി.എം നടത്തുന്ന അക്രമത്തിൽ പ്രതിഷേധിച്ച് സെക്ര​േട്ടറിയറ്റിന് മുന്നില്‍ നടക്കുന്ന ദ്വിദിന സത്യഗ്രഹ പന്തലിൽ നേതാക്കളെ  സന്ദർശിക്കുകയായിരുന്നു അദ്ദേഹം. ഒഞ്ചിയത്തെ പ്രശ്‌നങ്ങളെ മുഖ്യമന്ത്രി നിസാരവത്​കരിക്കുന്നു. രാഷ്​ട്രീയമായ ലക്ഷ്യത്തോടെ മുഖ്യമന്ത്രി ഒഞ്ചിയത്തെ പ്രശ്‌നങ്ങളെ കാണാന്‍ ശ്രമിച്ചാല്‍ ഗുരുതരമായ  ഭവിഷ്യത്തുണ്ടാകുമെന്നും ഉമ്മന്‍ ചാണ്ടി പറഞ്ഞു. ജനാധിപത്യവിരുദ്ധ  മാര്‍ഗങ്ങള്‍ സ്വീകരിച്ചതുമൂലമാണ് ബംഗാളിലും ത്രിപുരയിലും സി.പി.എമ്മി​‍​​​​​െൻറ പ്രസക്തി നഷ്​ടപ്പെട്ടത്. അക്രമ രാഷ്​ട്രീയത്തില്‍നിന്ന്​ സി.പി.എം പിന്തിരിയണം. തെറ്റ് തിരുത്താന്‍ സി.പി.എം തയാറായില്ലെങ്കില്‍ ദുരന്തമായിരിക്കും ഫലം. ആർ.എം.പി നടത്തുന്ന നീതിക്ക്​ വേണ്ടിയുള്ള സമരത്തിന് ജനാധിപത്യ കേരളത്തി​‍​​​​​െൻറയും കോണ്‍ഗ്രസി​​​​​​െൻറയും പൂര്‍ണപിന്തുണ ഉണ്ടെന്നും ഉമ്മന്‍ ചാണ്ടി പറഞ്ഞു. 

വടകര, ഒഞ്ചിയം മേഖലകളിലെ രാഷ്​ട്രീയസംഘര്‍ഷത്തിന്​ പിന്നിലെ  അക്രമികളെ മുഖ്യമന്ത്രി സംരക്ഷിക്കുകയാണെന്ന് പ്രതിപക്ഷനേതാവ്  രമേശ് ചെന്നിത്തല പറഞ്ഞു. രമക്കെതിരെ സി.പി.എം അനുകൂലികളായ സൈബര്‍ പോരാളികള്‍ നടത്തുന്ന അധിക്ഷേപങ്ങള്‍ക്കെതിരെ കേ​െസടുക്കാന്‍പോലും തയാറാകാത്തത് അപലപനീയമാണ്. സ്ത്രീ സുരക്ഷയെപ്പറ്റി പറയുന്ന സര്‍ക്കാര്‍ വനിതാദിനത്തില്‍പോലും കെ.കെ. രമക്ക്​ നീതി ലഭ്യമാക്കുന്നില്ലെന്നും ചെന്നിത്തല പറഞ്ഞു. പ്രതിപക്ഷ ഉപനേതാവ് ഡോ.എം.കെ. മുനീർ, എം.എല്‍.എമാരായ പാറക്കല്‍ അബ്​ദു​ള്ള, അനൂപ് ജേക്കബ്, കെ.എം. ഷാജി, മുന്‍ എം.എൽ.എ എ.പി. അബ്​ദുല്ലക്കുട്ടി, കെ.പി.സി.സി രാഷ്​ട്രീയകാര്യ സമിതിയംഗം ബെന്നി ​െബഹനാന്‍, മുന്‍മന്ത്രി ഷിബു ബേബിജോണ്‍, ജെയിസണ്‍ ജോസഫ് തുടങ്ങിയ നേതാക്കളും എത്തിയിരുന്നു. രാഷ്​ട്രീയ കൊലപാതകങ്ങൾ അവസാനിപ്പിക്കുക, ടി.പി കേസ് പ്രതികളുടെ ചട്ടവിരുദ്ധ പരോൾ അവസാനിപ്പിക്കുക തുടങ്ങിയ ആവശ്യങ്ങളുന്നയിച്ച് ആർ.എം.പി സംഘടിപ്പിച്ച ദ്വിദിനസമരം വ്യാഴാഴ്​ച അവസാനിച്ചു.